MÜNCHUAK-TSAI 16:10 - OTSAO BAIBEL (BSI)

¹⁰ chemthüikoxle zikmüt-mangkho pangnu tsak-zong chak tokya nange ku sünle thompu. Mongong tüikya füi kue nang thothapu, ilaxle nange ku amalum fangto awütle chichangüi.

MÜNCHUAK-TSAI 16:10 ပူးပေါင်းရင်းမြစ်များ

MÜNCHUAK-TSAI 49:15

Ikoxlechu Zang-e ku khose kopüi; zikmüt-mangkho tsak-zong chak tokya chixe ku azünüi. Selah

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

MIKNGÜN-OHÜN 20:13

Ifüima tinue ma ma tüikya zidaokyabu alaile kox. Zike tamchu ama-lumtingechu hwom ma tüikya zidaokyabu kox. Hwome chemle mokdaopuix, ija hwom mwot füifüi to hwom pangwüi kaxfün.

KAXHO MÜIKYA LUK 16:23

ilaxle chix amalumfang To sikngün ashukle ngoponge, chixe mik zaple thakchi to hukoxle ochu to chixe Abraham üntoxle chix zuima thungle Lazar le ngün.

KAXHO MÜIKYA LUK 1:35

Kaxtaimixe lan: “Otsao Chasa nang ma nguiüi, ilaxle Zang tsakzong e nang to oüi. Ikhoma ija otsao nao ang Zang Hosa le nyaküi.

ISAIA 14:9

“Ama-lumtinge Babilon wanghompa wünpwonle pongkop angkya achwonle tüile. Chaxwannu ma tsak-zongle tüikya khünakbu lwompu hwom ang zongdong. Ilaxle wanghom hwom lwompubu a hwom ngwotnui angkya ajongle.

TSAITONG-KAXTONG 32:22

Ku mongtsik a wünle laile jao chuale dongüi ilaxle chaxwantok angkya pangwüi zokle ashunüi. Ijae ama-lum jao alople changüi ilaxle haxnubu otsing komkaile zokle ashunüi.

1 KORIN 15:42

Zidaokya chatle azangle zo ningle ile chang angkya changle. Otue pum tuita hax ma akhünpuix, ija a zile shanün angkya; otue ija zo ang koxüihex, ija a tuita tamchu chizi chimax angkya changle.

HUAKE LAIPEX 6:6

Chixe kho a, ma tsün komkaile Jowanpa ang koxle thomkya münwan panüi, idaile müimang, manu-mapa kux wüi changlax chichangba mana-manao kux wüi changlax, ibu hato hüilaxle ma chitsaokya ang achang ang chitomüi.

LIWI 19:28

chichangba hünzome ma to huxtule taxchang chichangba ziünkya hanpak ang mongsi-ngünkya ahole nang tsangtsa to janman toxle mak taxkha. Ku a Jowanpa hünzom Zang changle.

KAXHO MÜIKYA LUK 4:34

chixe akhongle thüi: “Ei, Nazareth nok Jisu, nange kwom füi chem mok angkya tüikya? Nang kwom amüt ang hüipia? Nang owahex kue awanle. Nang a Zang Otsao Kaxho mix changle!”

AMOS 9:2

Hwome amalum alople hwom pao angkya lom thule jukox ngaxchu, kue hwom kopüi. Hwom zangkho to ngale changkoxchu, kue hwom bele ajoüi.

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

ISAIA 5:14

Amalum a hwom bama woknuak maxle, ilaxle ija owikha lanle akakox. Mwop-mwop-tsatsale ngonuikya zangjang khünaknu füi tomle ijae Jerusalem angkya pünlix-wangchongbu jokle ling.

WANWÜNKAX 27:20

Khünak küntex-mongsung a amalum ningle: othuithuima onui tüile wüi ngo angkya changle.

WANWÜNKAX 15:11

Ikhato chem tüipuix ija Jowanpa ang awan ang chitomle amalume ngaxchu pyenle thom ang müntho; jangchang thüiba keme kem tutex chix thoto chemle khomle thom ang thoüi?

MÜNCHUAK-TSAI 139:8

Ku dingkho to dongkoxchu, ikhato nang tüi! Kue Sheol to ku jipnui zikoxlechu, ikhatochu nang tüi!

MÜNCHUAK-TSAI 9:17

Chichangchizangle tüikya hia Zang pongle chikopkyabu pangwüi oshuk a zik changle.

JOB LAIPEX 11:8

Zang hanpakma zangding ma chem othüt müntüi, ikoxle ija to nange alop ang müntho. Amalum-fang tokya omang chaxwan Zang-e awan ngopu, ikoxle nange ija chitsing.