MÜNCHUAK-TSAI 16:1 - OTSAO BAIBEL (BSI)

¹ Ku khosün hüi, O Zang; azang angkya hanpakma kue nang to ongpu.

MÜNCHUAK-TSAI 16:1 ပူးပေါင်းရင်းမြစ်များ

MÜNCHUAK-TSAI 56:1

O Zang, ku to chingchakya tüihüi, chemthüikoxle ku a zansing sungkha ma tüile; ku zanpabue ku to othuithuima zothuple.

MÜNCHUAK-TSAI 17:8

Nange nang mik chemle azünse hex ile ku azünhüi; nang kui-hi-zang fangto ku pyenle thom hüi,

MÜNCHUAK-TSAI 116:6

Jowanpa kho-awa angkya mix chitüikyabu kho awale; chemtue ku thomzün ma tüipuix, chixe ku khosün.

MÜNCHUAK-TSAI 84:12

Khüthak Jowanpa, nang to mongong thomkyabu chemtukux mongmüi mixbu changpuix!

MÜNCHUAK-TSAI 31:23

Chix to mongong tüikyabu pangnue Jowanpa to mongkünkya tüikox. Mongong tüikya khünakbu pangwüi Jowanpae ziakople thomle, ikoxlechu hwome lomkya lailaile ongambu to chixe sikangünle.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

WANWÜNKAX 2:8

Mix to tawüi le hukya khünakbu kho chixe sünle, üntoxle chix o künkox-mongkoxle tüikyabu chixe nyele.

MÜNCHUAK-TSAI 146:5

Hwom to fong ang owapange Jakop Zang koplaxle tüipuix, opange Jowanpa hwom Zang to onglaxpuix,

MÜNCHUAK-TSAI 9:10

Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

MÜNCHUAK-TSAI 7:1

O Jowanpa, ku Zang, ku nang hato ku kho awahüi le nguipu; ku achuale ngokyabu pangnu chak tokya ku azünhüile nguipu,

MÜNCHUAK-TSAI 125:1

Jowanpa to mongong tüikyabu a otuechu chiamok tamchu apao ang chithokya Zaion haxnu ningle changpu.

MÜNCHUAK-TSAI 97:10

Jowanpa chixe ochax thua anukyabu to mongkünle; chixe chix khünaknu khüzün kho-awale thomle; chichang-chizangkyabu tsak-zong chak tokya chixe hwom azünle thomle.

MÜNCHUAK-TSAI 60:1

Zang, nange kwom chilaxle awüt, üntoxle kwom towüi anao; nang ang kwom füi mongtsikle chang: Ikoxlechu athax kwom hato wüi anongle chat.

MÜNCHUAK-TSAI 37:28

chemthüikoxle chem supuix ija to Jowanpa mongkünle ilaxle chix to mongong thomkya khünakbu chixe danle müntox. Jento chixe hwom khosele, ikoxlechu chichang-chizangkya su-sabu a jwonle apaoüi.

MÜNCHUAK-TSAI 25:20

Kho-awale ku khosün kophüi, ku to anao ang taxtom. Azang angkya hanpakma ku nang hato nguipu.

MÜNCHUAK-TSAI 17:5

Othuithuima ku nang lomtang ma ahampu, ilaxle ija angkya ku atsaile chipaopu.

2 KORIN 1:9

Kwom ang mik amüt angkya tsaifün kaxfün tsuakdaongachu le kwom mongto texle hüi. Ikoxle ija a, kwome alüile ma to chichangle zidaokya azüntsuakkya to mongong naxtüi ang ile chang.

MÜNCHUAK-TSAI 22:8

Hwome thüi: “Nange Jowanpa to onglax ngokox. Chixe nang kho büthüikoxle chisün? Jowanpae nang to jangkünba, chixe nang to büthüikoxle chifong?”

MÜNCHUAK-TSAI 7:2

chichangthüiba mailang tuitae tswonle paopupule hwome ku tswonle paoüi, ikhato ku owaechu sünle kop ang chithoüi, ilaxle ikhato hwome ku ashik-afünle awütüi.