MÜNCHUAK-TSAI 15:5 - OTSAO BAIBEL (BSI)

⁵ Hwome olüi chilom homle thashe koxle üntoxle chemngax chitikkyabu füi apüile tüikyabu sule le aho ang zuizun kox ang müntho. Owapange iningkya mwot moklaxüihex othuithuima kho azangle ngoüi.

MÜNCHUAK-TSAI 15:5 ပူးပေါင်းရင်းမြစ်များ

TSAITONG-KAXTONG 16:19

Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

LAIPAO 22:25

“Hünzome ku khünak owawa chitüi-chinang mix ang thashe ma ngun koxle jangchang, otuechu ngun-thalex mixbu ningle taxchang üntoxle hwom ma olüi taxlom.

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.

EZEKEL 18:8

Chixe olap kop angle ngun koxle münthom. Chixe ochax mwot münmokle angamle ilaxle tütaningle alakya zangwünchu chixe sukya lom ma fün-wün tsuakle kox.

JUHAN 13:17

Athax hünzome ija otsingtsing bama awandaoa ilaxle ija mwot ang achangle twonkya zuma hünzom ang mong otukux müiüihex!

WANWÜNKAX 12:3

Chichangchizangle tüikyae khose angkya ataküile münchang, ikoxle otsao khünakbu a shingmongle ajongle.

MÜNCHUAK-TSAI 112:6

Müikya khünak chemtuechu thaithaxle münchangüi; chix a jento texle atak angkya changle.

MÜNCHUAK-TSAI 106:3

Chix kaxtombu kax ma laxle tüikyabu mohiman changpu, othuithuima sukya mwot mokkyabu mohiman.

MÜNCHUAK-TSAI 55:22

Nang künduk mongthang Jowanpa chak to danlax, ikoxle chixe nang khoseüi; chixe chemtuechu sukya khünakbu to lüt ang matomüi.

MÜNCHUAK-TSAI 16:8

Jowanpa womle tüikya kue othuithuima awanle; tütaechu ku to sile alox ang müntho, chix a ku zui ma tüile.

MATHI 26:15

“Kue Jisu hünzom ang owüiole jangkoxba hünzome ku ang chem faüi?” Hwome jan ngun huak tsübün akiak laxle chix ang kox.

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

EZEKEL 18:27

Ochax khünak owawae ochax lyenle ngokya zak ilaxle chem supuix ijaja mokle jangchang, chixe ma khangkho sünpu.

EZEKEL 18:17

Chixe ochax mwot münmokle angam ilaxle olap kop ang ngun koxle chiapao. Chixe ku wanlombu thomle ilaxle ku kaxtombu kax ma laxle. Chix a hopa ochax khoma hexle münzi, ikoxle chix a ozün ma ngoüijao.

ISAIA 33:15

Nange kaxtsing zangwün tamchu sukyakya mokle jangchang nang chizile ngo ang tsuak. Nang tsak-zong a chitüi-chinang dyenla ang taxtwon ilaxle zuizun pongle taxkop. Mix mik amüt ang tungkya hia ochax mwot mok ang tungkyabu khato taxhak.

LAIPAO 22:24

Ku ang mongtsik dongüi ilaxle hünzom a zan to max ang tomüi. Hünzom kakonubu thanu ang achangüi ilaxle naosombu a khaxsa ang achangüi.

TSAITONG-KAXTONG 23:21

“Chemtue hünzom Jowanpa hünzom Zang füi tsaotsütle changüihex, hünzome koxüihex-ole tsaosax daokya chimokle otuechu taxtüi; Jowanpae nang tsaotsüt koplax ngoüi, ilaxle Jowanpa füikya tsaotsüt thom ang chithokya a tuita ochax ang changpu.

1 SAMUEL 12:3

Ku ima tüipongma kue tütali thaikya mwot mokle jangchangdao thüiningle Jowanpa hia chixe kamle koxkya wanghompa nyi tunthoma ku ma tsaitox-kaxfe angkya oli bakle ngailax, kue owawa kux maihu chichangba mantsak pale zongzong ma laxkya nox tüidaocha? Kue owawa angkya zuizun laxle changdao cha? Kue iningkya mwot tütali ma thaile mokdaokya thaile jangtüi thüiningle, kue laxdaokya kue achatle koxüi.”

WANWÜNKAX 10:30

Otsao khünakbu hanpakma jento ziakople thomkya tüingole, ikoxle chichang-chizangkya khünakbu haxtok ma ozün ma münngoüi.

WANWÜNKAX 15:27

Mix to dyen-lale olüi kop ang azonglax, nang homkhae thama apongüihex. Zuizunbu laxle chichang thüiningle nang tsünlo zaknuile ngoüi.