MÜNCHUAK-TSAI 149:1 - OTSAO BAIBEL (BSI)

¹ Jowanpa achuak kox! Jowanpa ang tsaizün tuita ngaokox; chix to mongong tüikya khünaknu tusox ma chix achuak kox!

MÜNCHUAK-TSAI 149:1 ပူးပေါင်းရင်းမြစ်များ

MÜNCHUAK-TSAI 33:3

Chix ang tsaizün tuita ngaokox, man wüi manle waxmai hongkox, üntoxle mongmüi to akhongkox!

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

IBRI 2:12

Chixe Zang ang thüi: “Nange chem mokdaopuix, ija kue tüinao hwom hama wünüi; hwom tusox ma kue nang achuaküi.”

MÜNCHUAK-TSAI 148:1

Jowanpa achuak kox! Jowanpa achuak kox zangkangting tokhange, hünzom zangkho to ngokyabue.

MÜNCHUAK-TSAI 98:1

Jowanpa ang tsaizün tuita ngaokox; chixe ohünotün mwotbu mokdaoa! Chix tsak-zong hia otsao janzüi makhange chixe zan lüt ang thodaoa.

ISAIA 42:10

Jowanpa ang tsaizün tuita ngaokox; chix achuakle ngaokox, chaxwannu pangnu! Chix achuak kox, hünzom tinu mongto khua ma ahamkyabu; chix achuak kox, tinu mong tokya zünmoknüsae! Ngao kox, ikhato ngole tüikya tsailo nokbue!

MÜNCHUAK-TSAI 144:9

O Zang, kue nang ang tsaizün tuita ngaoüi; kue thuaput-waxmai mütle nang achuakle tsai ngaoüi.

MÜNCHUAK-TSAI 116:18

Nang khünaknu tusox ma, Jerusalem angkya nang Zangshwom-Hom otsao nui ma, kue chem tsaosaxle changdaopuix ija kue nang ang koxüi. Kue Jowanpa achuak-achenüi!

MÜNCHUAK-TSAI 68:26

“Chix khünaknu tusox ma Zang achuak-achenkya tüikox; Jakop su-sa hwom pangnue Jowanpa achuak-achenle changkox!”

MÜNCHUAK-TSAI 22:25

Nange chem mokdaopuix ija bama, khünaknu pangwüi asox pongma kue nang achuaküi; nang zangshwomkya khünaknu tunthoma kue tsaosaxdaokya töbu kue koxüi.

MÜNCHUAK-TSAI 22:22

Nange ku to chem mokpuix ija kue ku khünaknu hama wünüi; hwom tusox ma kue nang achuak-achenüi:

MÜNCHUAK-TSAI 89:5

Zangdingbue nange mokkya ohünotün mwotbu bama tsai ngaole; otsaobue chialekya nang mongong bama tsai ngaole, Jowanpa;

MÜNCHUAK-TSAI 96:1

Jowanpa ang tsaizün tuita ngaokox! Jowanpa hato ngaokox, chaxwannu pangnu!

MÜNCHUAK-TSAI 111:1

Jowanpa achuak kox! Chix khünaknu tusox ma ku mong makhange abakle Jowanpa ang münchong faüi.

MÜNCHUAK-TSAI 35:18

Ifüima kue nang khünaknu tusox ma nang ang münchong faüi; hwom pangnu tunthoma kue nang achuaküi.