MÜNCHUAK-TSAI 146:6 - OTSAO BAIBEL (BSI)

⁶ ding-hi-hax tamchu tinu shinthuk anaolechu ibu ma tüikya pangwüi zingpupa to a, mongmüi mixbu a hwom changpu. Chixe jento chix kaxtsaobu thomle;

MÜNCHUAK-TSAI 146:6 ပူးပေါင်းရင်းမြစ်များ

MIKNGÜN-OHÜN 14:7

Chixe akhongle akax: “Zang chathua zakox üntoxle chix fuazang achua achenkox! Chemthüikoxle chixe khünaknüsa kaxfün angkya hanpak nguile hüile. Ding hia hax üntoxle tümik fuaknuibu zingle alaikya Zang tong shwomkox.”

MÜNCHUAK-TSAI 100:5

Jowanpa a müikya changle; ilaxle chialekya chix mongong oshuk chitüile ngoüi.

LAIPAO 20:11

Nyix azok mong ma Jowanpa, kue chaxwannu, zangding, tinu üntoxle ibu ma atüitüi pangwüi zingpu, üntoxle nyix anüt lükya to ku nazakpu. Idaile Jowanpa, kue Sabath nyix to mohiman laxle otsao ang achangpu.

KOLOSI 1:16

Chemthüikoxle Zange chix makhange ding hia hax ma, mike ngünkya ilaxle mike chingünkya, tamchu chongwang tüntong wüi changlax, Chasa tsakzong wüi changlax, apün-awangkyabu wüi changlax, tsakzongbu wüi changlax; Chix hanpakma tamchu chix makhange Zange zangfang komle zing.

JEREMIA 32:17

“Khüthak Jowan Zang, nange nang tsak-hi-zong chongkya makhange chaxwannu hia zangdingkho zingle alaipu; nang zongto huanuma tsakkya oli chemchu chitüi.

PONGWANG LAIPEX 1:1

Chemtue Zang-e ding-hi-hax zingle alaipuix,

MÜNCHUAK-TSAI 95:5

Chixe zingkya tilo-tinu tochu chixe apünle; chixe alaikya haxwan tochu chixe wüi apünle.

MÜNCHUAK-TSAI 89:2

Nang mongkün a othuithuima ngoüile kue awanle, chemthüikoxle chialekya nang mongong a zangdingkho lailaile otyatya.

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

TITA 1:2

Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

MÜNCHUAK-TSAI 117:2

Kem hanpak ang chix mongkün a shingmongle tüile ilaxle chialekya chix mongong a oshuk chitüikya changle. Jowanpa achuak kox!

MÜNCHUAK-TSAI 33:6

Jowanpae zangkhobu chix kaxtom füi zingle alaipu, chix kaxbu füi zanghan hia lyetnu üntoxle lyettsibu zingle alaipu.

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

JUHAN 1:3

Chix makhange Zange pangnu li zingle alai; zingkya khama oli tuitachu chix chichang homtoxle zingkya chitüi.

MÜNCHUAK-TSAI 115:15

Ding hia hax zingkya Jowanpa hünzom to mohimanle naxtüi!

JUHAN 10:34

Jisu-e hwom kax to lan: “Hünzom a zangbu changle le wanlom ma zale tüile.

DANEL 9:4

Kue Jowanpa ku Zang to zangjop ilaxle ku khünaknu ochaxbu bama thailak tüihüile ju. Kue thüi: “Jowan Zang, nang a chongkya changle, ilaxle kwome nang achuak-achenpu. Nange nang kaxtsao bama chialekya mongong füi ngo ilaxle nang to mongkünkyabu hia nang kaxtom kax ma laxle tüikyabu hato chizakle mongkün aho.

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

MÜNCHUAK-TSAI 89:33

Ikoxlechu kue Dawid to mongkünkya münzak chichangba chix füikya ku tsaosüt chithom homle müntüi.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

MIKA 7:20

Nange nang khünaknu, Abraham hia Jakop sixlibu, kwom putong hwom füi nange tsaole thomdaokya ningle, kwom hato chialekya mongong hia chizakkya nang mongkün aho angkya changle.