MÜNCHUAK-TSAI 145:1 - OTSAO BAIBEL (BSI)

¹ Kue nang chongkya zang fuaüi, ku Zang üntoxle ku wanghom; oshuk chitüile kue nang ang münchong faüi.

MÜNCHUAK-TSAI 145:1 ပူးပေါင်းရင်းမြစ်များ

MÜNCHUAK-TSAI 45:6

Zang-e nang ang fakya wangting oshuk chitüile ngoüi. Nange nang khünaknu thakma sule apün;

MÜNCHUAK-TSAI 30:12

Idaile ku dang angkya münchang; kue nang achuakle tsai ngaoüi. Jowanpa, nang a ku Zang changle; kue othuithuima münchong fale ngoüi.

MÜNCHUAK-TSAI 34:1

Kue othuithuima Jowanpa ang münchong faüi; kue chix achuakkya tam-münzaküi.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

MÜNCHUAK-TSAI 45:1

Osün müikya zangwünbue ku khangka awang, wanghompa hanpakma kue ija tsai zingpongma.

MÜNCHUAK-TSAI 44:4

Nang a ku chongwangpa tamchu Zang changle; nange nang khünaknu ang tholünkya koxle,

MÜNCHUAK-TSAI 30:1

Jowanpa, kue nang achuakpu, chemthüikoxle nange ku khosünpu, zanpabue ku wanjaile chang angkya chak tokya nange ku kople thompu.

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

MALAKI 1:14

Chixe ku ang koxüihex-ole tsaokya amüikya müi tüingale, ku dyenlale chilaxli müi apüilaxle tö koxkya mix a othuak-ozom ang naxchang! Chemthüikoxle ku a wanghom achongkya changle, ilaxle pangnu jat-li tokya khünaknue ku-thua zapu.”

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

MÜNCHUAK-TSAI 149:2

Hünzom Zingpupa hanpakma mongmüikya tüikox, hünzom Israel; hünzom wanghompa bama Zaion angkya khünaknu, hünzom ang mongmüikox!

MÜNCHUAK-TSAI 145:21

Kue chuwüi Jowanpa achuak-achenüi; chix chakzing zünmok pangnusae wüi oshuk chitüile chix otsao mün achuak ang tomkox.

MÜNCHUAK-TSAI 100:1

Jowanpa hato tsai ngaokox, chaxwannu pangnu!

MÜNCHUAK-TSAI 95:3

Chemthüikoxle Jowanpa a akhokya Zang changle.

MÜNCHUAK-TSAI 68:4

Zang ang tsai ngaokox, chix mün achuakle ngaokox; owa zangfwom khoma ngale tüipuix, chix lomtang achwonkox; Chix mün a Jowanpa changle: chix womle tüikya to mongmüikox!

MÜNCHUAK-TSAI 52:9

Zang, nange chem mokdaopuix, ija hanpakma kue jento nang ang münchong fale ngoüi; nang a müihule le kue nang khünaknu tunthoma apuküi.

MÜNCHUAK-TSAI 5:2

Fonghüile akhong pongma ku to apahüi, ku Zang üntoxle ku wanghompa! Kue nang to zangjoppu, O Jowanpa;

1 PUKAX-PANGAO 29:13

Athax, kwom Zang, kwome nang ang münchong fapu, ilaxle kwome nang fuazangkya mün achuakpu.

MÜNCHUAK-TSAI 5:3

nange anopningle ku kaxzing apahüi; zanghan chüdüne kue zangjoppu üntoxle nang kaxlan to hule nuipu.

MÜNCHUAK-TSAI 30:2

O Jowanpa, ku Zang, ku to fong angkya lomle kue nang nyakpu, ilaxle nange ku amüile fapu;

MÜNCHUAK-TSAI 75:9

Ikoxlechu kue Jakop Zang mo wünle akaxkya ku kax tam-münzak chichangba chix achuakle tsai ngaokya a.

MÜNCHUAK-TSAI 96:2

Jowanpa ang ngaokox, üntoxle chix achuak kox! Nyixfokya to chixe kem khosünkya kaxho müikya apukkox.

MÜNCHUAK-TSAI 118:28

Nang a ku Zang changpu, ilaxle kue nang ang münchong fapu; kue nang chuak-chongkya zangzing apuküi.

MÜNCHUAK-TSAI 146:2

Ku ozün ma ngokya kople kue chix achuaküi; Tsünjang masule kue Zang achuakle tsai ngaoüi.

ISAIA 38:20

Jowanpa, nange ku kak amüidaoa. Kwome thuaput waxmaibu mütle nang achuakle tsai ngaoüi, kwom tsünlole ngokya kople nang Zangshwom-Hom ma nang achuaküi.