MÜNCHUAK-TSAI 143:10 - OTSAO BAIBEL (BSI)

¹⁰ Nang a ku Zang changle; nang mongtex mok angkya ku hama anole fahüi. Ku zongto müihüi, ilaxle thomzün chitüikya lom to ku lomzunhüi.

MÜNCHUAK-TSAI 143:10 ပူးပေါင်းရင်းမြစ်များ

JUHAN 14:26

Ikoxle fongmix ija Otsao Chasa, Apae owa ku mün ma ahüi angkya hex, chixe hünzom hama pangnusa apuale fa angkya changle, ile kue hünzom füi akax daokyabu pangnu texle atak ang tomüi.

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

MÜNCHUAK-TSAI 23:3

Chixe ku ang janzüi hozün kox. Chixe ku changkya lomnu to zun, ija a chixe tsaokya lailaile chang.

MÜNCHUAK-TSAI 119:12

Kue nang achuakpu, O Jowanpa; ku hama nang lomtangbu anole fahüi.

NEHEMIA 9:20

Nang künmüi-mongmakya füi nange hwom ang, hwome chem mok angkya olom hex ija apuale kox; nange hwom manna füi tux ilaxle ling angkya ti alaile kox.

1 JUHAN 2:27

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.

2 TIMOTHI 1:7

Chemthüikoxle Chasa oja Zange kem ang fapuix, chixe kem thünbat chitsuakkya mix ang münachang; itülüi, chix chasae tsakzong, mongkün ilaxle malualua to akumathumkya füi awang ang koxle.

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

MÜNCHUAK-TSAI 140:6

Kue Jowanpa ang thüipu: “Nang a ku Zang changle.” O Jowanpa, ku sopkya ozing chito nang nathale changhüi!

MÜNCHUAK-TSAI 31:14

Ikoxlechu ku mongong nang ma thompu, O Jowanpa; nang a ku Zang changle.

ROM NOK HATO ZAKYA POL LAIZA 8:26

Ija ningle kem shonaikya to fong ang Chasa kem hato nguile. Chemthüikoxle zangjop chemle jopüihexle keme chiawan; ilaxle kax ma ngai ang chithokyabu Chasae akhongle chixe alüile kem hanpakma zangjople.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

ROM NOK HATO ZAKYA POL LAIZA 5:5

Ija monghome kem ang mong münatho, chemthüikoxle Zange chix hingho Otsao Chasa makhange chix mongkün kem kün-mong ma thokle koxdaoa.

MÜNCHUAK-TSAI 119:35

Ku a nang kaxtombu kax ma laxle thom hüi, chemthüikoxle ibu ma kue mongmüi atakle.

EFISIA 4:30

Üntoxle Zang Otsao Chasa mongtsik ang taxtom; chemthüikoxle Otsao Chasa a khosün nyix hanpakmale Zange nang to hopunu münwan chix shintop le thomkya changle.

ISAIA 63:14

Haxzao tüikya haxsha to müizyembu zunle paokya lailaile, Jowanpae chix khünaknu ang nazak kox. Chixe chix khünaknu azüi ilaxle chix mün chuak-chongle chang ang tom.

MÜNCHUAK-TSAI 25:12

Jowanpa chathua zakya tüikyabue hwome to angkya lomtang chix makhange awanle laxüi.

EFISIA 5:9

Chemthüikoxle müikya Otsao Chasa ilaxle otsingtsing oli pangwüi a zangngai oziak changle.

MIKA 4:2

ilaxle hwom khünakbue thüiüi, “Oman, kempi Jowanpa haxkho to donghax, Israel nok Zang Zangshwom-Hom to. Keme chem naxmokse thütpuix ija chixe kem hama anwot-anole faüi; chixe zünle kopdaokya lomtang ma kem ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe chix khünaknu füi zangwünle.”

MÜNCHUAK-TSAI 139:24

Ilaxle ku ma tütali chichang-chizangkya olom tüilaxcha le hulax, ilaxle oshuk chitüikya lom to ku azuihüi!

MÜNCHUAK-TSAI 63:1

O Zang, nang a ku Zang changpu, ilaxle kue nang sungpu. Ku khüzün pangnue nang zaopu; zuazoxkya, shanle tamchu tizanle paoünkya haxtok lailaile, ku chasa nang zaoe dingdua zanle.

ROM NOK HATO ZAKYA POL LAIZA 15:30

Tüi-hi-naohom, kem Jowanpa Khrista ma tamchu Chasae fakya mongkün ma kue hünzom zongsaipu: Ku hanpakma zangjop ma mongkoxle ku füi tomhüi.

MÜNCHUAK-TSAI 118:28

Nang a ku Zang changpu, ilaxle kue nang ang münchong fapu; kue nang chuak-chongkya zangzing apuküi.

MÜNCHUAK-TSAI 22:1

Ku Zang, ku Zang, nange ku büthüikoxle danle asampu? ku to fonghüile ku mongmaxle jaojao soppu, ikoxlechu ija ofong-otsox ojao chihüipu.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

ISAIA 29:10

Jowanpae nang a mik angux ang tomdaoa, mikngüt müile jip ang achwonle ngolax. Ajebu a khünaknu mik ang changsepa, ikoxle Zang-e hwom mik ma zimdaoa.

HUAKE LAIPEX 9:22

Nyixta anyi wüi changlax, lyetjang tuita wüi changlax, zanglao tuita wüi changlax chichangba ifüi sühomle chuwüi changlax, Nyihom tok ma zangfwom ngokya kople, hwom onui angkya chiachex; ikoxle chemtue ija ding to dongpuix, hwom achex.

MÜNCHUAK-TSAI 27:11

Jowanpa, nange chemle texpuix ija ku hama anwot-ano fahüi, thomzün-maklax angkya chitüikya lom to ku zunhüi, chemthüikoxle ku ang zanpabu huanuma tüile.