MÜNCHUAK-TSAI 141:5 - OTSAO BAIBEL (BSI)

⁵ Müikya khünakbue chingcha tokhange ku ang sikangün tamchu sa-male chang koxlax, ikoxlechu ochax khünakbue achuak-achenle changkya kue otuechu pongle münlax, chemthüikoxle hwome chichangchizangle mokkya ochax mwotbu hanpakma kue jento zangjople ngopu.

MÜNCHUAK-TSAI 141:5 ပူးပေါင်းရင်းမြစ်များ

HWON-NWOT-JAONO 7:5

Ongatbue nang achuakle tsai ngaokya füi je füikya khünake sa-male changkya wüi amüikya.

MIKNGÜN-OHÜN 3:19

Kue akünkün pangto wüi kue sapu üntoxle sikangünpu. Idaile nang mongtsulax üntoxle ochaxbu tokya mong chatlax.

GALATIA 6:1

Tüi-hi-naohom, owawae thaile mokmo ngokya janglop thüiba, hünzom chasa otsao ma ngokyabue chix achangle kox angkya oli changle; ikoxlechu hünzome ija jonai ma mok angkya changle. Ilaxle hünzom tochu wüi thwontsingkya naktüio le khünkhi lax.

WANWÜNKAX 25:12

Apasele tsukya khünak hama apongle hüidaokya khünak tuitae khünzai angkya kax koxkya a müikya hun füi zingkya khoptüt hia likwünbu füi ngaxchu sümüi.

WANWÜNKAX 19:25

Mongngam füikya mix to sikngün ang tom angkya wüi, ikoxtix chemchu chitsing-chiwanle olan to ngokyabue oli tuita awanle laxüi. Nang jetüi-hwonlangkya mix jangchang, zünsaile changpongma nange awanle laxüi.

WANWÜNKAX 15:5

Nuzün-pazün te angkya nang zongto ongat changle; hwome achangle fakya kax ma laxkya a jetüi-hwonlangkya changpu.

2 PUKAX-PANGAO 25:16

Ija kax apale Amaziah-e thüi: “Chemtu makhange kwome nang wanghom zün angkya wangnak-wangshem ang achang daopu? Nange taxakax ngo, kue nang langle awüt langa!” Ajepa kax zak, ikoxlechu chixe ija kax tsuakle tox: “Nange ibu mwot mokkya hia ku zünkax-saikax to na chithale changkya khoma, athaxpi Jowanpa nang mik amüt angkya mongzangwünle tsuakdaoale kue awandaoa.”

WANWÜNKAX 6:23

Adangle fakya ibu a wünnyan changle; achangle fakya ibue nang chemle ngokox müiüi ija anwot-anole fa ang tsuak.

MÜNCHUAK-TSAI 125:4

Opange müile mokpuix tamchu nang kaxtombu kax ma laxle tüipuix, Jowanpa, ibu to nange müikya mokle koxhüi.

MÜNCHUAK-TSAI 51:18

O Zang, Zaion to chingchakox üntoxle she to fongkox; Jerusalem katukbu azünle zingkox.

MÜNCHUAK-TSAI 23:5

Ku zanpabu pangnusae ngün ang kopkya onui ma nange ku hanpakma fongsüt achwon; e-sele tüikya wünpa tuita ningle nange ku ponglekop, üntoxle ku pe a baoxle lyem ngole.

MATHI 5:44

Ikoxle kue hünzom ang thüipu: Ma zan to mongkün kox ilaxlechu ma zongto chichangle tüikya bama zangjopkox.

WANWÜNKAX 15:22

Tsuakkya tukuxle nange tsaitik-kaxshole laxkox, jangchangba nang tholünkya ngünüi; ija chichang thüiningle nange thokya-lünkya müntüiüi.

LIWI 19:17

“Nange ma tomzi to mongto khax-khule taxchang, ikoxle hünzom ba angkya zangwün zingmüi ma tsuakdao, ile changkox tix wüi hwom zongto nange ochax lyenkya müntüiüi.

WANWÜNKAX 12:1

Je-hwon to mongkünkya mix owawaechu hwom thai pongma ija ngaile wüi fase tsule. Achangle fakya to chiluakya a ongat changle.