MÜNCHUAK-TSAI 14:3 - OTSAO BAIBEL (BSI)

³ Ikoxlechu hwom pangwüi thaile paoüna; hwom pangwüi tomwüi male. Hwom owaechu changkya mwot münmok, tuitae ngaxchu münmok.

MÜNCHUAK-TSAI 14:3 ပူးပေါင်းရင်းမြစ်များ

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

ISAIA 64:6

Kwom pangwüi ochaxe awangle ngo; müile mokpu lükya kwom mwot ngaxchu othai ang wüi changle nui. Chemthüikoxle kwom a kwom ochax makhange jumle dütkya pünchak zangwin to pikle paongokya ningle chang.

ROM NOK HATO ZAKYA POL LAIZA 3:23

Pangnusae wüi ochax lyendaoa ilaxle khosün angkya Zang füi ochuto wüi.

MÜNCHUAK-TSAI 14:1

Ongatbue hwom füi alüile akax: “Zang chitüi khato!” Hwom pangwüi chilaxli ang changle, üntoxle hwome khomtsikya mwotbu tsuakdaoa; sukya mwot mokkya mix tuita ngaxchu müntüi.

JOB LAIPEX 14:4

Khünak chitsaokya ningle, tütali chitsaokya makhange, tütuechu tsaokya oli tam-ngaiüi münchang.

MÜNCHUAK-TSAI 58:3

Ochax mwot mokkyabu hwom tsüntsün ma thaile le hwome puxkya tokhange wüi kaxthai zang wünle.

EFISIA 2:3

Wünhax thüikoxle kem pangwüi hwom lailaile changle ilaxle kem tsangtsa hia tutex ma asukyakya saxmok le jaopo küntsu monglua ma ngole hüi; kem jaopo chifün ma kemchu, mix lailaile, kemchu wüi Zang mongtsik zothup ma wom angkya hexo le bangpu.

MÜNCHUAK-TSAI 143:2

Nang dapa ku to thwontsingle taxchang; nang miksho ma sukya mix owachu müntüi.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

JEREMIA 2:13

chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

MÜNCHUAK-TSAI 119:176

Chun samkya ningle ku samle ngopu; idaile nang dapa ku lomlax, chemthüikoxle kue nang wanlombu otuechu münahai.

HWON-NWOT-JAONO 7:29

Kue tikle laxkya ibibi changle: Zang-e kem olan to tangtho ma zingpu, ikoxle kem mixe kem a lüthüt-lüwüt ang achangpu.

MÜNCHUAK-TSAI 38:5

Chemthüikoxle ku a ongat ang chang koxle, ku makchakbue tsütle tamchu shanle pao ang tomle.

TSAITONG-KAXTONG 1:35

‘Kue hünzom putong hwom ang koxüihex-ole tsaokya chaxwan, haxzao füikya haxtok to ija tsünthom angkya opupuchu ngui ang müntom.

1 KORIN 6:5

Kue ija hünzom zak akople akaxpu. Hünzome tüinao tata bama zangwün azutle fatang je-hwon füikya mix hünzom khama owangaxchu müntüi changa nyi?

JOB LAIPEX 15:16

Ilaxle khünake ochax a ti ang laxle jao lingpu; changle, khünak a laxli chitüikya oma-oshix changpu.

LAIPAO 12:30

Ija ja kha wanghompa, chix wangshembu tamchu Ijip nok pangwüi jip ate. Ijip nok pangnu homkha towüi sopkya ozinge awangle chang; chemthüikoxle naosom chilangkya homkha tuita ngaxchu danle chitox.

LAIPAO 8:31

Jowanpae Mosa-e jopkya ningle mok. Wanghompa, chix wangshembu tamchu chix khünaknu angkya hwot komkaile pao.

PONGWANG LAIPEX 6:12

Zang-e chaxwannu to hule ano koxle ija a ochax ang changdaoale ngün, chemthüikoxle khünaknu pangwüi chichang-chizangle ngole tüikoxle.

HWON-NWOT-JAONO 7:20

Othuithuima chem mokse hex ijaja mok ilaxle thaikya ojao chitüikya khünak chaxwan tok ma müntüi.