MÜNCHUAK-TSAI 14:2 - OTSAO BAIBEL (BSI)

² Jowanpae khünak kem to zangkangting tokhange hule, jetüi-hwonlangkya mix owawa tütüi cha, chix to shwomkya owangax tüichale.

MÜNCHUAK-TSAI 14:2 ပူးပေါင်းရင်းမြစ်များ

IBRI 11:6

Mongong chitüi homtoxle owaechu Zang mong amüi ang müntho, chemthüikoxle chix hato hüikya pangnusae, Zang ozün ma tüikya tamchu chix alomlom ang onüi kop-lo ang koxkya to mongong tüi angkya changle.

PONGWANG LAIPEX 6:12

Zang-e chaxwannu to hule ano koxle ija a ochax ang changdaoale ngün, chemthüikoxle khünaknu pangwüi chichang-chizangle ngole tüikoxle.

DANEL 12:10

Khünaknu a huanuma otsao ang achangüi. Opang chichangchizangle tüipuix hwome ija müntsingüi ikoxle sisi-mix chichangchizangle ngole hüiüi; opang jetüi-hwonzaile tüilaxpuix hwome tix tsingle laxüi.

MATHI 13:15

hwom ang khangkho samdaokoxle; hwom ang atat angkya na tütdaoa, ngün angkya hwom mik achik ngoüna. Ile chichang thüikoxle, hwome mik füi ngün ang those; ma nae atat ang those; ma kün-monge awan ang kopse; ilaxle hwom ku hato chatse; ikoxle kue hwom amüile fase, le Zange akax.’

2 PUKAX-PANGAO 19:3

Ile chang koxle nang ma müikya oli züita tüile. Nang khünakbue shwomle ngokya baozangchanu Asherah chapabu pangwüi nange awüt tsuakdaoa, ilaxle nange Jowanpa mongtex ma laxle chang angkya azongdaoa.”

WANWÜNKAX 9:16

“Nop-hüi, chitik-chiwankya khünakbu!” Ongat-onguibu ang she-e thüi:

MÜNCHUAK-TSAI 82:5

“Hünzom a chemtukuxkya ongatbu hex! Chem ngat ma ngapuix! Hünzom a komkaile chichangchizangle tüidaoa, ilaxle chaxwan angkya sukya olom a samdaoa.

ISAIA 63:15

Jowanpa, otsao hia fuazang ma nang ngole tüikya zangkangting tokhange kwom to huhüi. Nange huanuma kwom tuitexkya omaün? Nang tsak-zong a omaün? Nang mongkün hia chingcha a omaün? Kwom chie-chisele taxchang.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

ISAIA 55:6

Jowanpa hato chatlax ilaxle chix to zangjoplax, athax chix a hoxhoxle tüile.

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

ISAIA 8:19

Ikoxle khünaknue hünzom ang kaxhobu hanpakma, kax atsatle ngokya aje hia o-nan, ibu ma tik to angkya akaxüi. Hwome thüiüi: “Ikhoma khünakbue iningkya kaxhobu paktik ang baozang chasabu füi zangwün angkya ilaxle ozün ma ngokyabu mün ma ziünkyabu füi apong angkya changle.”

WANWÜNKAX 8:5

Nang mazia hexnyi? Zia angkya awan koplax. Nang ongat hexnyi? Khangka zai angkya awan koplax.

WANWÜNKAX 2:9

Nange ku kax apale jangchang thüiningle, chem changpuix, supuix, tamchu masüi-mixlüile chichangpuix ija nange awan ang kopüi. Nange chem moksehex ija nange awan ang kopüi.

MÜNCHUAK-TSAI 92:6

Ija a anga tuitae tsing ang chithokya oli tuita; owawa ongat mixe awanle lax ang chithokya:

MANGSOP 3:50

Zangkangting tokhange hulaxle Jowanpae kwom ngünle machang tanto.

WANWÜNKAX 9:4

“Nguihüi, chemchu chitsingkya khünakbu!” Ilaxle she-e ongat khünakbu angchu thüi:

MÜNCHUAK-TSAI 107:43

Jetüi-hwonlangle tüikyabu pangnusae ibu bama ajangle naxchang kox; hwome chithwonkya Jowanpa mongkün changle le naxlaxkox.

PONGWANG LAIPEX 18:21

Hwom ma kaxhux-fekya kue atatkya otsing chichang hia changpuix ija to hu ang ku ju angkya changle.”

PONGWANG LAIPEX 11:5

Ifüima khünakbu zingkya tingnu hia longhom to hu ang Jowanpa ngui.

ISAIA 64:1

Zangding akyet laxle nang büthüikoxle chiju? Haxnukhobue nang ngünlaxle zale abünse.

MÜNCHUAK-TSAI 69:32

Chemtue mix fangto ngokyabue ija ngünüihex, hwom ang mongmüikya tüiüi; opange Zang to shwomle tüipuix, hwom ang mong achenüi.

2 PUKAX-PANGAO 30:19

“O Jowanpa, kwom putong hwom Zang, nang künmüi-mongmüi füi, ma kün-hi-mong makhange zongbakle nang to shwomle ngokyabu, zanglom ma hwom otsao ang machang koxlechu, ibu thaikya nange alakkox.”

JOB LAIPEX 15:14

Otsingtomtata ma khünak tuita tsaothale changtsuak ang chami? Khünak tuita Zang füi tawüi sukya mix tüichami?

MÜNCHUAK-TSAI 11:4

Jowanpa a chix Zangshwom-Hom ma tüile; chix ang chix tüntong zangkangting to tüile. Chixe khünaknu pangnu khato nyele ngole ilaxle hwome chempang mokle ngopuix awanle.

JEREMIA 5:1

Jerusalem angkya khünaknu, hünzom tingjang lomnubu fole ziklax! Akhople hulax! Ma hanpakpak to hulax! Thalex-juatai nuibu lomlax! Sukya mwot mokle tüikya mix tamchu Zang to mongong shingmongle ngo ang azongkya mix khünak tuita ngaxchu hünzome atat ang cha? Hünzome atakle jangtsuak, Jowanpae Jerusalem thaikya alaküi.