16 She zompu-zangpabu to kue khosün füi mohimanüi, ilaxle she ma tüikya nang otsao khünakbu mongmüi to akhongüi.
Athax, ajonghüi, Jowan Zang, Tsaotsüt Suak oja nang janzüi münwan hex, ija füi tomle Zangshwom-Hom ma nguilax, ilaxle ikhama othuithuima ngolax. Nang zompu-zangpabue mokkya mwot pangwüi to mohimanhüi ilaxle hwom zongto nang tüle müikya khoma nang khünaknu pwonla tungle ngo ang tomkox.
Nang zompu-zangpabu a otsaoe awunlaxle naxngo, nang otsao khünaknu mongmüi to nax-akhong.
Athax kople hünzome ku mün ma chemchu maju; julax ija hünzome kopüi, ile hünzom mongmüi okhonguikya ang achangüi.
Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.
Khrista füikya notom ma hünzom bapti daoa, ilaxle athax hünzom a nyie, thüikoxle Khrista chix khüzüne awunlaxle tüile.
Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.
Jowanpae thüile: “Israel khünaknue dyenlale atsekya füi ku akhople ngole, ilaxle Judah angkya khünaknue athaxkople, mongong ma chialekya hia otsao Zang füi alün-aloxle ngole.
Chichangchizangkyabu chak to dong ang chitomle ku nyele thom hüi, O Jowanpa; ku chika wüi ang tungle ngokya changnong-pünthomle tüikya khünakbu chak tokya ku sünle thom hüi.