MÜNCHUAK-TSAI 132:12 - OTSAO BAIBEL (BSI)

¹² Nangsu-nangsabue ku füikya Tsaotsüt otya ma thomle jangchang ilaxle kue hwom ang koxkya kaxtombu kax ma laxle jangchang, hwom su-sa hwom chuwüi othuithuima wanghom ang nang tüntong ma thungle ngo ang kopüi.”

MÜNCHUAK-TSAI 132:12 ပူးပေါင်းရင်းမြစ်များ

WANGSHEMBU MWOT 2:30

Chix a ajepa changkya, ilaxle Zange chix füi tsaosaxkya kax chixe awanle ngo: Dawid lailaile, Dawid sixli kha angkya wanghom ang mixhuak tuita zingle alai angkya Zange tsao.

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

MÜNCHUAK-TSAI 115:14

Jowanpa hünzom ang su-sabu naxfakox: hünzom üntoxle hünzom su-sabu ang!

MÜNCHUAK-TSAI 102:28

Kem su-sa hwom chem chaza angkya chitüile ngoüi, ilaxle nange kho-awa laxle hwom sixlibu a khosam chitüile ngoüi.

1 WANGHOMBU 2:4

Nange chix kax ma laxle jangtüi, hwome mong hia chasa makhange zongbakle ku kax ma laxle tüi angkya bama hwom khünkhikya füi tüile ngokya kople kusix-kuli Israel haxtok ma apün-awangle ngo angkya chixe tsaosaxkya chix tsaotsüt chixe thomüi.

1 WANGHOMBU 8:25

Ilaxle athax, Jowanpa, Israel nok Zang, hwome khünkhikhile nang kax ma laxle jangchang thüiningle, Israel haxtok apün angkya hanpakma wanghom a jento chix sixli kha angkya wüi ngo angkya changle le apa Dawid füikya nang tsaotsütchu otya ma wüi thom hüile kue nang to joppu.

2 PUKAX-PANGAO 7:18

kue hünpa Dawid füi, chixsu chixsa hwome jento apün-adale chang angkya tsaosaxkya ku tsaotsüt otia ma thomüi.

JEREMIA 33:17

Ku, Jowanpae tsaopu, Israel nok wanghom ang Dawid sixli jento tüile ngo angkya