MÜNCHUAK-TSAI 132:11 - OTSAO BAIBEL (BSI)

¹¹ Jowanpae Dawid füi otsingtsing kaxtsao sax, ija tsaosüt hato chixe tok aho angkya chichang: “Nang sasün hwomkha angkya tuitae nang manma wanghompa ang achangle apünüi.

MÜNCHUAK-TSAI 132:11 ပူးပေါင်းရင်းမြစ်များ

2 SAMUEL 7:12

Chemtue nang zile paoüihex ilaxle hünpu hünpa hwom füi tomle akhünle changüihex, kue nang sasün hwomkha angkya tuita wanghom ang zingüi ilaxle chixe wangting tüle tsak-zongle thomüi.

MÜNCHUAK-TSAI 110:4

Jowanpa kaxshing kople tsaosaxdaoa ilaxle chixe ija achatle münlaxüi: “Melkizedek-e mokle hüikya zom-zang olom ma nang a othuithuima zompu-zangpa tuita ang changüi.”

WANGSHEMBU MWOT 2:30

Chix a ajepa changkya, ilaxle Zange chix füi tsaosaxkya kax chixe awanle ngo: Dawid lailaile, Dawid sixli kha angkya wanghom ang mixhuak tuita zingle alai angkya Zange tsao.

2 PUKAX-PANGAO 6:16

Ilaxle athax, Jowanpa, Israel nok Zang, hwome khünkhikhile nang Wanlom kax ma laxle jangchang thüiningle, Israel haxtok apün angkya hanpakma wanghom a jento chix sixli kha angkya wüi ngo angkya changle le apa Dawid füikya nang tsaotsütchu otya ma wüi thom hüile kue nang to joppu.

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

KAXHO MÜIKYA LUK 1:32

Chix zaxzangüi üntoxle chix ang Taitax Zang Hosa le nyaküi. Opu Dawid ningle Jowan Zange chixchu wüi wanghom ang achangüi,

MÜNCHUAK-TSAI 89:37

Ija a chijüile lyetnu ningle ngoüi, ding angkya chialekya ding angkya kaxkhi tuita ningle.” Selah

MÜNCHUAK-TSAI 89:35

“Pangnu hanpakma tamfang ma kue ku otsao mün ma tsaodaoa; kue chemtuechu Dawid füi atsele münchang.

MÜNCHUAK-TSAI 89:33

Ikoxlechu kue Dawid to mongkünkya münzak chichangba chix füikya ku tsaosüt chithom homle müntüi.

1 WANGHOMBU 8:25

Ilaxle athax, Jowanpa, Israel nok Zang, hwome khünkhikhile nang kax ma laxle jangchang thüiningle, Israel haxtok apün angkya hanpakma wanghom a jento chix sixli kha angkya wüi ngo angkya changle le apa Dawid füikya nang tsaotsütchu otya ma wüi thom hüile kue nang to joppu.

2 SAMUEL 7:16

Nang ang jento sixlibu tüile ngoüi, ilaxle kue nang wangting a oshuk chitüile tsünlole ngo ang tomüi. Nang wangting ma oshuk müntüiüi.’”

2 SAMUEL 7:14

Ku a chix hopa ang changüi. Kue chix to hopa tuitae samakya ningle samale tüiüi.

1 SAMUEL 15:29

Tüle zaxzangle tüikya Israel nok Zang-e otuechu atsele münchang chichangba chix mong ajo-ajele münchang. Chix a khünak münchang, chixe chix mong ajo-ajele münchangüi.”

HUAKE LAIPEX 23:19

Zang a khünak lailaile atsekya mix münchang, Chix a khünak tuita ningle monglüile ngokya mix münchang. Chixe chem tsaopuix, ijatix mokpu. Chixe chem akaxpuix, ija a tsuakpu.

1 WANGHOMBU 1:48

Chixe zangjop, ‘Keme Jowanpa Israel nok Zang achuak-achenle changhax. Anyix chixe ku sixli tuitae ku man ma wanghom ang achangdaoa ilaxle ija ngün ang ku ozün ma thomle changdaoa!’”

2 PUKAX-PANGAO 7:18

kue hünpa Dawid füi, chixsu chixsa hwome jento apün-adale chang angkya tsaosaxkya ku tsaotsüt otia ma thomüi.

MÜNCHUAK-TSAI 89:5

Zangdingbue nange mokkya ohünotün mwotbu bama tsai ngaole; otsaobue chialekya nang mongong bama tsai ngaole, Jowanpa;