MÜNCHUAK-TSAI 131:2 - OTSAO BAIBEL (BSI)

² Itülüi ku mongzom müile tamchu mongsom ma tüile. Naosa tuita chemle honu ahuijak ma dangjale ngopuix, ilailaile ku kün-hi-mong khato mongsomjale tüile.

MÜNCHUAK-TSAI 131:2 ပူးပေါင်းရင်းမြစ်များ

1 KORIN 14:20

Tüinaohom, hünzom mongjang ma naosom ningle taxchang; ochax lom ma naosom angchu achanglax, ikoxlechu tutex ma mixmüi ang achanglax.

MARK 10:15

Kue hünzom ang otsing tomtata akaxpu: Opange naosa tuita ningle Zang Wangting pongle chikop laxüihex, hwom ikhato ngui ang münthoüi.”

KAXHO MÜIKYA LUK 21:19

Shingmongle ajonglax, ikoxle hünzome makho alüile azün ang thoüi.

MÜNCHUAK-TSAI 43:5

Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thompu, üntoxle kue chix tamchatle achuakpu, ku khosünpa üntoxle ku Zang.

MÜNCHUAK-TSAI 42:11

Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thomüi, üntoxle anaolechu kue chix achuaküi, ku khosünpa üntoxle ku Zang.

ISAIA 30:15

Khüthak Jowanpa, Israel nok otsao Zang, chixe khünaknu füi akax: “Anongle chatlax ilaxle dangjajale ku to mongonglax. Ifüima nang tsak-zongle tamchu chaza angkya chemchu chitüile changüi.” Ikoxle hünzome ile münmokle angampu!

MANGSOP 3:26

Idaile thuakjokle tan angkya a kem zongto amüikya changle—kem khosün bama chix thatan angkya a—

MÜNCHUAK-TSAI 62:1

Zang-e ku khosünle kop angkya hanpakma adule tanngopu; kue chix totix onglaxle ngopu.

MÜNCHUAK-TSAI 42:5

Chemkhoma ku ang ipongpongle mongma? Chemkhoma ku ang ipongpongle mongsik-ngün? Kue ku mongong Zang ma thomüi, üntoxle tamchatle kue chix achuaküi, ku khosünpa, ku Zang.

1 SAMUEL 30:6

Dawid hato müimamakya mongthang hüi chemthüikoxle chix khünakbu hwom sa-nu hwom bakle amütkya khoma Dawid füi mongtsik mongmale chang. Hwome chix to long füi thup ang aza-ana; ikoxlechu Jowanpa chix Zang-e chix ang chachen-mongchen kox.

1 SAMUEL 24:10

Nange hukoplax, athax ile longkun mong ma nang a Jowanpae ku chak to koxdaokya. Ku khünak züizüibue nang a langkoxhule thüikya, ikoxlechu nang hanpakma ku mongto kak ilaxle kue nang to ikuxsa ngaxchu chakmok-janlangle oma chemchu chimoküi, chemthüikoxle nang a tuita Jowanpae kamle kopkya wanghompa changle le kue akaxpu.