MÜNCHUAK-TSAI 131:1 - OTSAO BAIBEL (BSI)

¹ Jowanpa, kue ku mongngam awütdaoa ilaxle mawüi achongkya le texkya füi ku atsaidaoa. Tüpong chongkya tuina hia kue chitsing tsuakkya zangwün bama ku khosamle münngo.

MÜNCHUAK-TSAI 131:1 ပူးပေါင်းရင်းမြစ်များ

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

MÜNCHUAK-TSAI 139:6

Nange ku bama tsingkya a müimamale zule; ija a kue tsingkya to ngaxchu akaile changpu.

JOB LAIPEX 42:3

Ku a chemchu chitik-chiwankya angapa changüntoxle Kue nang-je nang-hwon bama chemle atüi ang thopule nange atüile. Kue tsing-ngax chitsingkya bama kue zangwüntüi kue tikle lax angkya hanpakma tüle chongkya ohünotünbu bama a.

JEREMIA 45:5

Nange nang hanpakma süile hume fa angkya olom lomle ngopia? Ile otuechu taxmokngozi. Kue khünaknu pangnusa hato thama-thomshix ahüile ngopu, ikoxlechu nang a, nang apaopao khato khangkho sünle ngo ang tomüi. Ija kax Jowanpa, kue akaxdaoa.”

MÜNCHUAK-TSAI 101:5

Huxsa ma tomzi zongto chichangle tüikya mix kue amütüi. Miktsak hia mongngam füikya khünak füi ku adu ang münthoüi.

MÜNCHUAK-TSAI 124:1

Jowanpa kem chima chitüi thüikoxle kem chemle changse? Lanhu, O Israel!

MÜNCHUAK-TSAI 122:1

“Jowanpa hom to donghax”, le hwome ku füi akax pongma, ku ang mongmüikya.

HUAKE LAIPEX 12:3

Mosa a puinaikya mix, chaxwannu ma chix lailaile puinaikya mix chitüi.)

MATHI 11:29

Hünzome ku dang ma pailax, ilaxle ku angkya awanle koplax; chemthüikoxle ku a somdangkya mix tamchu chasa ma jonaikya mix changpu; ilaxle hünzome nazak atak ang thoüi.

MÜNCHUAK-TSAI 133:1

Hulax, tüi-hi-nao hwom motomle ngokya chemtukuxkya mongmüi tamchu mongsom changpuix!

1 SAMUEL 18:23

Ikhoma hwome ija kax Dawid füi akax, ilaxle chixe hwom ang thüi: “Wanghompa nomsün ang achang angkya tuita münchong changkya ikoxlechu ku ninglükya mixshix tamchu zasa nao tuita hanpakma ija a huanuma angamkya changle.”

1 SAMUEL 16:22

Ifüima Sol-e Jesse hato kaxho mix tuita ija kaxho füi akat: “Kue Dawid to tüle mongkünle, chix a ikhato ku thotha lüwüi naxngokox.”

1 SAMUEL 16:18

Chix to hume ang ngokya khama mixsün tuitae thüi: “Bethlehem to Jesse sasün tüle tsaiman mix tuita tüipu. Chix a tuita mongchen füikya mixchu changpu, chix-sün chix-jo tüle müile. Chix a tuita müikya süpahi tamchu tsai manmix changle. Jowanpa chu chix füi tüile.”

1 SAMUEL 16:13

Samuel-e olip münga thua lax ilaxle hotüi hwom pangwüi pomtho ma Dawid to müngae li. Allele Jowanpa Chasae Dawid to kop. Ilaxle ija nyix makhange Dawid füi chix ngo. Ibibi mwot tsuakle chang laxle Samuel a Ramah to chat.

TSAITONG-KAXTONG 17:20

Ijae chix, hozui Israel khünakbu füi ataxle müikya mix tuita le tex ang müntomüi tamchu Jowanpa kaxtom kax ma chilaxle nong-tsax to pao ang chitomle abax thomüi. Ile chang koxle chixe zanglao obiobi apün-awangle ngoüi ilaxle chix sixlibue Israel haxtok tsünthom tok to tsünthomle apün-awangle changüi.

ROM NOK HATO ZAKYA POL LAIZA 11:33

Zang ahak-aluakya otukux chongkya hex! Chix hwon-je hia awan-atsingkya otukux zupuix! Chix künzut-mongjang bama owae hiktikle apua fa ang thoüi? Chix lomtangbu owae tsingle tsuaküi?

WANGSHEMBU MWOT 20:19

Jehudi khünakbue lang ang tungkya tokhange ku hato hüikya zothup akaile thuakjokkya hia mikfi füi Jowanpa da tuita changpu le kue ku mwot mokle hüidaoa.

JEREMIA 17:16

Ikoxle, Jowanpa, hwom hato othom-ojo apüi angkya kue otuechu nang mong asa ang müntom; kue hwome thangnak apong angkya to münlua. Jowanpa, nange ija awan ngopu; kue akaxdaoale nange awan ngopu.

1 SAMUEL 17:15

Dawid a onoxnox to Bethlehem to chatlaxle hopa chunbu to humele ngo.

1 THESALONIKA 2:10

Hünzom mongongkyabu zongto kwom zanglom saikha tsaotha le tüikya, sukya ilaxle thaikya kha chitüi le tüikya changpu le kaxkhi ang hünzom changle ilaxle Zang chuwüi changle.

2 SAMUEL 6:22

ilaxle kue sisile ku a ongat-ongüi ningle ahao angkya changpu. Nange ku ang chem changkya le thütkoxlax, ikoxlechu shekobue ku to tüle achuak-achenle changüi!”

WANWÜNKAX 21:4

Chichangchizangkya khünakbu a hwom mik-hu-chakzam chimüikya hia mongngame akumathumle thomle, ilaxle ija a ochax changpu.