MÜNCHUAK-TSAI 13:2 - OTSAO BAIBEL (BSI)

² Kue thama chemtukuxle adule hüiüi? Zangnak zangngaile ku mongkha mongtsike awang laxle chemtukuxle ngoüi? Ku zanpabue ku to chemtukuxle lütle ngo ang tomüi?

MÜNCHUAK-TSAI 13:2 ပူးပေါင်းရင်းမြစ်များ

JEREMIA 8:18

ku mongma kak müifang münchang; Ku a khaxtua ma kakle.

JEREMIA 15:18

Büthüikoxle ku chizakle sikngünle ngo? Ku mak a büthüikoxle chimüi angkya oli? Ibu büthüikoxle chimüitho angkya? Tsonu khato zople paokya shuasa tuita ningle nang ku ang mong athose thütpia?”

MANGSOP 1:5

She zanpabue she to lüt; hwome ma tsak-zong füi she to künle kop. She huanu ochax khoma Jowanpae she füi sikngün apong ang tom; She naosombu a koplaxle tsui pao.

HWON-NWOT-JAONO 5:17

Keme kem tsün a zangnak ma tamchu mongma, ma künbüt-mongban, mongtsik, tamchu okak-olak ma ngo ang koppu.

WANWÜNKAX 15:13

Mongmüi pongma khünakbu nyile, ikoxle chemtue hwom mongmale changpuix, hwom ang mongthangle.

JOB LAIPEX 10:15

Kue ochax lyenkya füishemle künyi bama wonma, ikoxle kue sukya mwot mokkya zuma chem münmüikya chikop. Ku a chingcha ashuk üntoxle thünzak füi chwople tüile.

FILIPI 2:27

Changle chix kaktomtata daoa ilaxle chix pazizisa. Ikoxlechu Zange chix to chingcha, chix tata to le chichangle ku tochu wüi chingcha, ilaxle ku hato ija akhokya mongma hüi ang chitom le abax.

ROM NOK HATO ZAKYA POL LAIZA 9:2

Kue ma khünaknu bama, ku müi-hi-aji bama ku mong ma kakkya otukux chong ilaxle tamchiashuk toxle tüipuix!

JUHAN 16:6

Ikoxlechu kue hünzom ang thüipu; hünzom ang mong ma mongmaxkyae awangle tüile.

MATHI 26:38

Ilaxle chixe hwom ang thüi: “Ku mong shunkyae ku thule amüt tang jao changle. Ikhama ngohüi tamchu ku füi tomle hunga ngohüi.”

MANGSOP 1:9

She chitsaokya ochwon ma ngünle lax, ikoxle she shoma hanpakma she to ojao chikak. She asongle dütkya a khomtsikya tuita; owaechu she joxle amüi ang chitho. She zanpabue lütdaoa, ilaxle she a Jowanpa ma chingcha jule akhong.

MÜNCHUAK-TSAI 116:3

Zikmüt-mangkho thama ku akhoplaxle tüikya; aman laxle zuk-khato amüt angkya ziama ku hato soxle tüikya; Ku a zakya hia monghike awang laxle tüikya.

MÜNCHUAK-TSAI 74:18

Ikoxlechu nang zanpabue nangcha nyikya texle ataklax, O Jowanpa, ibu a zang chitüikyabu üntoxle nang chilaxle awütkyabu changle.

MÜNCHUAK-TSAI 74:10

O Zang, kwom zanpabue nang cha chemtukux nyile ngo angkya? Hwome nang othuithuima adix-adale ngo angkya hia?

MÜNCHUAK-TSAI 42:4

Mongmüi atungkya othom tuita, tsai ngaole tamchu Zang achuakle üntoxle tomtomle ahamle hwom lom azuile tüipongma, chemtue ku othom khato Zang hom to paopuix, ledaokyadu texle atak laxle ku mong ashix.

MÜNCHUAK-TSAI 31:18

Ibu tselopbu dang ang tomkox: ongam hia mongngam pangwüi opangsae otsao bama künngam-mongngam füi zangwünpuix, ibu pangwüi.

MÜNCHUAK-TSAI 17:9

chichang-chizangkya khünakbu zansing chak tokya a. Mik amüt angkya zanpabue ku akhople tüile;

MÜNCHUAK-TSAI 10:18

Afangle thomkya hia zasa-khaxsabu sopkya zing nange atat angkya changle; nange hwomchi ma sele kaxfün faüi, ikoxle tix ziün angkya khünake thama mwot chatle tammünmok.

MÜNCHUAK-TSAI 9:6

Kem zanpabu a othuithui hanpak ang ashukdaoa; hünzome hwom tingnubu amadaoa, üntoxle hwom a komkaile alakdaoa.

MÜNCHUAK-TSAI 8:2

ija a naosombue ngaole. Nang zanpabue chem chithüitsuak angkya khato nang ngole tüile; nang zongto tüikya mix nange abaxle.

MÜNCHUAK-TSAI 7:2

chichangthüiba mailang tuitae tswonle paopupule hwome ku tswonle paoüi, ikhato ku owaechu sünle kop ang chithoüi, ilaxle ikhato hwome ku ashik-afünle awütüi.

ESTAR 7:6

Estar-e lan: “Kwom zanpa, kwom zothuppa a ija bao Haman changle!” Haman-e wangcha hia wanghompa nyi to tüle abüt-abanle hu.

NEHEMIA 2:2

ikhoma chixe atüi: “Nang büthüikoxle mongma ngokya ningle ngünpu? Nang kaklakbu lün ang chichang, ija a lita mongma wüi changpu.” Ku ang mongzangwünkya huanu changkya

1 SAMUEL 24:19

Khünake ma zanpa koplaxle chilang homtoxle obima danle apaodaopu? Anyix nange ku to chem mokdaopuix ija bama Jowanpae nang to mohimanle naxchang!

1 SAMUEL 18:29

Ikhoma sisile chix Dawid thua za ilaxle chix mazi-mazile Dawid zongto zanpa ang ngo.

KAXHO MÜIKYA LUK 22:53

Nyixfole ku Zangshwom-Hom ma hünzom füi tomle ngopu, ikoxle ijaponge hünzome ku chikop. Ikoxle zangnak tsakzonge apünle ngoponge, ija hünzom hanpak changkoxpu.”

JEREMIA 45:3

nange akax ngole, ‘Kue dantoxüi changa! Jowanpae ku sikngün to mongthang füi janbo langle. Awaokyakyae ku sumle paoüna, ilaxle kue nazak chemchu münatak angkya changle!’

MÜNCHUAK-TSAI 38:17

Ku a nguaküi khakha ilaxle ku to tsütle kakkya ojao chizak.

MÜNCHUAK-TSAI 6:4

Ngui üntoxle ku khosün hüi, nange Jowanpa, nang chingcha füi zikmüt-mangkho tokya ku khosünle.

MANGSOP 5:20

Nange kwom ipong okuilole chemkhoma awütle thom? Nange kwom chatle texle münatat puixnyi?