MÜNCHUAK-TSAI 128:2 - OTSAO BAIBEL (BSI)

² Nang mwotbue nange lomkya pangnu kop-lo ang tomüi; nang a mongmüile tamchu ahak-aluale ngoüi.

MÜNCHUAK-TSAI 128:2 ပူးပေါင်းရင်းမြစ်များ

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

ISAIA 62:8

Jowanpae ojao mong chiao angkya kaxtsao saxle changdaoa, Ilaxle chix janzüi füi chixe ija mokle pao angkya wüi changpu: “Hünzom sozambu a hünzom zongto zanpabu süt ang münchangüi, Ilaxle hünzom grepti-ju mixnokbue tamchu münlingüi.

TSAITONG-KAXTONG 28:4

“Jowanpae hünzom ang simüi-limüi angkya, saxmüi-tuamüi angkya, osu-maihu hia chunbu tsom-pom müi angkya mohiman pangwüi faüi.

TSAITONG-KAXTONG 28:11

Jowanpae hünzom ang koxüihex-ole hünzom putong hwom füi tsaosaxdaokya haxtok ma hünzom simüi-limüile ngo ang tomüi; tsom-pom wan müile chang ang tomüi ilaxle saxkop-linglole ngo ang tomüi.

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

HWON-NWOT-JAONO 8:12

Ochax khünak tuitae oho to lünle mütkop koxlechu ozün ma wüichu ngole. Oh changle: “Nange Zang kax ma laxle jangchang thüiningle, pangwüi sukya ang changpule hwome akaxkya kue awanle,

EFISIA 6:3

“Nang shomüi wanmüi le tamchu tsünlo khothole chang angkya hanpakma” lükya kaxtom azuile hüipuix.

JEREMIA 22:15

Mama mixhombu füi sümüile, nange sedar pün füi hom zingle le nang tuita sümüipu wanghom ang achang ang chami? Hünpae chix tsün mongtex ma shale ngole hüidaoa. Chix a othuithuima sukya hia mamix chisüile tüikya, ilaxle chixe mokkya pangwüi lom ma chix ahak-aluale chang.

ISAIA 65:13

Idaile kue hünzom ang thüipu, opange ku to shwompuix tamchu ku kax ma laxle tüipuix, ibu ang sax angkya hia ling angkya okhonguile tüiüi, ikoxlechu hünzom a wokno tilanle wüi ngoüi. Hwom ang mongmüile tüiüi, ikoxlechu nang a chilaxle ahaiüi.

TSAITONG-KAXTONG 28:51

Hünzom tsom-pom hia sax-tua hwome komkaile saxüi, ilaxle hünzom a woknuake zi ang tomüi. Ibue hünzom ang sax-tua, grepti-ju, olip münga, osu-maihu chichangba chunbu chemchu müntoxüi. Hünzom a zile samüi.

TSAITONG-KAXTONG 28:39

Hünzome grep tong moüi ilaxle tüle apu-achangle huüi, ikoxle ikha angkya grep ziak hünzome chikhaiüi chichangba grepti-ju ling ang chikopüi, chemthüikoxle ibu ozu a chonge saxdaoüi.

PONGWANG LAIPEX 3:19

Nang haxtok to chatle machat-machatle ma khangpong angkya zangmukti laile tix nange süt sax ang ataküi; ija makhange zingkya daile nang a hax changpu, ikhoma nang tamchatle hax towüi chatüi.”

MÜNCHUAK-TSAI 109:11

Thashe tüikya khünakbue chix tuina komle naxpaokox, ilaxle chixe mokkya hingchak pangwüi mixwünbu naxkopkox.

TSAITONG-KAXTONG 28:8

“Jowanpa hünzom Zang-e hünzom mwot to mohimanüi ilaxle hünzom pung ma saxziake awangle changüi. Chixe hünzom to, chixe hünzom ang koxle ngokya haxtok to mohimanüi.

MÜNCHUAK-TSAI 1:3

Ibu a ziaktue chithaile oziak ziak, pünchak otuechu jumle chidütle shuasa zui ma nyemkya pünbu lailai. Hwome mokkya pangnu ma hwom ang tho-lünkya tüi.