MÜNCHUAK-TSAI 12:5 - OTSAO BAIBEL (BSI)

⁵ “Ikoxchu athax ku nguiüi, chemthüikoxle chitüi-chinangbu to afangle thomkya üntoxle zothup apongkyabue hwom to kak-koxle wotle. Hwome lomkya khosün kue hwom ang koxüi”, le Jowanpa thüile.

MÜNCHUAK-TSAI 12:5 ပူးပေါင်းရင်းမြစ်များ

MÜNCHUAK-TSAI 34:6

Fong angkya mix chitüikya khünakbue chix nyak, ikoxle chix tsa; thangnak pangnu chak tokya chixe hwom khosün.

WANWÜNKAX 14:31

Nange mixshix-zasa to adix-adale jangchang, nange hwom zingkya Zang to adix-adakya ang changpu; ikoxle mixshix-zasabu to chingcha ahole tüikya a tuita zangshwomkya mwot changpu.

JAKOP 5:4

Ma haxtok ma thomkyabu ang hünzome owa angchu hingchak mün mafa. Apalax! Nang tsaxzüt hingchak kakyabue akhongkya ozing Zang, Khüthak Jowanpa na to nguidaoa.

ISAIA 33:10

Chaxwannu nok ang Jowanpae thüi: “Athaxpi kue moküi. Ku chemtukux tsak-zongle tüipuix ija kue ahoüi.

JOB LAIPEX 5:15

Ikoxlechu zasabu a zise tokya Zang-e khosünle; nuakmixbu chixe afangle ngo ang chitomle sünle kople.

MÜNCHUAK-TSAI 10:12

O Jowanpa, ibu chichang-chizangkya khünakbu sikngün ang tomkox! Sikngünashuk le ngokyabu texle ataklax!

JOB LAIPEX 5:21

Khohang chak tokya Zang-e nang abax thomüi; thama hüipongma chixe nang khosünüi.

ISAIA 19:20

Ibu a Ijip nok haxtok ma Jowanpa womle tüikya mowan ang changüi. Chemtue ikhama ngokya khünaknu to zothuple afang thompuix ilaxle hwome asunhüile Jowanpa to akhongle nyak pongma, hwom khosünle kop angkya hanpakma chixe owawa ahüiüi.

EZEKEL 18:18

Ikoxle hopae a mix to dyenla ilaxle mixkux pa-lole lax ilaxle pangnu zongto chixe ochax mok. Ile chix jaoe mokkya ochax mwot khoma chix mik max angkya laipu.

HWON-NWOT-JAONO 5:8

Nange apün-awangkyabue mixshix-zasabu to ada laxle hwome ang sukya kaxfün hia hwom süntswon chifale tüikya ngünpongma nang taxabüt. Alixachongbu pangwüi ma thak angkya alixachong tuitae ziakop laxle tüipu, tamchu hokhi pangnyi a süthak angkya alixachong tuitae kho-awale thompu.

HWON-NWOT-JAONO 4:1

Ifüima kue ija chaxwannu ma chisukya mwot mokle ngokyabu to hule anopu. Mix fangto ngokyabu a sople ngo, ilaxle hwom to owaechu chifong tsuak. Hwom to owaechu chifong tsuak, chemthüikoxle hwom to afangle thomkya khünakbu ma tsak-zong tüile ngo.

MÜNCHUAK-TSAI 10:18

Afangle thomkya hia zasa-khaxsabu sopkya zing nange atat angkya changle; nange hwomchi ma sele kaxfün faüi, ikoxle tix ziün angkya khünake thama mwot chatle tammünmok.

MÜNCHUAK-TSAI 10:5

Chichangchizangkya khünake pangnuli tsuak. Hwome Zang kaxfün bama ojao chiawantsuak; hwome hwom zanpabu tsünle.

KAXFÜNPA-HWOM 10:16

Ikhoma hwome mixnok baozang ibu danle tox ilaxle Jowanpa to shwom; ilaxle Israel nok sikngün bama chix mongto kak.

LAIPAO 5:2

Wanghompa-e atüi: “Jowanpa a owa? Kue büthüikoxle chix kax ma lax üntoxle Israel khünakbu danle apao angkya? Kue Jowanpa mün müntsing; ilaxle kue Israel khünaknu pao ang müntom.” Ile wanghompa ang mongtsak.

MÜNCHUAK-TSAI 31:19

Nang achuak-achenle tüikyabu hanpakma nange thomle tüikya oli, chemtukuxle ohünotün hex! Nang chemtukux müipuix ija noknusae awan ngopu, nang to mongong thomkyabu nange chemle ziakople kho-awa thompuix!

MÜNCHUAK-TSAI 73:8

Hwome mix chanyi ilaxle ochax baozangbu mowün; hwom ongambu ilaxle mix to afangle thom ang tunglanle ngo.

WANWÜNKAX 18:21

Oja zang nange wündao laxpuix ijae nang khosün ang tsuak chichangba khohang ang tsuak; idaile nang zangwün khoma chem apongpuix ibu nange pongle lax angkya wüi changle.

HOSIA 7:16

Hwome tsak-zong chemchu chitüikya baozang hato paoüima ku hato tok ahokya chizak. Hwom a mongong thom ang chimüile chitangkya san ningle changle. Chemthüikoxle hwom lompabue mongngam füi zangwün, hwom a alün-aloxkya ma ziüi, ilaxle Ijip noke hwom cha nyiüi.”