MÜNCHUAK-TSAI 119:144 - OTSAO BAIBEL (BSI)

¹⁴⁴ Nange adangle fakyabu a othuithuima sule; ku ang tsing-wankya fahüi, ilaxle ku ozün ma ngoüi.

MÜNCHUAK-TSAI 119:144 ပူးပေါင်းရင်းမြစ်များ

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

DANEL 12:10

Khünaknu a huanuma otsao ang achangüi. Opang chichangchizangle tüipuix hwome ija müntsingüi ikoxle sisi-mix chichangchizangle ngole hüiüi; opang jetüi-hwonzaile tüilaxpuix hwome tix tsingle laxüi.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

MÜNCHUAK-TSAI 119:169

Jowanpa, asunhüile ku sopkyae nang ha naxalop! nang kaxtsao tüikya ningle ku ang tsing-wankya fahüi.

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

WANWÜNKAX 10:21

Müikya khünak zangwünbu füi khünakbue olap kopüi, ikoxle ongat makhange nange ma alüile lang ang thoüi.

MÜNCHUAK-TSAI 119:73

Ku nange zing, ilaxle nange ku khüzün müile thom; kue nang wanlombu tsingle lax angkya hanpakma, ku ang tsing-wankya fahüi.

MATHI 13:19

Zangkangting kaxho atat ang a kop ikoxlechu chitsing, ibu a lomfo le dütkya tsaxtsangbu ningle changpu. Ipongkhae wüi haxshix nguilaxle hwom mong khato saile toxkya kaxho pale pao.

MATHI 5:18

Idaile kue hünzom ang otsingtsingma akaxpu; ding hia hax mamax-maxba tamchu ibu pangnu angaile machang tanto Wanlom funtachu muato kaile leüi münchang.

MÜNCHUAK-TSAI 119:152

Nange adangle fakyabu bama kue kaitanto wüi awanle hüipu; nange ibu jento ngo angkya hanpakmale zing.

MÜNCHUAK-TSAI 119:138

Oja wanlombu nange koxle tüipuix ibu a komkaile sukya tamchu changkya changle.

MÜNCHUAK-TSAI 119:66

Ku ang je-hi-hwon laxhüi, chemthüikoxle kue nang kaxtombu to ongpu.

MÜNCHUAK-TSAI 19:9

Jowanpa chathua zale tüikya a amüikya changle; ija a tamchithwonle jento ngole. Jowanpa kaxfünbu a sukya changle; ibu a othuithuima mapai-mix-chizünkya kaxfün changle.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

MÜNCHUAK-TSAI 119:34

Nang wanlom ku hama akhixle wünfahüi, ilaxle kue ija kax ma laxüi; ija kue zongbakle mongkha ma thomüi.

MÜNCHUAK-TSAI 119:17

Kue nang hwon-nwotbu kax ma laxle ozün ma ngo kuxma, nang dap, ku füi nang müihüi.

MÜNCHUAK-TSAI 119:151

Ikoxlechu nang a ku hama tüile Jowanpa, ilaxle nang kaxtombu a othuithui hanpak changle.

WANWÜNKAX 4:4

ipongma apae ku hama anwot-anole chang. Chixe thüi: “Kue akaxkyabu mong ma akhax-adangle thomlax ilaxle ibu taxalak. Kue nang füi chemle akaxpuix ile moklax, jangchangba nang ozün ma ngoüi.

WANWÜNKAX 7:2

Kue chem akaxpuix ija moklax, jangchangba nang ozün ma ngoüi. Nange nang mik sünle thom ang chemtukux khünzaipuix itukuxle ku hwon-nwot kax ma laxle tüi angkya bama khünzailax.