MÜNCHUAK-TSAI 111:3 - OTSAO BAIBEL (BSI)

³ Chix mwot pangnu wüi chathua zakya hia achuak-achenkyae awangle tüile; chix otsao a oshuk chitüikya changle.

MÜNCHUAK-TSAI 111:3 ပူးပေါင်းရင်းမြစ်များ

EFISIA 3:10

Ija a, anyixkya tsün ma, müimüithom makhange kaxtaimix apün-awangkyabu hia ding angkya chaxwan tsakzongbue mama lom tokhange chix hwon-je tsingle lax angkya hanpakma,

MÜNCHUAK-TSAI 119:142

Nang otsao a othuithuima ngoüi, ilaxle nang wanlom a jento sule.

ISAIA 51:8

hwom a saxe saxdaokya nyi-za ningle samle paoünüi! Ikoxle kue koxkya khosün a jento ngoüi; kue lütkya a othuithui hanpak changpu.”

MÜNCHUAK-TSAI 103:17

Ikoxlechu opange Jowanpa chathua zale tüipuix, hwom hanpakma chix mongkün jento ngo, ilaxle chix müikya tsüntsün to ngo;

MÜNCHUAK-TSAI 19:1

Zangdinge chemtukux tsaothale Zang fuazangkya angai puix! Chixe mokdaokya mwotbu tsaothale chemle ahopuix!

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

MÜNCHUAK-TSAI 145:17

Chix mwot pangnusa towüi Jowanpa a otsao changle, chix mwot pangwüi chixe chingchajaja füi mokle.

MÜNCHUAK-TSAI 119:144

Nange adangle fakyabu a othuithuima sule; ku ang tsing-wankya fahüi, ilaxle ku ozün ma ngoüi.

MÜNCHUAK-TSAI 112:9

Chixe chitüi-chinang mix ang mongtsutsule kox-zunle, ilaxle chix chingcha otuechu thaithaxle münbang; chix a tsak-zongle tamchu achuak-achenle tüiüi.

MÜNCHUAK-TSAI 112:3

Chix homkha a ahak-aluale tamchu tsangtsa ma chemkak-chemlak chitüile changüi, ilaxle chix a othuithuima saxpu-luawang ang ngoüi.