MÜNCHUAK-TSAI 110:7 - OTSAO BAIBEL (BSI)

⁷ Wanghompa-e lomkax ma tüikya shuasa angkya ti lingüi, ilaxle janzüi kopüi, chix a anaokya mix tuita ang ajongüi.

MÜNCHUAK-TSAI 110:7 ပူးပေါင်းရင်းမြစ်များ

MÜNCHUAK-TSAI 27:6

Idaile akhoplaxle tüikya zanpabu to kue wüi anaoüi. Mongmüi tungle akhongle kue chix Zangshwom-Hom ma töbu koxüi; kue tsai ngaoüi, kue Jowanpa achuaküi.

MATHI 26:42

Anaolechu othom anyi lekya chix atsaile pao ilaxle zangjop: “Ku Apa! Kue maling-lingba ija wansa chipao tsuak angkya jangchang thünchu nang mongtex ma wüi naxchang!”

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

JUHAN 18:11

Jisu-e Pitar ang thüi: “Chang a züpak ma latdao! Apae ku ang koxdaokya sikngün wansa kue chiling koxle müisele nange texpia?”

KAXHO MÜIKYA LUK 24:26

Ija sikngün apong angkya hia fuazangkya khato hüi angkya Khrista hanpakma olom münchang hichem?”

MATHI 20:22

Jisu-e lanle sasün nyi ang thüi: “Hünzome chem lompuix ija hünzome münawan. Kue ling angkya sikngün pe hünkhie ling ang tho angchami?” Okhie lan: “Kukhie thoüi.”

JEREMIA 52:31

Babilon nok ma Ewil-merodak wanghom ang achangkya zanglao ma, chixe Judah nok wanghompa Jehoiakin hato chingcha aho kun tokya chix dokle alai. Jehoiakin zanda ang kople paokya zanglao 37 lyetbün anyi ma nyixtsa aga lükya to ija ile chang.

JEREMIA 23:15

“Ikhoma, Jerusalem angkya ajebu hanpakma, ija a Jowanpa kax changle: “Hwom ang kue khaxkya pün sax ang koxüi ilaxle zik-hing ling ang koxüi, chemthüikoxle haxtok pangkha towüi hwom zang chitüikya olom apukle changdaoa.”

MÜNCHUAK-TSAI 3:3

Ikoxlechu Jowanpa, thama chak tokya ku hale tui ang jento nang a di changle; nange ku ang tho-lün ang tomhüi üntoxle ku mong chatle achen fahüi.

JOB LAIPEX 21:20

Ochax hünlit ochax khünake wüi naxhün kox; Khüthak Zang mongmae hwom to pokya naxawankox.

MÜNCHUAK-TSAI 102:9

Nang mongtsik hia shixkya khoma, labu a ku süt ang lax, ilaxle ku mikfibu a ku grepti-ju füi awon. Nange ku tswonle kop ilaxle tswonle awüt.

KAXFÜNPA-HWOM 15:19

Ipongma Zang-e Lehi ma tüküi tuita alai, ilaxle ikhama ti awang ang tom. Samson-e ija ti ling ilaxle tsaktsa dongle tsak. Ikhoma ija tümik ang Hakkor le nyak. Lehi ma anyixchu ija otya ma wüi tüitan.