MÜNCHUAK-TSAI 11:7 - OTSAO BAIBEL (BSI)

⁷ Jowanpa a otsao üntoxle müikya mwot to mongkünle; ibu mwotmüi mokkyabu chix womle tüikya khama ngoüi.

MÜNCHUAK-TSAI 11:7 ပူးပေါင်းရင်းမြစ်များ

MIKNGÜN-OHÜN 22:4

Hwome chix thünza ngünüi, ilaxle hwom khangpongbu ma chix münwan zaüi.

MÜNCHUAK-TSAI 17:15

Ikoxlechu kue nang ngün ang kopüi, chemthüikoxle kue thaikya mwot chimok; üntoxle chemtue ku zopuix, nang womle tüikya mongmüie ku awangle tüiüi.

1 PITAR 3:12

Otsao khünakbu khangkho ma, Jowanpa-e nyele ngole; ilaxle hwom zangjop to apale; ikoxlechu ochax mokkyabu to chixe abaxle.”

MÜNCHUAK-TSAI 45:7

achangchang to nange mongkün ikoxle chichangchang thua nang anu. Ikhokhoma Zang, nang Jowan-e, nang kamle kop ilaxle mama-mama wanghombu thakto süchongchongkya mongmüi nang ang thokle kox.

JOB LAIPEX 36:7

Opang otsao changpuix hwom chixe sünle; chixe hwom ang wanghombu lailaile apün ang tomle, ilaxle hwom a jento achuakle chathua za ang tomle.

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

MÜNCHUAK-TSAI 42:5

Chemkhoma ku ang ipongpongle mongma? Chemkhoma ku ang ipongpongle mongsik-ngün? Kue ku mongong Zang ma thomüi, üntoxle tamchatle kue chix achuaküi, ku khosünpa, ku Zang.

MÜNCHUAK-TSAI 34:15

Otsao khünakbu to Jowanpae nyele thomle ilaxle hwom sopkya chixe atatle;

MÜNCHUAK-TSAI 33:18

Chix kax ma laxle tüikya pangnusa to Jowanpae hule nyengo, tamchu chithwonkya chix mongkün to mongong tüikyabu to a.

MÜNCHUAK-TSAI 99:4

Chix a taitax wanghom, nange chem supuix ija to mongkün; nange Israel ma sukya kaxfün apüitsuakle; nange otsao hia masüi-mix-chilüikya apüitsuakle.

MÜNCHUAK-TSAI 33:5

Oja otsao tamchu sukya changpuix, ija to Jowanpae mongkünle; tamchu chithwonkya chix mongküne chaxwannu awangle.

MÜNCHUAK-TSAI 21:6

Nang mohiman a chix füi jento ngole, ilaxle nang womle tüikya mongmüie chix awangle.

MÜNCHUAK-TSAI 5:12

Jowanpa, nang kax ma laxle tüikyabu to nange mohimanle; nang mongküne hwom to di thatha ma thale.

ISAIA 61:8

Jowanpae thüi: “Kue sukya kaxfün to mongkünle ilaxle mix to afang thomkya hia mütkopkya thua anule. Kue ku khünaknu to mong athokya chitüile hingho koxüi Ilaxle oshuk chitüikya Tsaotsüt hwom füi thomüi.

MÜNCHUAK-TSAI 146:8

ilaxle miksut mixbu ang ngün ang tomle. Dütle ngoünkyabu chixe nwonle; chixe chix otsao khünakbu to mongkünle.

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

MÜNCHUAK-TSAI 7:11

Zang a otsao kaxfünpa changle üntoxle othuithuima chichangchizangle tüikyabu thajao ang tomle.

MÜNCHUAK-TSAI 37:28

chemthüikoxle chem supuix ija to Jowanpa mongkünle ilaxle chix to mongong thomkya khünakbu chixe danle müntox. Jento chixe hwom khosele, ikoxlechu chichang-chizangkya su-sabu a jwonle apaoüi.

MÜNCHUAK-TSAI 45:8

Ongan müikya jingso hia aloi-münga a nang nyibu ma tüile; luakzongbu füi aza-apuale tüikya chongwang homlobu to tsaipabue nang apwon-asale.

WANWÜNKAX 15:9

Chichangchizangkya khünakbu lomtang thua Jowanpa anule, ikoxle sukya mwot mokkyabu to chixe mongkünle.