MÜNCHUAK-TSAI 11:4 - OTSAO BAIBEL (BSI)

⁴ Jowanpa a chix Zangshwom-Hom ma tüile; chix ang chix tüntong zangkangting to tüile. Chixe khünaknu pangnu khato nyele ngole ilaxle hwome chempang mokle ngopuix awanle.

MÜNCHUAK-TSAI 11:4 ပူးပေါင်းရင်းမြစ်များ

MÜNCHUAK-TSAI 103:19

Jowanpa chix tüntong zangkangting to dan; chix a pangnusa thakma wanghom.

MÜNCHUAK-TSAI 18:6

Ku sikngün pongma kue Jowanpa to nyak; ku to asun angkya hanpakma kue Zang nyak. Chix zangshwom-hom ma chixe ku kaxzing atatlelax; chixe fong angkya mix lomle ku sopkya apalelax.

MÜNCHUAK-TSAI 2:4

Chix ngwotnui zangkangting tokhange Jowanpa-e chemchu chichangkya katzua hwome zingkya ajaole chix nyi.

HABAKUK 2:20

Jowanpa a chix otsao Zangshwom-Hom ma tüile; chix tunthoma zangfang angkya noknusa wüi dangle changkox. Kox.

ISAIA 66:1

Jowanpae thüi: “Zangkangting ku ngwotnui, chaxwannu a ku chitingnui changpu. Jangchangba, nange ku hanpakma chem ningkya hom tamchu chem ningkya ku ngwotnui zingle alaiüi?

JEREMIA 23:24

Kue hwom ngün ang chitho angkya khato owachu azwon ang müntho. Ding hia hax ma pangnu khato ku ngole tüikya hünzome münawan hia?

MÜNCHUAK-TSAI 33:13

Jowanpae zangkangting tokhange asongle hule üntoxle khünaknu kem pangwüi ngünle.

MIKNGÜN-OHÜN 4:2

Allele chasae ku awang. Zangkangting ikhato owawa thungdao le chongwang tüntong tuita tüikya.

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

MATHI 23:21

Ikoxle owae Zangshwom-Hom mün ma tsaosax le changüi hex, Zangshwom-Hom tamchu ikhama tüikya Zang bama tsao saxkya changpu.

MATHI 5:34

Ikoxchu kue hünzom ang thüipu: Tsao ojao taxsax; zangkangting mün lünlechu taxsax, chemthüikoxle ikha a Zang ngwotnui changle.

MÜNCHUAK-TSAI 66:7

Chixe ma janzüi füi apün-awang ilaxle onokbu thakma chix mik thom. Chix füi alünle ajong angkya mix naktüi. Selah

2 PUKAX-PANGAO 16:9

Ma kün-mong chix ang zongbakle koxlaxle ngokyabu ang janzüi kox angkya hanpakmale Jowanpae zangfang pangnu khato hule ngopu. Nange ongat mwot mokdaoa, ikhoma athax makhange nang a othuithuima azanlanle ngoüi.”

1 PUKAX-PANGAO 17:5

Kue Israel khünaknu Ijip nok tokya azünkya nyix makhange anyix kopkya mong ma, ku a Zangshwom-Hom ma otuechu mango; ku a nyihom ma chex-chexle ngole hüipu.

WANGSHEMBU MWOT 7:49

Zangkangting a ku ngwotnui, chaxwannu ku chiting nui changpu. Ku ang nange, chem ningkya hom zingüi? Ku na-azak angkya nui a, ojong khato tamtüi?

WANWÜNKAX 15:3

Jowanpae pangnu khato chempangle changpuix ija ngünle; keme omüi wüi moklax oma wüi moklax, chixe kem to hule ngole.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

MÜNCHUAK-TSAI 44:21

nange ija chithaile atakdaose, chemthüikoxle nange kwom huxsa mongjangbu awanle.

MÜNCHUAK-TSAI 9:11

Zaion apünle ngokya Jowanpa achuakle tsai ngaokox! Chixe chempang mokdaopuix ibu pangnok-jating to wünkox!

MIKA 1:2

Ija apalax, jat-li pangnu; ija to apalax, chaxwan ma ngokyabu pangnu! Jowanpa Khüthak Zang-e hünzom füi alünle kaxkhi koxüi. Apalax! Chixe zangkangting zangshwom-hom tokhange akaxle.

JOB LAIPEX 24:23

Zang-e chix kuimüi-zangmale ngo ang tomkoxlax; ikoxlechu chix chito mike hukya tam-münzak.

MÜNCHUAK-TSAI 14:2

Jowanpae khünak kem to zangkangting tokhange hule, jetüi-hwonlangkya mix owawa tütüi cha, chix to shwomkya owangax tüichale.

MÜNCHUAK-TSAI 113:5

Jowanpa kem Zang lailaikya owachu müntüi. Chix a pangnusa füi tsuale thak to ngole,

MÜNCHUAK-TSAI 139:23

O Zang, ku lomlax, ilaxle ku kün-mong awanlax! Wanle anolax ilaxle ku tutexbu tsingle koplax!