MÜNCHUAK-TSAI 109:18 - OTSAO BAIBEL (BSI)

¹⁸ Jaopo ma chix zapua chemle tüipuix ilailaile chixe thuakzomle changle; chix-thuak chix-zome alüile chix tsangtsa ti ma asomkya ningle naxasomkox ilaxle chix za tochu münga füi papupule naxpakox!

MÜNCHUAK-TSAI 109:18 ပူးပေါင်းရင်းမြစ်များ

MÜNCHUAK-TSAI 73:6

Ikhoma hwome likwün lailaile ongam aliklaxle ngo ilaxle changnong-pünthomle tüikya a zapua ang laxlaxle ngo;

HUAKE LAIPEX 5:22

Ija ti noplaxle nang wok fing ang naxtom tamchu nangkux-nangka zanle pao ang naxtom.” Shekonue lanüi: “Ku mong tsupu, Jowanpae ku to ile naxhwonkox.”

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

KOLOSI 3:8

Ikoxle athax a hünzom a ibu füi thüikoxle: mongtsik, mongma, anukya, chanyit mowün ilaxle tun makhange zak-kop zang wünkya, ibu füi atsai angkya changle.

WANGSHEMBU MWOT 1:25

Ija mwot man ma lüile mok ang hia wangshem ang achang angkya hanpakma ija nyi khama nange opupu zünle koplaxpuix, kwom hato ahohüi.”

WANGSHEMBU MWOT 1:18

(Chixe ochax mwot moklaxle kopkya ngun füi shakkya haxwankho ma chix nguakle zi; chix fumle chao ilaxle mongkha tokya abakle alai.

MATHI 26:24

Khünak Hosa a Otsao Lai kax ma tüikya ningle zilaxüi, ikoxchu Khünak Hosa khohang angkya mix a maxsax! Ija khünak zongma chix a chipux kox wüi müise dai!”

JOB LAIPEX 29:14

Kue jento masüi-mixlüi chitüile sukyakya mok.

HUAKE LAIPEX 5:27

She-e chinunchakkaile jangchangdao thüiningle ija tie she ang wok huanuma kak ang tomüi, she ang wok huanuma fumüi ilaxle she kux-ka zanle paoüi. She mün a hwom khünaknu tu ma tuita othuak-ozom mün ang changüi.

MÜNCHUAK-TSAI 109:19

Ibue chix to nyifüi chwop-pupule naxchwopkox ilaxle züpak lailaile othuithuima chix hitle naxthomkox!