MÜNCHUAK-TSAI 106:7 - OTSAO BAIBEL (BSI)

⁷ Ijip nok to kwom pupa hwome Zang ohünotün mwotbu chitsingtsuak; chixe hwom hama obithomthom ma hexle ahokya hwom tokya chix mongkün hwome alakle asam, ilaxle Khikya Tinu Shinthuk ma hwome Khüthak Zang füi alünle chang.

MÜNCHUAK-TSAI 106:7 ပူးပေါင်းရင်းမြစ်များ

MÜNCHUAK-TSAI 78:42

Hwome achongkya chix tsak-zong alakle asam üntoxle zan nokbu chak tokya chixe hwom khosünle kopkya nyix texle chiatak.

MÜNCHUAK-TSAI 78:11

Chixe chem mokdaolaxpuix ibu hwome alakle asam, hwom mike ngünle chixe mokkya ohünotün mwotbu a.

EFISIA 2:11

Hünzom nuput tokhange wüi mixnokbu changpu, ilaxle Jehudi khünakbu opange hwom alüile khwonzüt zom kaidaokyabu le epuix (Chak füi hwom tsangtsa to mokle hwonkya) hwome hünzom ang khwonzüt zom ma chiwomkyabu le nyakle. Hünzome ami hünzom chem changkya dai Ija otuechu taxalak.

MARK 4:12

ikhoma; “Hwome tüle hukoxchu chitsingüi; tüle apakoxchu chiawan tsuaküi; Ile chichang thüikoxle, hwom mong Zang hato chatse; chixe hwom ang thailak koxkya tüise.”

MANGSOP 3:32

Chixe keme hato mongtsik-mongma apüi ang tsuak, ikoxlechu chixe kem to mongkünkya a chithai angkya tamchu tsak-zong changle.

ISAIA 63:7

Mong chiathokya Jowanpa mongkün mo kue wünüi; Kwom hanpakma chixe mokdaokyadu hanpak ang kue chix achuakpu. Chixe Israel nok to okhonguile mohimanle chix chingcha hia chizakkya mongkün tüikya khoma.

ISAIA 44:18

Iningkya khünakbu a hwome chem mokpuix ija awan ang ngaxchu chithokya ongatbu changpu. Hwome otsingtsing hanpakma ma mik hia mong ka hakle.

WANWÜNKAX 1:22

“Ongat khünakbu! Hünzom ongat ma chemtukux okuilole ngose tsupu? Je-hwon wanjaikya ma hünzom ang mong chemtukux müingolaxüi? Hünzome otuechu tsing-wanle münchangtox pia?

MÜNCHUAK-TSAI 106:45

Hwom kuxmale chixe hwom füikya chix Tsaotsüt texle atak, ilaxle chongkya chix mongkün khoma chixe hwom to chingchale thüt.

MÜNCHUAK-TSAI 105:5

Hünzom Abraham, chix dapa sixli hwom; hünzom Jakop, chixe zünle kopkya, sixli hwom: Zang-e mokkya ohünotün mwotbu ilaxle chixe hünzom ang koxkya kaxfünbu texle ataklax.

MÜNCHUAK-TSAI 51:1

O Zang, ku to chingcha hüi, tamchu chizakkya nang mongkün tokhange. Nang jaja chongkya makhange ku ochaxbu fwotle amüt hüi!

MÜNCHUAK-TSAI 5:7

Achongkya nang mongkün khokhoma ku nang hom to ngui ang thopu; Shwomle kue nang otsao Zangshwom-Hom ma achuak-achenle nang tong to akhux ang thopu.

TSAITONG-KAXTONG 29:4

Ikoxle hünzome apongle hüidaokya ibu anyix hünzom ang chemchu tsingle lax ang chitom.

TSAITONG-KAXTONG 15:15

Hünzom chuwüi Ijip nok to da ang ngodaokya Jowanpa hünzom Zang-e danpu, ikhoma anyix kue hünzom ang ija kaxtom fapu.

ISAIA 42:20

Israel, hünzome müimamale ngünle laxdaoa, ikoxle ijae nang zongto chem chang? Atat angkya hanpakma nang ma na tüipu, ikoxle hünzome chemtom tata atatle lax?”