MÜNCHUAK-TSAI 106:3 - OTSAO BAIBEL (BSI)

³ Chix kaxtombu kax ma laxle tüikyabu mohiman changpu, othuithuima sukya mwot mokkyabu mohiman.

MÜNCHUAK-TSAI 106:3 ပူးပေါင်းရင်းမြစ်များ

MÜNCHUAK-TSAI 15:2

Opange pangnu lom ma Zang kax ma laxle tüipuix üntoxle othuithuima changkya mwot mokle tüipuix, opang zangwün sule tamchu mongkoxle tüipuix,

JAKOP 1:25

Ikoxlechu khünaknu ang khangkho angai le koxkya sukya wanlom to hu üntoxle atat zaza laxle asam le chichang homtoxle mong ma tikshingshing le kop üntoxle mwot ang achangle mokle jangchang thüiningle, nange mokkya mwotlom pangwüi ma nang to Zange mohimanüi.

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

JUHAN 15:14

Kue hünzom ang chem kaxtom fapuix, ija hünzome jangmok thüiningle, hünzom a ku zongto zuikhui changpu.

JUHAN 13:17

Athax hünzome ija otsingtsing bama awandaoa ilaxle ija mwot ang achangle twonkya zuma hünzom ang mong otukux müiüihex!

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

MARK 3:35

Jowanpa mongtex ma owae mokpuix, hwom a kutüi-kunaohom tamchu ku anu changpu.” Hwom a kutüi-kunaohom tamchu ku anu changpu.

MÜNCHUAK-TSAI 119:112

Ku mazi mazile kue nang wanlombu kax ma lax angkya mongzangwünle tsuakdaoa.

MÜNCHUAK-TSAI 119:106

Sukya nange adangle fakyabu kax ma laxle tüi angkya kue ku kaxtsao otia ma thomüi.

MÜNCHUAK-TSAI 119:44

Tamchu chiashuktoxle, jento kue nang wanlom kax ma laxüi.

MÜNCHUAK-TSAI 119:20

Othuithuima nang kaxfünbu awanle laxsele; ku mongkha ma sungkya bule tüile.

TSAITONG-KAXTONG 11:1

Jowanpa hünzom Zang to mongkünkox ilaxle othuithuima chix wanlombu kax ma laxle tüikox.

MIKNGÜN-OHÜN 7:15

“Ikhoma hwome nyixfokya to, Zang chongwang tüntong thüntho ma, ajong laxle zangnak zangngai, chix zangshwom-hom ma chix thothale. Chix womlaxle chongwang tüntong ma, thungle tüikya mixe, hwom khosünle thomüi.

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

ISAIA 64:5

Nange hwom chemle naxngosele thütlaxpuix ija texle atakkyabu, opange sukya mwot moklaxle mongmüi atakkyabu nange pwonle lax. Nang ang kwom füi mongtsik, ikoxlechu kwom a chizakle ochax mwot mok ang sütle ngo; ile kwom füi nang mongtsik koxlechu kwome kaitokhange wüi ochax lyenle hüi.

TSAITONG-KAXTONG 5:19

“‘Nange taxahux.

KAXHO MÜIKYA LUK 11:42

Hünzom farisibu, hünzom maxsax! Chemthüikoxle hünzome suingan hia büza üntoxle mama suilai oli pangnu akiakle Zang mün ma bün ma thomta koxpu, ikoxle otya ma kaxfünkya hia Zang mongkün hünzome awütle toxpu. Ibu mokkya hünzome mamabuchu wüi awütle chitoxle mok angkya oli changle.

MÜNCHUAK-TSAI 25:7

Naosün pongkya ku ochax hia ku thaidaokyabu thailak tüihüi. Chizakkya nang mongkün hia nang müikya füi, ku texle atak hüi, Jowanpa!