MÜNCHUAK-TSAI 106:2 - OTSAO BAIBEL (BSI)

² Chixe mokdaokya ipongpong chongkya mwotbu mo owae wüntsuaküi? Okho-anguile chix owae achuak ang thoüi?

MÜNCHUAK-TSAI 106:2 ပူးပေါင်းရင်းမြစ်များ

EFISIA 1:19

Ija hünzome awanle lax angkya hanpakma, chix zangngai ngün angkya hünzom mongka daple khangka naja adün fakox le kue joppu.

ROM NOK HATO ZAKYA POL LAIZA 11:33

Zang ahak-aluakya otukux chongkya hex! Chix hwon-je hia awan-atsingkya otukux zupuix! Chix künzut-mongjang bama owae hiktikle apua fa ang thoüi? Chix lomtangbu owae tsingle tsuaküi?

EFISIA 3:18

Zangsu Zangsabu pangnusa füi tomtomle, Khrista mongkün a otukuxle khao ilaxle lole tüipuix, otukux tsua ilaxle zule tüipuixle tsing angkya zong hünzom ma naxtüi tomta le, mongkün ma otsing jule hünzom ma oting naxsüt ang kue zangjoppu.

MÜNCHUAK-TSAI 40:5

Nange kwom hanpakma tüle-tüle tsuakle hüidaoa, O Jowanpa, kwom Zang; nang lailaikya owachu müntüi! Nange kwom hanpakma ohünotün mwotthobu tüle-tüle zingdaoa. Kue ibu pangwüi bama akax ang thofang münchang: ibu a okiak chithole changle!

JOB LAIPEX 26:14

Ikoxlechu ibu a chix tsak-zong otua-oza tix; Keme atatkya a chix huxsa zangwün tix changpu. Otsingtomtata ma Zang chemtukux chongpuix, ija owae tsingle tho?

JOB LAIPEX 5:9

Müntsing tho keme chongkya chix mwotbu bama; oshuk müntüi chix ohünotün mwotbu ma.

NEHEMIA 9:5

Ibibi Liwi hwome zangshwom ang khünaknu ahyen: Jeshua, Kadmiel, Bani, Hashabneiah, Sherebiah, Hodiah, Shebaniah, ilaxle Pethahiah. Hwome thüi: “Ajongkox üntoxle Jowanpa hünzom Zang achuak kox; chix othuithuima achuak-achen kox! Noknusae wüi fuazangkya chix mün achuakle changkox, khünak owae achuakkya chu okhonguikya chichang koxlechu.”