MÜNCHUAK-TSAI 103:3 - OTSAO BAIBEL (BSI)

³ Chixe ku ochax pangwüi thailak kox ilaxle ku kak-lakbu amüile kox.

MÜNCHUAK-TSAI 103:3 ပူးပေါင်းရင်းမြစ်များ

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

ISAIA 53:5

Ikoxlechu kem ochax khoma chix to maklax, keme mokkya ochax khoma chix to chakmok. Chixe apongkya sikngün khoma tix kem kak müi, chix to chakthom topkya khoma kem kuimüi-zangmale ngo ang kop.

MÜNCHUAK-TSAI 30:2

O Jowanpa, ku Zang, ku to fong angkya lomle kue nang nyakpu, ilaxle nange ku amüile fapu;

JEREMIA 17:14

Jowanpa, ku kak amüihüi ilaxle ku kodong-handongle changüi; ku khang azün hüi ilaxtix ku khangkho zangngaikya ang ngoüi. Kue achuakkya a nang changpu!

MÜNCHUAK-TSAI 147:3

Chixe künmax-mongshanle ngokyabu amüile üntoxle hwom makbu to lople koxle.

JAKOP 5:15

Hwome mongong makhange jopkya ija zangjope kakmix amüiüi; Jowanpa-e chix ang tsangtsa ma chatle zong koxüi, ilaxle chixe lyenkya ochaxbu thailak faüi.

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

MARK 2:5

Itukuxkya hwom mongong ngünlaxle Jisu-e kakmix ang thüi: “Kusa, nang ochax thailak fadaoa.”

HUAKE LAIPEX 12:13

Ikhoma Mosa-e Jowanpa to nyakle akhong: “O Jowanpa, she kak müi ang tomkox!”

MÜNCHUAK-TSAI 130:8

Chixe chix khünaknu Israel hwom ochax pangnu tokya khosünüi.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

2 SAMUEL 12:13

Dawid-e thüi: “Kue Jowanpa zongto ochax lyendaoa.” Nathan-e lan: “Jowanpae nang to thailak tüidaoa; nang a münzipu.

ISAIA 33:24

Kem haxtok ma ngokya owaechu tamchatle kaklak bama kaxthup-ngaotünkya müntüiüi, ilaxle ochax pangwüi thailakkya tüiüi.

LAIPAO 34:7

Kue ku kaxtsao tsünthom-tsünthom to kople thomle ilaxle chichang-chizangkya hia ochax mwotbu thailakkya tüile; ikoxlechu hopu-hopa hwom ochax khoma kue hwom sutai-sulai tsün kople sikngün chifa homtoxle müntox.”

MÜNCHUAK-TSAI 41:8

Hwome thüi: “Chix a chisumüile kak ngole; chixe chemtuechu chix lya danle müntoxüi.”

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

MÜNCHUAK-TSAI 130:4

Kwom nang thua zale ajong angkya hanpakma nange kwom ang thailak fa.

ISAIA 38:17

Ku mongmüt a mongsom ang achangüi. Nange ku tsün thama pangnu chak tokya khosünle kop nange ku ochax pangwüi thailakkya tüi.