MÜNCHUAK-TSAI 103:18 - OTSAO BAIBEL (BSI)

¹⁸ chix Tsaotsüt otya ma thomkyabu hanpak ang tamchu chialekya mongong füi chix kaxtombu kax ma laxle tüikyabu hanpak ang.

MÜNCHUAK-TSAI 103:18 ပူးပေါင်းရင်းမြစ်များ

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

WANWÜNKAX 3:1

Ku sa, kue nang hama anwot-anole fakya taxalak. Kue chem mok ang akaxpuix ija jento mong ma kople thomlax.

MÜNCHUAK-TSAI 132:12

Nangsu-nangsabue ku füikya Tsaotsüt otya ma thomle jangchang ilaxle kue hwom ang koxkya kaxtombu kax ma laxle jangchang, hwom su-sa hwom chuwüi othuithuima wanghom ang nang tüntong ma thungle ngo ang kopüi.”

MÜNCHUAK-TSAI 25:10

Chix Tsaotsüt hia chix kaxtombu thomkya khünak pangnu, mongong tüikya hia mongkün füi chixe azui.

LAIPAO 24:8

Ifüima Mosa-e khuanu angkya aji koplaxle khünaknu to sakle kox. Chixe thüi: “Ija a Tsaotsüt, oja Jowanpae chix kaxtombu koxpongma, chix üntoxle kem bama zingkyahex ija changpu.”

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

LAIPAO 19:5

Athax, hünzome ku kax ma laxle ku Tsaotsüt otya ma jangthom, hünzom a ku khünakbu ang changüi. Chaxwannu komle ku kux changpu; hünzom a kue zünle kopkya,

2 PUKAX-PANGAO 34:31

Chix a wanghom ngwotnui ma ajong, ilaxle ija laipex ma zale tüikya ningle chix kax ma laxle tüi angkya, chix wanlom hia kaxtom, ibu pangwüi chilyenle kün-hi-mong makhange zongbakle thom angkya, ilaxle ija tsaotsüte lomkya mwot pangwüi mokle alyet angkya Jowanpa füi tsaotsüt.

TSAITONG-KAXTONG 4:23

Jowanpa hünzom Zang-e hünzom füi Tsaotsüt tüidaokya hünzome chemtuechu taxalak. Hünzome ma hanpak ang chemchem chapa zingle chichang angkya bama chix kaxtom kax ma laxle tüilax,

1 THESALONIKA 4:1

Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

HUAKE LAIPEX 15:40

Osutua-e hünzom ang ku kaxtombu texle atak ang tomüi, ilaxle hünzom a komkaile ku kux ang achangle ngoüi.

TSAITONG-KAXTONG 7:12

“Hünzome ibu kaxtom to na thale apalax tamchu mongong tüikya füi ibu kax ma laxle jangchang, Jowanpa hünzom Zang-e, hünzom füikya Tsaotsüt thomüi ilaxle hünzom putong hwom füi tsaosax daokya ningle hünzom ang chixe chizakle mongkün ahokya tüiüi.

ISAIA 64:4

Nang mong mongong thomkyabu hanpakma iningle mwot mokkya mix, nang lailaikya Zang owaechu mangün chichangba atatle machang.