MÜNCHUAK-TSAI 102:2 - OTSAO BAIBEL (BSI)

² Chemtue ku sikngünle changpuix, ipongma ku hato tok taxaho! Ku kax apahüi, ilaxle kue nyakpongma momle lanhüi!

MÜNCHUAK-TSAI 102:2 ပူးပေါင်းရင်းမြစ်များ

MÜNCHUAK-TSAI 69:17

Nang dapa thoto nang taxpyen; ku huanuma fuxtsüile tüile: athaxwüi ku to lanhüi!

ISAIA 8:17

Jowanpae chix a khünaknu mikngün thoto khünle thomdaoa, ikoxlechu kue chix to mongongpu tamchu monghom thompu.

MÜNCHUAK-TSAI 27:9

Ku thoto nang taxkhün! Nang ang ku füi mongtsikkya taxtüi; nang dapa ku anongle chat ang taxtom. Ku to nange fongle hüipu; ku danle taxtox, ku awütle taxtox, O Zang, ku khosünpa.

MÜNCHUAK-TSAI 104:29

Nange tok ahopongma hwom abütle za; chemtue nange nang zak syetle paopuix, hwom zile pao, hom zingle alaikya haxbu hato hwom chatle chat.

MÜNCHUAK-TSAI 70:1

Ku khosünhüi, O Zang! Jowanpa, ku to athax asunhüi!

1 KORIN 10:13

Nok hato chihüikya thwontsing nang tata hato ahuakle tüma hüi. Zang to mongao angkya müntüi, ilaxle nang ma tüikya zong tok to tsakkya thwontsing chixe otuechu hüi ang münfa, ikoxle nang to thwonle anokya zuma, chixe nang ang adu tsuak angkya zong faüi, ilaxle paole azang angkya olom daple koxüi.

MÜNCHUAK-TSAI 143:7

Jowanpa, athax ku to lanhüi! Kue ku monghom pangwüi asamdaoa. Nang ku thoto khünle taxngo, chichangba ku a amalum to ledaokyabu khato ngo angkya changüi.

MÜNCHUAK-TSAI 71:2

Chemthüikoxle nang a otsao changle, ku to fongfa üntoxle ku kho awa fa. Ku kax apahüi tamchu ku khosünle fahüi!

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

MÜNCHUAK-TSAI 40:13

Jowanpa, ku khosün hüi! Ku to athax fonghüi!

MÜNCHUAK-TSAI 31:2

Ku kax apahüi! Athax ku khosünhüi! Ku ziakop angkya hanpakma ku khangkhomnui; tamchu ku kho-awa angkya ziakop ang nang achanghüi.

MÜNCHUAK-TSAI 22:19

O Jowanpa, nang taxngo atsaile ku füi! Ku azün ang kangmomle nguihüi!

MÜNCHUAK-TSAI 13:1

Nange ku chemtukux alakle thomüi, Jowanpa? Othuithuima hia? Ku thoto nang chemtukux azwonle ngoüi?

JOB LAIPEX 34:29

Chixe chemchu münmokngo le Zang-e jangtex daoba, owaechu chix ang chichang khato le thüi ang müntho. Zang-e chix thün jangkhomba, khünak a maxsax.

JOB LAIPEX 7:21

Hünzome otuechu ku ang thailak müntüitsuak pia? Kue thaile mokdaokya ochax thailak müntüitsuak pia? Lebama wüi ku zuk khato ngoünüi, Hünzome ku lom pongma ku a paoünle bangüi.

ISAIA 65:24

Hwome ku to zangjopkya ashuküi thoto wüi kue hwom zangjop to lanüi.

LAIPAO 2:23

Namngo ngokya füima Ijip nok wanghompa zile pao. Israel khünaknu a hwom da ang ibu fangto ngolaxle tüle nuzao ikhoma akhongle sop. Ile da tuita chifün ma ngolaxle hwom to asunfale hwom sopkya ozing Zang ha alop.

LAIPAO 2:24

Zang-e hwom mongsople nuzaokya ozing atat ilaxle chixe Abraham, Isak hia Jakop hwom füi Tsaotsüt laxkya texle atak.

MÜNCHUAK-TSAI 17:1

Jowanpa, sukya kaxfün bama kue tsaiju-kaxjukya to apahüi; fonghüile ku sopkya to natha hüi! Loplüile chitüikya ku zangjop to apahüi.