MÜNCHUAK-TSAI 102:1 - OTSAO BAIBEL (BSI)

¹ O Jowanpa, ku zangjop to apahüi, ilaxle fong angkya lomle ku sopkya atatle koplax!

MÜNCHUAK-TSAI 102:1 ပူးပေါင်းရင်းမြစ်များ

MÜNCHUAK-TSAI 18:6

Ku sikngün pongma kue Jowanpa to nyak; ku to asun angkya hanpakma kue Zang nyak. Chix zangshwom-hom ma chixe ku kaxzing atatlelax; chixe fong angkya mix lomle ku sopkya apalelax.

MÜNCHUAK-TSAI 61:2

Khosam ashukle tamchu ochu tokhange kue nang nyakpu! Chaza angkya chemchu chitüile khangkhom angkya nui to ku paofa,

MÜNCHUAK-TSAI 39:12

Jowanpa, ku zangjop to apahüi, ilaxle ku sopkya to apahüi; Ku sop-pongma ku to fong ang nguihüi. Ku putong hwom ningle ku chuwüi onox ma nang wünpa tuita ang nguitox wüi.

LAIPAO 2:23

Namngo ngokya füima Ijip nok wanghompa zile pao. Israel khünaknu a hwom da ang ibu fangto ngolaxle tüle nuzao ikhoma akhongle sop. Ile da tuita chifün ma ngolaxle hwom to asunfale hwom sopkya ozing Zang ha alop.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

KAXHO MÜIKYA LUK 22:44

üntoxle chix zangmuk ti aji ningle jenle hax to düt.

MANGSOP 3:44

Kwom zangjope akaile le ang chithole nang mongtsik zangfwom huanuma tüt.

MANGSOP 3:8

Fong angkya mix lomle ku zongbakle akhong, ikoxlechu Zang-e ija to mün-apapule angam;

MÜNCHUAK-TSAI 143:7

Jowanpa, athax ku to lanhüi! Kue ku monghom pangwüi asamdaoa. Nang ku thoto khünle taxngo, chichangba ku a amalum to ledaokyabu khato ngo angkya changüi.

MÜNCHUAK-TSAI 143:4

Ikhoma ku a leüikhakha; ku a huanuma mongmaxle tüile.

MÜNCHUAK-TSAI 5:2

Fonghüile akhong pongma ku to apahüi, ku Zang üntoxle ku wanghompa! Kue nang to zangjoppu, O Jowanpa;

2 PUKAX-PANGAO 30:27

Zompu-zangpabu hia Liwi hwome khünak hanpakma mohiman ju. Zangkangting chix hom tokhange Zang-e hwom zangjop atat ilaxle hwom pongle kop.

1 SAMUEL 9:16

“Ngainyix kue itukhae Benjamin homjen angkya mixsün tuita nang hato ahüiüi; ku khünaknu Israel nok thakma apün-awangle chang angkya mix ang nange chix to münga füi pale kamkox, ilaxle chixe hwom Filistia chak tokya khosünüi. Kue ku khünakbu sikngünle ngokya ngünle laxdaoa ilaxle hwom to asunfa angkya mix lomle sopkya kue atatdaoa.”

KAXFÜNPA-HWOM 10:16

Ikhoma hwome mixnok baozang ibu danle tox ilaxle Jowanpa to shwom; ilaxle Israel nok sikngün bama chix mongto kak.

MÜNCHUAK-TSAI 145:19

Chix achuak-achenle changkyabu hanpakma laxlili bakle chixe koxle; chixe hwom sopkya zing atatle ilaxle chixe hwom sünle kople.

MÜNCHUAK-TSAI 77:3

Chemtue kue Zang texle atakpuix, ku azak maxle; chemtue kue chix lomle changpuix, ku ang monghixle. Selah

MÜNCHUAK-TSAI 62:8

Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah

MÜNCHUAK-TSAI 42:4

Mongmüi atungkya othom tuita, tsai ngaole tamchu Zang achuakle üntoxle tomtomle ahamle hwom lom azuile tüipongma, chemtue ku othom khato Zang hom to paopuix, ledaokyadu texle atak laxle ku mong ashix.

MÜNCHUAK-TSAI 12:5

“Ikoxchu athax ku nguiüi, chemthüikoxle chitüi-chinangbu to afangle thomkya üntoxle zothup apongkyabue hwom to kak-koxle wotle. Hwome lomkya khosün kue hwom ang koxüi”, le Jowanpa thüile.