MÜNCHUAK-TSAI 101:2 - OTSAO BAIBEL (BSI)

² Ku zanglom-saikha a thaikya chitüile changüi. Nang ku hato chemtue nguiüi? Ku hom ma kua tsaothakya tsün ngoüi,

MÜNCHUAK-TSAI 101:2 ပူးပေါင်းရင်းမြစ်များ

MÜNCHUAK-TSAI 119:106

Sukya nange adangle fakyabu kax ma laxle tüi angkya kue ku kaxtsao otia ma thomüi.

1 WANGHOMBU 9:4

Hünpa Dawid lailaile nang chuwüi tutex mongtsaokya füi ku thothale jangchang thüiningle ilaxle nange ku wanlom hia kaxtombu pangwüi kax ma laxle jangtüi thüiningle,

MÜNCHUAK-TSAI 119:115

Hünzom ochax khünakbu, ku ha-angkya atsaiün. Kue ku Zang kaxtom mawüi lax angkya changle.

MÜNCHUAK-TSAI 101:6

Zang to mongong tüikyabu ang kue müipule thüiüi ilaxle hwom a ku homkha ma ngo ang tomüi. Tsaitox-kaxfe angkya chitüile ngokyabu ang ku thothale chang ang tomüi.

MÜNCHUAK-TSAI 40:17

O Jowanpa, ku a muakya mix tamchu zasa changle, ikoxlechu nang ku otuechu chialak. Nang a ku khosünpa tamchu Zang changpu: ku to fong ang momlax!

1 WANGHOMBU 11:4

ilaxle chemtue chix azule changpuix, hwome chix ang mixnok baozangbu to shwom ang tom. Hopa Dawid lailaile chixe Jowanpa, ma Zang to mongong chithomtsuak.

TSAITONG-KAXTONG 6:7

Nang hom ma ngopongma tamchu nang kotho to ngopongma, nange nazak laxle ngopongma tamchu nange mwot mokle ngopongma, ibu a nange naosombu hama anwot-anole changkox.

2 PUKAX-PANGAO 30:12

Wanghompa hia chix nguakax-wangkhobu kaxtom to le chix mongtex kax ma laxle chang angkya bama ma küntsu monglua to hwom pangwüi motomle chang angkya hanpakma Zang-e Judah ma mwot mokle tüikya.

2 PUKAX-PANGAO 15:17

Asa-e chix chaxwan angkya songsari baozangbu to shwomkya onui bakle chiama tho koxlechu, chix a, chix tsüntsün ma Jowanpa to mongong tüikya füi ngo.

1 SAMUEL 22:14

Ahimelek-e lan: “Nang ma tüikya nguakax-wangkhobu khama mongong tüikya füi mokkya nguakax-wangkho tuita a Dawid changle! Chix a nang nomsün jaojao, nang nyetmixbu khama lompa ilaxle wanghom khwa ma noknusa chazale achuakkya khünak tuita.

JIHUSUA 24:15

Hünzome chix thothase le chitsu, hünzome opupu thothaüihex, ija anyix wüi wünle tsuaklax; hünzom pupa hwome Mesopotamia nok to shwomle hüikya baozangbu to shwomüi hia chichangba athax kem ngole tüikya Amor noke shwomkya baozangbu to shomüi. Kwom homkha tamchu ku, kwome a Jowanpa thotha lüwüi ngoüi.”

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

ISAIA 38:3

“Texle ataklax, Jowanpa, kue mongong füi tamchu kax ma laxle nang thothale hüidaoa, ilaxle kue nang mong ma atsutsu mokle-ole azongle hüidaoa.” Ilaxle chix mongmaxle sop ang süt.

2 SAMUEL 8:15

Dawid-e Israel nok pangwüi thakma apün ilaxle chix khünak noknusa to tomwüi ajit-awale tamchu changle apün-awang.

LAIPAO 20:24

Ku hanpakma hax makhange tö-tsap tuita zinglax, üntoxle ija dingma hünzome chun hia maihubu langlaxle, zokle ashunkya tö ilaxle tumüi tö, le koxhüi. Onui ojongpang to kue ku shwom angkya hanpak süile changüihex, ikhato ku nguiüi ilaxle hünzom to mohimanle changüi.

MÜNCHUAK-TSAI 26:11

Ku hanpakpak a, chem supuix ijatix kue mokpu; ku to chingcha-jaja tüihüi üntoxle khosünle kophüi!