MÜNCHUAK-TSAI 100:3 - OTSAO BAIBEL (BSI)

³ Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

MÜNCHUAK-TSAI 100:3 ပူးပေါင်းရင်းမြစ်များ

MÜNCHUAK-TSAI 46:10

Chixe thüi: “Azan ngokya zakün, jat-libu khama apünkya, chaxwannu thakma apünkya Zang a ku changle le awanün.”

MÜNCHUAK-TSAI 119:73

Ku nange zing, ilaxle nange ku khüzün müile thom; kue nang wanlombu tsingle lax angkya hanpakma, ku ang tsing-wankya fahüi.

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

1 PITAR 4:19

Idaile opange Jowanpa ma sikngün apong puix, hwome mwotmüi mokkya füi, owae chix kaxtsao otya ma thom, zingpupa Jowanpa, chix to mong bakle koxle ongkox.

MÜNCHUAK-TSAI 149:2

Hünzom Zingpupa hanpakma mongmüikya tüikox, hünzom Israel; hünzom wanghompa bama Zaion angkya khünaknu, hünzom ang mongmüikox!

TSAITONG-KAXTONG 4:39

Idaile anyixkya texle ataklax ilaxle Jowanpa a zangkangting hia chaxwannu ma Zang changpule chemtuechu taxalak. Chatle mama Zang tümüntüi.

TSAITONG-KAXTONG 4:35

Jowanpae hünzom hato ija ahodaoa; ija a: Zang chix tata wüi, chix boma mama owachu müntüile aho angkya hanpakma changle.

1 PITAR 2:25

Hünzom a lom asam daokya chunbu ningle changlea, ikoxle athax a chunnyetmix tamchu chasa nyetmix füito azui ang hünzom a chatle chat ang tomdaoa. E chat ang tomdaoa.

MÜNCHUAK-TSAI 79:13

Ifüima, kwom nang khünaknu, nang chunzyem kha angkya chunbue, kwome othuithuima nang ang münchong faüi ilaxle jento nang achuak-achenle ngoüi.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

MÜNCHUAK-TSAI 78:52

Ifüima chixe chunnyetpa tuita ningle chix khünaknu alaile pao ilaxle sak-hax akaile hwom lomzun.

EZEKEL 34:11

“Ku, Jowanpa Khüthak Zang-e hünzom ang thüipu, ku chunbu kue lomüi ilaxle kue akox-akomle thomüi.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

ISAIA 63:19

Nang ang kwom lompa ang tam chichangkya tukuxle nange kwom to mok, kwom a otuechu nang khünaknu chichang toxkya ningle hwon.

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

2 WANGHOMBU 19:19

Athax a, Jowanpa kwom Zang-e, nange kwom Asiria nok chak tokya khosünhüi, ilaxle chaxwannu angkya jat-libu noke Jowanpa, nangtix Zang changpule naxtsing.”

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

HWON-NWOT-JAONO 12:1

Ikhoma nange: “Ku ku tsün füi mongzom müikya müntüi”, le thüi angkya chisumüikya chaxwan zanghan hüiüi thoma, nang tsünzün ma tüipongma nang Zingpupa texle ataklax le thüikya angchu achangle tüile.

MÜNCHUAK-TSAI 95:3

Chemthüikoxle Jowanpa a akhokya Zang changle.

MÜNCHUAK-TSAI 12:4

Kwom mong atsutsu kwome akaxle, üntoxle kwom owaechu abax ang müntsuak” ibu zangwünkya tsaichong-kaxbongkyabu tun huxdao.

JOB LAIPEX 10:3

Nang ipongpongle mongtsik angkya asukya changcha? Nange ma chakzing ajao angkya changle lea? Chichangchizangbu mwot chanyi angkya changle lea?

LAIPAO 6:7

Kue hünzom ku khünaknu ang achangüi ilaxle ku a hünzom Zang ang ngoüi. Chemtue kue hünzom Ijip nok da ang ngokya chak tokya danle changüihex, ipongma hünzome ku a Jowanpa hünzom Zang changpule awan ang kopüi.

TSAITONG-KAXTONG 32:6

Hünzome Jowanpa to ile hwon angkya olom changcha, hünzom ongat, tutex mong chizaikyabu? Chix a hünzom hopa, hünzom zingpupa, jat-li tuita ang hünzom chixe zingpu.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

1 PUKAX-PANGAO 16:14

Jowanpa kem Zang changpu; chix kaxtsaobu a chaxwannu pangnu hanpak changle.

ISAIA 64:7

Zangjop makhange nang hato owachu chichat; nang hato fonghüiole owachu chihüi. Kwom thoto nang a thün khom ang süt ilaxle kwom a kwom ochaxbu khoma danle tox