MÜNCHUAK-TSAI 10:6 - OTSAO BAIBEL (BSI)

⁶ “Kem otuechu chitho-chilünle münchangüi, keme otuechu sikngün apongkya müntüi”, le hwome hwom füi akaxle.

MÜNCHUAK-TSAI 10:6 ပူးပေါင်းရင်းမြစ်များ

MATHI 24:48

Ikoxle chix a tuita chisukya da jangchangba, chixe ma mongto zangwünüi: ‘Ku hopunu a chichatle ozulole ngo angkya changle!’

ISAIA 56:12

Ibu juling mixbue thüile, ‘Ju apüihax, ilaxle keme otsuak-tsuak ma linghax! Anyix tukux ngainyix a ofün chimüitüi!’”

HWON-NWOT-JAONO 8:11

Chaktung-chaktung ma khünakbue mütkop mwot büthüikoxle mok? Chemthüikoxle mütkop to janpüi ma sikngün fakya chitüikoxle.

MIKNGÜN-OHÜN 18:7

She chemtukux zaxzangle tamchu, tüinangle hüidaopuix, ija tukux she ang, sikngün hia mikfi nyi laxkox. Chemthüikoxle she-e alüile ile akax: ‘Ku ikhama wangcha ningle ngopu! ku a zomnu chichang, kue mikfi jenkya münawan!’

1 THESALONIKA 5:3

Otue khünakbue “Pangnu wüi khuakhomle müile tüile”, le thüiüihex, ipong khae allele thama apongle. Sheko tuita hato naongün wokkak allele chemle ngangle hüipuix, ija lailaile ijachu ngangle hüiüi, ilaxle khünakbu azang ang münkopüi.

NAHUM 1:10

Tsaxkua hia tsaxsabu wün füi zokle ashunkya lailaile hünzom jutok-saxngat mixbu zokle ashun angkya changle!

MÜNCHUAK-TSAI 30:6

Ku a kuimüi-zangmale tüile üntoxle ku füi alüile akaxle, “Ku to chemtuechu lüt ang müntho.”

MÜNCHUAK-TSAI 15:5

Hwome olüi chilom homle thashe koxle üntoxle chemngax chitikkyabu füi apüile tüikyabu sule le aho ang zuizun kox ang müntho. Owapange iningkya mwot moklaxüihex othuithuima kho azangle ngoüi.

MÜNCHUAK-TSAI 14:1

Ongatbue hwom füi alüile akax: “Zang chitüi khato!” Hwom pangwüi chilaxli ang changle, üntoxle hwome khomtsikya mwotbu tsuakdaoa; sukya mwot mokkya mix tuita ngaxchu müntüi.

MÜNCHUAK-TSAI 11:1

Sün angkya hanpakma kue Jowanpa to ongpu. “Osa lailaile haxnu to pile paoün,

ISAIA 47:7

Nange nang a othuithuima wangchanu ang ngoüile thüt, ilaxle ibu mongkha to zule chilax chichangba ibu oshuk chemle shuüi chiajang.