MÜNCHUAK-TSAI 10:3 - OTSAO BAIBEL (BSI)

³ Chichangchizangkyabu hwom ochax mongzok bama huanuma ngamle; nüfux füikya mixe Jowanpa to thuakzomle tamchu chix chilaxle awütle.

MÜNCHUAK-TSAI 10:3 ပူးပေါင်းရင်းမြစ်များ

MÜNCHUAK-TSAI 94:4

Mütkopmixbu chemtukuxle ngamle ngoüi tamchu hwome mix mik amüt-tsuakkyabu bama chemtukux tsaichong-kaxbongle ngoüi?

KAXHO MÜIKYA LUK 12:19

Ilaxle kue alüile ku füi akaxüi: Shomüi mix! Zangpua obi-obi nang aban angkya jao chitüi le saxkox! Lingkox! Üntoxle mongmüi le ngokox! Pangnu li wüi okhongui le tüile!’

ISAIA 37:23

Nange owa ajaole owa chanyipule texpu? Nange ku, Israel nok otsao Zang to chie-chisele changpu.

WANWÜNKAX 28:4

Nange wanlom to e-sekya ojao chitüi thüiningle, nang a chichang-chizangkya chima sekya ang changpu; ikoxle nange wanlom ibu kax ma laxle jangtüi thüiba, nang a hwom füi opüi ma ngokya mix changpu.

MÜNCHUAK-TSAI 49:6

ochax khünakbue hwom ma tüinangkya to mongongle ilaxle hwom tuina bama tsaichong-kaxbongle.

MÜNCHUAK-TSAI 35:21

Hwome ku ma kaxhux fele akhong, “Nange mokkya kwome ngündaoa!”

MÜNCHUAK-TSAI 5:6

Atsekya pangwüi nange olithule changnong-pünthomkya hia dyen-ngankya pangwüi nange ahaile.

JOB LAIPEX 31:24

Kue tüinangkya to chemtuechu mong mün-ong,

TSAITONG-KAXTONG 29:19

Anyix ikhama ajongle tüikya kha angkya, ija tsaotsüt ma womdao koxlechu, zünkax-saikax ma chilaxle ma mongtextex ma ngokoxchu chem münchangle thüt angkya mix owachu müntüipox-ole atsing koplax. Ile changkya jangtüi thüiningle, ijae hünzom müikya hia chimüikya pangnusa tomwüi max angkya ataküi.

LAIPAO 15:9

Zanpabue thüi: ‘Kue hwom to achuaüi ilaxle kopüi; kue hwom tuina ahanüi ilaxle ku mong ma atsutsu laxüi; Kue ku changlo danüi ilaxle hwom ma atüitüi komle laxüi.’

1 JUHAN 2:15

Chaxwannu to chichangba chaxwannu kux chem tochu mong taxkün, hünzome chaxwannu to jangkünba, hünzome Hopa to münkün.

JAKOP 4:13

Anyix chichangba ngainyix kwom ija tingsho to paoüi ilaxle ikhato zanglao atale thalexle ngunkop-syenloüi, le akaxkyabu, hünzome ku kax apa hüi.

KOLOSI 3:5

Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

EFISIA 5:5

Chemthüikoxle chinunchakkai khünak, chitsaokya mix chichangba chapa shwomkya mix opupuechu Khrista hia Zang Wangting ma wom ang müntsuaküile hünzome awanle ngopu.

1 KORIN 6:10

chichangba ahuxkya, osing nüfux, jutok saxngat, adix-ada, pa-lokya, iningkyabu owaechu Zang Wangting mantswon ang münkopüi.

ROM NOK HATO ZAKYA POL LAIZA 1:32

Ile ngokya khünakbu zi angkya ataküile Zang wanlom ma tüikya hwome awanpu. Ingale iningkya oma mwot hwom tatae mokle lengokya chichangle mixe mokkya tochu wüi müipuix le thüi.

ROM NOK HATO ZAKYA POL LAIZA 1:29

Hwom a. Oma, nüfux, ilaxle tata zongto tüikya, iningkya chichang-chizangkyabue awang; miktsak khangsyen, alang ahuak, achax-azan, dyen-ngan, üntoxle mix fün amakyabue amün laxle hwom ngo.

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

HABAKUK 2:9

Hünzom a maxdaoa! Changnong-pünthomle mixkux tsui apüikya füi hünzom ahak-aluale chang ilaxle hünzome ma hom to mix chakmok-janlangle chakju ang chithole zing thompu!

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

ISAIA 57:17

Hwom ochax hia nüfux hanpakma ku hwom füi mongmale ngokya changpu, ikhoma kue hwom to sikangünpu ilaxle e-sele chichangpu. Ikoxlechu hwom ningle-khokhe chithüikya khünakbu ilaxle hwom malomlom to paole sam.

MÜNCHUAK-TSAI 52:1

Ochax ma achongkya mix, nang ochax bama nang büthüikoxle tsaichong-kaxbongpu? Chialekya Zang mongong ma oshuk müntüipu.

MÜNCHUAK-TSAI 49:18

Owawa ma tsün füi mongzom-müile tüikoxchu üntoxle jali tho-lünle changkya khoma chix ahuak-achenle tüikoxchu,

1 SAMUEL 23:21

Sol-e lan: “Hünzome ku hato ija chingcha ahokya hanpakma Jowanpae hünzom to mohimanle naxchang!

TSAITONG-KAXTONG 32:19

“Ija ngünkya zuma Jowanpa ang mongma ilaxle chix sasün hia sacha hwom chilaxle awüt.

LIWI 26:30

Haxhuabu to tüikya hünzom zangshwom nuibu kue amaüi, ongan müikya tö koxkya tö-tsapbu kue amaüi, ilaxle hünzom mangbu a hax to dütle tüikya chapabu ding to tswonle awütüi; ilaxle ku chasae hünzom thua anuüi.

JAKOP 4:16

Ikoxle athax hünzom ngampu, üntoxle tsaichong-kaxbongpu; ibu bong-chongkya pangwüi othai changpu.

KAXFÜNPA-HWOM 17:2

Chixe honu hama akaxle thüi: “Chemtue nang angkya khop ngunkhix hobün-büta owawae ahuxle paopongma, nange ija ahuxmix to thuakzomle changpu. Nange ile changkya kue atatlaxpu, ija ngun a ku ma tüile. Ija ahuxle paokya mix a ku changpu.” Chix honue thüi: “Jowanpae nang to mohimanle naxchang, kusa!”

1 WANGHOMBU 20:25

Nange amütdaokya süpahi othom, man lüima man, man-kanlin lüima man-kanlin, ilaxle khünak lüima khünak achwonle thomlax ilaxle hwom füi alünle kem a haxsha ma azanüi, izuma hwom füi kem wüi tsak-zongle tüiüi.” Ilaxle hwome akaxkya kax ma laxle wanghompa Benhadad-e mok.

HWON-NWOT-JAONO 7:15

Ku khüzün a laxli chitüile tüikya, ikoxlechu kue ija ma pangnuli ngün ang kop. Owawa ochax khünak chang üntoxle chu ozün ma ngole chang ang tsuak, züizüi khünak mixmüi a zile pao ang tsuak.