18 Afangle thomkya hia zasa-khaxsabu sopkya zing nange atat angkya changle; nange hwomchi ma sele kaxfün faüi, ikoxle tix ziün angkya khünake thama mwot chatle tammünmok.
Chitüi-chinangbu hia mixshix-zasabu süntswon khose angkya olom; chitüi-chinangle maxsam ngokyabu to hu angkya olom ma hule kox angkya wüi changpu.
Müt-mix shun-mixbu hanpakma Jowanpa a khangkhom nui, thangnak pongma khang azang angkya onui.
chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.
Ija chaxwannu tsün ma laxsese komle tüikyabu chak tokya ku khosünle thomkox. Hwom hanpak ang athünle thomkya zothup füi hwom to sikangünkox; hwom sasün hwom hanpakma nguizuile naxtüi, üntoxle hwom susün hwom hanpak angchu ota tüile naxchang kox!
Mixe afangle thomkyabue zakkop ang taxtom; ibu tuimix-nuakmix hia chitüi-chinangkyabue nang achuak ang tomkox.
Mixshix-zasabu to wanghome masüi-mix-chilüile kaxfün naxfa; chitüi-chinangkyabu to chixe naxfong ilaxle hwom to afangle thomkyabu to naxlüt.
Ikoxlechu nange ngünle; nange thama hia sikngün ngünle üntoxle jento fong ang achwonle tüile. Fongmix owachu chitüikya khünakbue hwom lualua to nang chak to danle; nange othuithuima mixshix-zasa to fongle hüipu.
“Ikoxle Abraham-e chix kax to lan, ‘Kusa, nang ozün ma ngopongma, nang ang amüimüi pangwüi fadaopuix; ile Lazar-echu chix ang fakya amama kople hüidaoa. Ikoxle athax chix ikha to mongsom ma ngopu, ikoxle nang a sikngün ashukle ngopu.
Chixe zomnu hia khaxsa hwom wünhai chitüile tomwüi hule; kem füi tomle ngole hüikya mixnokbu to chixe mongkünle ilaxle hwom ang sütling hia nyiwun ibu koxle.