MÜNCHUAK-TSAI 10:17 - OTSAO BAIBEL (BSI)

¹⁷ Jowanpa, nange a puinaikyabu zangjop to apa angkya wüi; nange hwom ang chachen-mongchen kox angkya changle.

MÜNCHUAK-TSAI 10:17 ပူးပေါင်းရင်းမြစ်များ

MÜNCHUAK-TSAI 145:19

Chix achuak-achenle changkyabu hanpakma laxlili bakle chixe koxle; chixe hwom sopkya zing atatle ilaxle chixe hwom sünle kople.

2 PUKAX-PANGAO 34:27

ilaxle kue Jerusalem hia ima tüikya khünaknu sikngün apong ang tom angkya azale changkya kax atat pongma, nang nyizabu akyetle tamchu sople, mong puinaikya füi ku tunthoma mongchatle changdaoa. Kue nang zangjop atatle laxdaoa,

MÜNCHUAK-TSAI 34:15

Otsao khünakbu to Jowanpae nyele thomle ilaxle hwom sopkya chixe atatle;

1 PITAR 3:12

Otsao khünakbu khangkho ma, Jowanpa-e nyele ngole; ilaxle hwom zangjop to apale; ikoxlechu ochax mokkyabu to chixe abaxle.”

ISAIA 65:24

Hwome ku to zangjopkya ashuküi thoto wüi kue hwom zangjop to lanüi.

MÜNCHUAK-TSAI 37:4

Nange ma mongmüi Jowanpa ma lomlax, nang mong ma atsutsu chixe nang ang faüi.

1 PUKAX-PANGAO 29:18

Kwom putong Abraham, Isak, hia Jakop, hwom Khüthak Zang, nang khünaknu mong khama iningkya haxjop-zangkhom jento janzüi tüikya füi ngo ang tomkox ilaxle jento nang to mongong tüikya füi ngo ang tomkox.

MÜNCHUAK-TSAI 9:12

Sikngün apong daokyabu Zang-e texle atakle; hwom sopkya chixe münalak, üntoxle hwom to thaile mokdaokyabu to chixe sikngün fale.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

JAKOP 4:10

Jowanpa thüntho ma hünzom puinai le tüilax, ile jangchangba chixe hünzom asale nwonüi.

WANWÜNKAX 16:1

Keme ma mwotthobu zing ang tsuak, ikoxlechu tsaishuk-kaxshuk a Zang ma tix tüipu.

MÜNCHUAK-TSAI 102:17

Chixe chilaxle awüt thomdaokya chix khünakbu kax atatüi ilaxle hwom zangjop zing apaüi.

2 PUKAX-PANGAO 30:12

Wanghompa hia chix nguakax-wangkhobu kaxtom to le chix mongtex kax ma laxle chang angkya bama ma küntsu monglua to hwom pangwüi motomle chang angkya hanpakma Zang-e Judah ma mwot mokle tüikya.

JAKOP 4:6

Ikoxlechu chixe fakya chingcha ifüi sütsexkya changle. Chemthüikoxle Otsao Lai-e thüile: “Ngamkyabu to Zange abaxle, ikoxle puinaikybu ang chixe chingcha fale.”

EFISIA 3:12

Khrista füikya notom ilaxle keme chix to mongongkya tokhange mongao chitüi le Zang ngwotnui to hüi ang kem ma mongchyen tüipu.

EFISIA 2:18

Jehudi nok hia mixnokbu kem pangwüi Chasa tuita ma Hopa Zang ngwotnui to ngui ang thokya a Khrista makhange tix changpu.

ROM NOK HATO ZAKYA POL LAIZA 8:26

Ija ningle kem shonaikya to fong ang Chasa kem hato nguile. Chemthüikoxle zangjop chemle jopüihexle keme chiawan; ilaxle kax ma ngai ang chithokyabu Chasae akhongle chixe alüile kem hanpakma zangjople.

MATHI 5:3

“Chasa ma zasa changpule awankyabu, hwom mohiman; Zangkangting a hwom kux changle!

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

WANWÜNKAX 10:24

Otsao khünakbue chem laxse tsupuix kople, ikoxle chichang-chizangkyabue oja thua hwom süchongle zapuix ija kopüi.

MÜNCHUAK-TSAI 9:18

Tuimix-nuakmixbu a jento ema chilaxle thom angkya le münchang; chitüi-chinangkyabu monghom a jento thuple akhix thom angkya le münchang.

2 PUKAX-PANGAO 29:36

Wanghompa Hezekiah hia khünaknu ang huanuma mongmüi, chemthüikoxle ibu mwot jantakya bama mokle tho angkya Jowanpae hwom to asun.