MÜNCHUAK-TSAI 10:13 - OTSAO BAIBEL (BSI)

¹³ Chichangchizangkya khünakbue Zang chilaxle awüt üntoxle hwom lualua to: “Chixe ku ang sik-chiangün ang khato”, le chemle thüitsuaküi?

MÜNCHUAK-TSAI 10:13 ပူးပေါင်းရင်းမြစ်များ

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

MÜNCHUAK-TSAI 74:18

Ikoxlechu nang zanpabue nangcha nyikya texle ataklax, O Jowanpa, ibu a zang chitüikyabu üntoxle nang chilaxle awütkyabu changle.

MÜNCHUAK-TSAI 74:10

O Zang, kwom zanpabue nang cha chemtukux nyile ngo angkya? Hwome nang othuithuima adix-adale ngo angkya hia?

2 PUKAX-PANGAO 24:22

Zekariah hopa Jehoiada-e ipongpongle chix mwot mokle koxkya wanghompae alakle awüt, ilaxle chixe Zekariah mik max ang tom. Zekariah zakshuüi khakhama: “Nange chem mokpuix ija Jowanpae naxngünkox ilaxle nang to sikangünle naxchang kox”, le akhongle soplaxle zile pao.

HUAKE LAIPEX 11:20

ikoxle lyetjang tuita hanpakma hünzom imakhange laile mapao tanto tamchu ija makhange hünzome kak-lak kople machang tanto saxle ngoüi. Hünzome hünzom khama ngokya Jowanpa a pongle chikop ikoxle hünzome Ijip nok dantoxse chitsukya mongjua khoma ile changüi.’”

PONGWANG LAIPEX 9:5

Owawa khünak tsün laxle jangchang, kue chix ang sikngün fa angkya changpu. Ilaxle müi ojae khünak khüzün laxle changüihex, kue ija to mik max ang tomle jao sikngün faüi.

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

PONGWANG LAIPEX 42:22

Reuben-e thüi: “Kue ija nao to ile taxhwonhax le thüikoxle hünzome ku kax ang kaxle chithüi. Athax a chix mik amütkya olüix keme koppu.”

TSAITONG-KAXTONG 29:18

Anyix ikhama ajongle tüikya sheko, lüka, kako-homkha, chichangba homjen opupuchu, mixnok baozangbu to shwom ang paoüima, Jowanpa kem Zang hato tok chiaho angkya münchangpuole mongzangwünle tsuaklax. Ile jangchang thüiningle ija a khaxkya hia zik-hing füikya püntsing jukya tuita ang achangüi.

JOB LAIPEX 24:12

Tingnu ma thomzünkyabu hia zik suakyabu akhong, ikoxlechu Zang-e hwom zangjopbu ahaile awüt.

JOB LAIPEX 24:23

Zang-e chix kuimüi-zangmale ngo ang tomkoxlax; ikoxlechu chix chito mike hukya tam-münzak.