MÜNCHUAK-TSAI 10:1 - OTSAO BAIBEL (BSI)

¹ O Jowanpa nang büthüikoxle ochu to ngopu? Kwome sikngün apong pongma nange nang thün büthüikoxle khompu?

MÜNCHUAK-TSAI 10:1 ပူးပေါင်းရင်းမြစ်များ

MÜNCHUAK-TSAI 22:1

Ku Zang, ku Zang, nange ku büthüikoxle danle asampu? ku to fonghüile ku mongmaxle jaojao soppu, ikoxlechu ija ofong-otsox ojao chihüipu.

MÜNCHUAK-TSAI 27:9

Ku thoto nang taxkhün! Nang ang ku füi mongtsikkya taxtüi; nang dapa ku anongle chat ang taxtom. Ku to nange fongle hüipu; ku danle taxtox, ku awütle taxtox, O Zang, ku khosünpa.

JEREMIA 14:8

Israel hanpakma monghom angkya nang ta wüi; sikngün-tuitai chak tokya kwom khosünle hüikya a nangtix changpu. Nang a kwom haxtok ma büthüikoxle wünpa tuita ang changle ngo, ja tuita hanpakma nguile toxkya mixwün tuita lailaile a?

MÜNCHUAK-TSAI 88:14

Jowanpa, nange ku büthüikoxle awütpu? Nange ku hato tok büthüikoxle ahopu?

MÜNCHUAK-TSAI 46:1

Zang a kem loxkax changpu, üntoxle sikngün pongma fong ang jento achwonle ngokya janzüi changpu.

MÜNCHUAK-TSAI 44:24

Kwom thoto nang büthüikoxle khünle ngopu? Kwom sikngün hia tuita taxalak!

MÜNCHUAK-TSAI 30:7

Jowanpa, nang a ku zongto müihule; haxnu angkya zanhunuibu lailaile nange ku ziakop. Ikoxlechu chemtue nange ku thoto nang thün khompuix, ku ang Tüle chazale.

JOB LAIPEX 13:24

Nange ku büthüikoxle tsiakpu? Nange zanpa tuita to hwonkya ningle ku to büthüikoxle hwonpu?

JOB LAIPEX 34:29

Chixe chemchu münmokngo le Zang-e jangtex daoba, owaechu chix ang chichang khato le thüi ang müntho. Zang-e chix thün jangkhomba, khünak a maxsax.

JOB LAIPEX 23:9

Shuakux hia shuathong pangnyi chito, Zang-e mwot mokle ngopu, ikoxchu kue chix tamchiatak.

MÜNCHUAK-TSAI 44:25

Kwom a hax to zutle akhixdaoa; mixe anaolaxle kwom a haxbu khato anguakdaoa.

JEREMIA 14:9

Nang a owawa chabüt-lasün ang tomkya ningle büthüikoxle chang, asunle fa ang chithole süpahi tuita zongsho maxkya ningle hi? Otsing tomtata ma, Jowanpa, nang a kwom füi tüile! Kwom a nang khünaknu changle; kwom danle sütaxtox.”