MÜNCHUAK-TSAI 1:3 - OTSAO BAIBEL (BSI)

³ Ibu a ziaktue chithaile oziak ziak, pünchak otuechu jumle chidütle shuasa zui ma nyemkya pünbu lailai. Hwome mokkya pangnu ma hwom ang tho-lünkya tüi.

MÜNCHUAK-TSAI 1:3 ပူးပေါင်းရင်းမြစ်များ

JEREMIA 17:8

Chix a shuasa tuita kax ma nyemkya pün tuita ningle changpu ojae matsing timong to ju ang koxpuix. Zangwin khamkya jeple chang pongmachu ija ang monghix angkya müntüi, chemthüikoxle ija pünchakbu a hingshüile tüile; zangwatle chichang pongmachu ija aban angkya müntüi; ija ma oziak chizakle ziakle ngole.

EZEKEL 47:12

Shuasa kax pangnyichi ma wüi süt koxkya tuita ang saxli pünziak füikya pünbu nyemüi. Ibu pünchak otuechu dütle münpao, ilaxle ibue oziak ziakkya otuechu ahuale münngo. Ibu ma lyetfo le pünziak hozünzün ziakle ngoüi, chemthüikoxle ibu a Zangshwom-Hom makhange jenle jukya shuasae ti koxle. Pün ibue süt koxüi, ilaxle ibu pünchak ang khünaknu kak amüi ang twonüi.”

MÜNCHUAK-TSAI 92:14

ojae ipong azukoxle ngaxchu oziak otia ma wüi ziakle ngopuix ilaxle oja othuithuima hingshe le tamchu otsing mongle tüipuix.

JUHAN 15:6

Ku ma chingokya mix a pünkang ngople awütkya ningle ngople awütüi ilaxle zi ang tomüi; ilaxle ija ningkya pünkangbu a afoxlaxle wün kha to awütüi üntoxle ibu ikhato shun ang tomüi.

EZEKEL 19:10

Hüntatüi a grep zunu ningle changkya, shuasa kax ma thwomkya pün tuita ningle a. Ti okhonguile tüikya khoma, ija pün a ochak hia oziak füi alule tüikya.

PONGWANG LAIPEX 39:23

Jusep-e humele chang angkya hünlit koxle thomdaokya mwot tütali to chu nyetmixe tamchatle hungo angkya mwot chiatsat. Chemthüikoxle, Jowanpa chix füi tüile ngokya khoma, chixe amokmok mwot pangwüi tsuakle hüi ang tom.

MIKNGÜN-OHÜN 22:2

khüzün ti shuajen kaxtaimixe ku hama aho. Shuajen atale pangnyi chikao ma khüzün pün tüikya. Ija pün lyetjang to tampong, zanglao to othom bün anyi pongma ziak; ilaxle ija pünchakbu a chaxwannu kak amüi angkya hanpak ang twon.

EZEKEL 17:8

Pün a ami wüi, pünchakbu huanuma alai ilaxle grep huanuma ziak ilaxle pünponu ang achangle tsong angkya hanpakma haxzao füikya haxtok ma küidaoa.

MATHI 13:6

Ikoxlechu zanghane huakkya zuma, hwom khangtan tamchu otsing mongtang hax chitüi koxle ibu zanle zi.

2 PUKAX-PANGAO 31:21

Zangshwom-Hom hanpakma wüi changlax chichangba Wanlom tokya olom ma wüi changlax, chixe chasae awangle Zang achuakkya füi mok, ikhoma chix mwot pangwüi tsuakle hüi.

PONGWANG LAIPEX 39:3

Jusep füi Jowanpa womle tüikya makhange chix mwot pangwüi mohiman ang achangle hüikya hopupae ngün ang kop.

MÜNCHUAK-TSAI 128:2

Nang mwotbue nange lomkya pangnu kop-lo ang tomüi; nang a mongmüile tamchu ahak-aluale ngoüi.

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

ISAIA 44:4

Hwom a ti müile koxkya hingzang tham khato, shuasa kax angkya wilo pünbu ningle tsongüi.

JOB LAIPEX 14:9

ti makhange ija pündom ang achangle chui ang tsuak.

MATHI 21:34

Zuziak khai angkya otu nguikya ma chixe ma tsyen lax angkya hanpakma dabu mwotmok mixbu hato tsanle akat.

MATHI 21:19

Lomkax ma fupsa pün tuita ngünlaxle chix ija hato khele ano; ikoxle ija ma ochak boma chemchu chibang. Ikhoma chixe ija pün ang thüi: “Nang ma tamchatle oziak tam münziakpu!” Ija füi tomle ija fupsa pün zile zan.

JUD LAIZA 1:12

Hünzom fongsüt ma thünzak chitüikya ibu a tuita zamake lyetle amakya ningle changle. Hwome küithole hwom mo alüile wünwüi. Hwom a, zangwat ang chikox homtoxle zangwine jeple aham thomkya zangfwombu changle. Ziaktue ngaxchu chiziakkya, otsing makhange hedaokya tamchu owüiole zidaokya pün a hwom changle.

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

MATHI 21:41

Hwome thüi: “Chixe ibu ochax khünakbu langjao langüi ilaxle chix tsyen otia ma koxtsuak angkya mama mwotmok mixbu ang ija haxtok mo ang tomüi.”

1 PUKAX-PANGAO 22:11

Dawid-e chizakle akax: “Ku sasün, athaxpi Jowanpa nang Zang nang füi naxngo, ilaxle nange chix hanpak ang Zangshwom-Hom tuita zaile changkya zuma mwot pangwüi tsuakle hüi angkya hanpakma chix kaxtsao tüikya chixe otia ma naxthom.

MÜNCHUAK-TSAI 129:8

Imakhange lekya owaechu, “Jowanpae nang to mohimanle naxchang! Jowanpa mün ma kwome nang to mohimanpu.” Chithüiüi.

2 PUKAX-PANGAO 32:23

Jowanpa hia Hezekiah nyi hato hingho-najobu koplaxle Jerusalem to khünaknu huanuma ngui, ija makhange pangnu noke wüi Hezekiah a achuakle thom.

HUAKE LAIPEX 24:6

Tsyenthüile tsuatha tüikya pam-pünbu ningle chichangba shuakax ma tüikya küisa ningle, Jowanpae küikya aloi-khix ningle Chichangba tikax angkya Sedar-pünbu ningle.

TSAITONG-KAXTONG 28:8

“Jowanpa hünzom Zang-e hünzom mwot to mohimanüi ilaxle hünzom pung ma saxziake awangle changüi. Chixe hünzom to, chixe hünzom ang koxle ngokya haxtok to mohimanüi.

2 WANGHOMBU 18:7

Ikhoma Jowanpa a chix füi tüikya ilaxle chix mwottho pangwüi ozalünle le. Chix Asiria chongwangpae apünkya fang ma ngose chitsu ilaxle chix füi alünle ajong.

1 PUKAX-PANGAO 22:13

Israel nok hanpak ang Jowanpae Mosa ang koxle toxkya wanlombu kax ma laxle jangtüi, nange pangnu tho-lünle changüi. Mong ma koplax ilaxle mongong tüilax, nang chem machu abüt-aban ang taxtom.

JOB LAIPEX 22:28

Nange mokkya mwottho pangwüi oza lünüi; nang lekya lom pangkha towüi zangngaie nyanüi.

MÜNCHUAK-TSAI 92:15

Ija makhange Jowanpa a sukya changpule ahole, ikhoma ku kho-awapa ma thaikya ojao müntüi.

ISAIA 58:11

Ilaxle kue hünzom jento azuiüi ilaxle müikya oli pangwüi füi hünzom ang mongzom müi ang tomüi. Kue hünzom a tsak-zongle tamchu müimüi-zangngaile ngo ang tomüi. Hünzom a ti okhonguile tüikya tsawatkha lailaile changüi, tamchu zople chipaokya shuasa jajen ningle changüi.

EZEKEL 31:5

Ija to ti müile koxle tüikoxle, Ija pün a mamabu füi ataitox le lole tsong. Ija angkya pünkangbu huanuma afak tamchu ojang lole tüi.