MIKNGÜN-OHÜN 9:1 - OTSAO BAIBEL (BSI)

¹ Ifüima kaxtaimix aga lükyae chix nyazong müt. Ding tokya lyettsi tuita chaxwan to dütkya kue ngün, ilaxle othong chitüikya tswom kahak to aja angkya kapatja chix ma kox.

MIKNGÜN-OHÜN 9:1 ပူးပေါင်းရင်းမြစ်များ

MIKNGÜN-OHÜN 8:10

Ifüima azom lükya kaxtaimixe chix nyazong müt. Wünnyan ningle chuale ngokya lyettsi chongkya tuita ding tokya düt. Shua othom azom ma ahankya thom tuita dingma, tamchu ti fuakle laikya nui to düt.

MIKNGÜN-OHÜN 9:2

Ija lyettsie tswom ka dap, ilaxle ija tswomkha tokya wünkhut lai. Ija wünkhut a tüpong tüpongkya wünchua tokya wünkhut ningle lai. Ija wünkhute zanghan hia zangwin to tuk.

ROM NOK HATO ZAKYA POL LAIZA 10:7

Chichangba: “Amachi chaxwan to owa juüi?” (Ija a lumting tokya Khrista dün ang) le nang füi alüile taxakax.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

MIKNGÜN-OHÜN 20:1

Ifüima zangkangting tokya kaxtaimix tuita jukya kue ngün. Chix chak ma othong chitüikya tswom kapatja hia lixkya janbüi koplaxle tüikya.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

KAXHO MÜIKYA LUK 8:31

Chingchalaxle othong chitüikya tswom khato kwom taxawütünfa le haxshixbue Jisu ma chingcha ju.

MIKNGÜN-OHÜN 8:12

Ifüima ali lükya kaxtaimixe chix nyazong müt. Zangngai othom azom ma ahankya thom tuita zangngai chitüi le changkya; üntoxle zangnak hia zangngai othom azom ma ahankya thom tuita ma zangngaikya chitüi angkya hanpakmale zangnaktukle chang angkya hanpakma, zanghan othom azom ma ahankya thom tuita to, lyetnu othom azom ma ahankya thom tuita to le fitdaoa.

MIKNGÜN-OHÜN 8:2

Ifüima kaxtaimix anüt Zang thüntho ma ajongkya kue ngün. Hwom ang nyazong anüt kox.

MIKNGÜN-OHÜN 20:10

Ifüima Bao, owae hom dyenle thompuix, chixchu wüi müi hia othai ajebu tswonle awüt thomkya okham wünnu tilo ningle tüikya khato tswonle awüt; ilaxle ikhato hwom zangnak zangngai jento tüle fuxtsüile ngoüi.

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

KAXHO MÜIKYA LUK 10:18

Jisu-e hwom kax to lan: “Ding to khange jantsang ajepkya ningle bao dütkya kue ngünpu.

ISAIA 14:12

Babilon nok wanghompa, anopningle nyankya lyettsi, nang a zangkangting tokhange dütdaoa! Thochi ma nange chaxwanbu to lütle tsuak, ikoxle athax nang a haxkha to tswonle awütdaoa.

MIKNGÜN-OHÜN 6:13

üntoxle zangwine alox pongma, zangwa ma ziakkya fupsa ziak dütkya ningle ding angkya lyettsibu punle hax to düt.

MIKNGÜN-OHÜN 11:7

Otue hwome hwom kaxho apukkya ashuküi hex, izuma tswomkha tokya laikya müi hwom füi azanüi. Chixe hwom to anaoüi ilaxle chixe hwom langüi,