MIKNGÜN-OHÜN 8:8 - OTSAO BAIBEL (BSI)

⁸ Ifüima anyi lükya kaxtaimixe chix nyazong müt. Tüle wünchua füikya tuita haxnu ningle tüikya tinu khato tswonle awüt. Tinu othom azom ma ahankya thom tuita aji ang achang,

MIKNGÜN-OHÜN 8:8 ပူးပေါင်းရင်းမြစ်များ

JEREMIA 51:25

Babilon, nang a chaxwannu pangnu amütkya haxnu tuita ningle changle, ikoxlechu ku, Jowanpa a nang zanpa changpu. Kue nang to künle kopüi, kue nang a hax to anamüi, ilaxle lajuak ang achangle dantoxüi.

MARK 11:23

Kue hünzom ang otsing tomtata akaxpu, opange ija haxhua ang: ‘Nang nwonün ilaxle tinu khato dütün’, le thüiüi hex tamchu mong ma aokya chitüi le, chixe chem akax puix ija changüi jao le ongpuix, chixe ija ile changkya ngün ang kopüi.

MIKNGÜN-OHÜN 8:7

Pongwang angkya kaxtaimixe chix nyazong müt. Jun hia wün, aji füi awon, chaxwan to adüt. Chaxwan tok othom azom ma ahankya thom tuita zokle ashun, pünbu othom azom ma ahankya thom tuita zokle ashun, fumhing laihing komle zokle ashun.

MIKNGÜN-OHÜN 11:6

Hwome Zang kaxho apuk ngopong ma zang chiwat angkya hanpakma zangding ka hak angkya zong hwom ma tüile. Hwom mong tsukyakya ma tümik sopkya aji ang achang angkya tamchu küjo küjekya kaklak thama füi chaxwannu to chak mok angkya hwom ma zong tüile.

AMOS 7:4

Jowanpa Khüthak Zang tokhange kue mikngünohün mama ngün. Ijama kue, chix a chix khünakbu to wün füi sikangün ang achwonle ngokya ngünle lax. Ija wüne hax fang to tüikya molo tinu zokle ashun ilaxle haxza zokle ashun ang owang wangle ngün.

EZEKEL 14:9

“Ajebu owawae othai kaxlan fa angkya dyenle jangchang, ija a Jowanpa, kue hwom dyenle thomkoxle changpu. Kue hwom a Israel nok tukha angkya atsai ang tomüi.

ZEKARIA 13:8

ilaxle chaxwan tok angkya khünaknu othom azom kha angkya othom anyi a zile paoüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

MIKNGÜN-OHÜN 9:15

Kaxtaimix ali dan; chemthüikoxle ija zangpua angkya ija lyetkua, Ija nyix, ija khonta a othom azom angkya thom tuita khünaknu lang angkya hanpakmale hwom thomkya changle.

MIKNGÜN-OHÜN 9:18

Khünaknu othom azom ma ahankya thom tuita ma man wikhabu makhange laikya wün, wünkhut tamchu khat, ibu makhange lang.

MIKNGÜN-OHÜN 12:4

Lyettsibu othom azom ma ahankya thom tuita chix müikua füi linle ahüilaxle ding tokya chaxwannu to tswonle awüt. Puxle adütkya füi shemle nao sax angkya hanpakmale chix a ija mixcha thüntho ma ajong.