MIKNGÜN-OHÜN 7:9 - OTSAO BAIBEL (BSI)

⁹ Ifüima kue hukoxle: owaechu akiak ang chitho le tüle tülekya khünaknu tusox tüikya! Hwom a pangnu jat-li, saxthom homjen, chaxwan longkho, kax-ngao tokyabu changkya. Hwom a chak ma pam pünkangbu twontwon le nyi tsekyabu awunlaxle, chongwang tüntong hia Chun Hosa thüntho ma ajong.

MIKNGÜN-OHÜN 7:9 ပူးပေါင်းရင်းမြစ်များ

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

JUHAN 12:13

Pam pünchakbu koplaxle chix pong to za, ilaxle azax, “Hosana! Hosana! Israel wanghom owa Zang mün ma nguipuix, chix mün achuakkox!”

MÜNCHUAK-TSAI 2:8

Julax, kue nang ang chaxwan pangwüi faüi; chaxwannu jaojao nangkux ang changüi.

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

MIKNGÜN-OHÜN 6:11

Hwom pangnu ang wüi tsekya nyiza tupong kox, üntoxle zuikhui thothat mixbu üntoxlechu hwom tüinaohom hwom ningle lang angkya hwom mixhuak akiak angkya okho mangui-manguile noxtasa dangjajale ngo angkya hwom füi akax.

MIKNGÜN-OHÜN 3:18

Idaile ahak-aluale tüi angkya hanpakma nange ku angkya hun, huntsaotsao shaklax le kue anopu. Nang thünzak hia ohua ma ngokya to chwop ang nyi tsekyachu shaklax. Nange ngün angkya kuxma nang mik to pa ang hinghaichu shaklax.

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

JEREMIA 3:17

Chemtue ija hanpak nguile hüipuix, Jerusalem ang ‘Jowanpa Tüntong’ le nyaküi, ilaxle pangnu jat-li ikhato ku to shwom ang asoxüi. Athaxpi hwome hwom mongkhüikya hia ochax kün-monge hwom füi chemle akaxpuix ija kax ma münlaxüi.

KAXHO MÜIKYA LUK 21:36

Ibu pangnu zia akaile letsuak angkya üntoxle Khünak Hosa chitong ma ajong angkya hanpakma, hünzome othuithuima hule ngolax ilaxle mik-hingle zangjoplax.”

KAXHO MÜIKYA LUK 12:1

Khünaknu ojat-ojat asoxkya zuma, hwom tata ding to chae nak. Jisu-e owangma chix wangshembu ang thüi: Hünzom farisibu twonkhax, thüikoxle künkux-mongkwombu hanpakma khünlilax;

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

LIWI 23:40

Ija nyix hünzome ma pün angkya pünziakbu sümüimüi laxlax, pün okangbu hia ochak-mua füikya pünkangbu laxlax, ilaxle hünzome Jowanpa achuak-achenle zanglom pangpwon owang wanglax.

MIKNGÜN-OHÜN 4:4

Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

IBRI 11:12

Abraham omang bütukuxle changün koxlechu, ija mixsün tuita makhange ding angkya lyettsi büta tamchu tinu kax angkya sak huak büta tüle-tüle osix-oli ngui.

EFISIA 6:13

Idaile athax wüi Jowanpa khyepdi laxlax! Ile changkox tix ochax din-pan hüikya zuma, zane singkyabu hünzome abax ang thoüi; ilaxle oshuk kople azanle hüikya füimachu wüi, hünzome ziakople thom ang thoüi.

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

DANEL 6:25

Wanghompa Dairas-e zangfang angkya onok hia jat-li pangwüi hato laiza ile afan: “Pangnusa ang salam!

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

DANEL 4:1

Wanghompa Nebukadnezar-e zangfang angkya onok, jat-li, matsai-makaxkax ma zangwünle tüikya noknusa hato kaxho ile apao: “Salam!

PONGWANG LAIPEX 49:10

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

MIKNGÜN-OHÜN 5:11

Anaolechu kue hu, üntoxle hajat-hajat kaxtaimixbu zing kue atat! Hwom chongwang tüntong akhople ajong; ozün ma tüikya müi ali hia tüichong mixmüi hwomchu wüi womle,

MÜNCHUAK-TSAI 77:2

Tingtui dongpongma kue Jowanpa to zangjop; zang angaile zangjople kue ku chak nwon, ikoxlechu kue mongsom chikop tho.

PONGWANG LAIPEX 13:16

Kue nang ang owaechu akiak ang chithole su-sa hwom huanuma koxüi; hwom akiakkya füi a chaxwan tok angkya haxbu akiakkya wüi ochwon changüi!

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

MÜNCHUAK-TSAI 76:4

O Zang, nang a chemtukuxle fuazangle tüipuix! Nang zanpabu to lütlaxle haxnukho tokya chatkya zuma nang chemtukuxle zaxzangle tüipuix.

ZEKARIA 10:8

“Kue ku khünaknu nyaküi ilaxle hwom ta ma asüi ang tomüi. Kue hwom kho-awale kopüi ilaxle tüihomkya ningle hwom huanuma pu-tsale chang ang tomüi.

MIKNGÜN-OHÜN 7:8

Zebulun homjen angkya jatbün anyi, Jusep homjen angkya jatbün anyi, Benjamin homjen angkya jatbün anyi shintop.

MIKNGÜN-OHÜN 22:3

Ija tingnu ma Zang thuakzom ma womdaokya chemchu chiatak. Zang chix Chun Hosa chongwang tüntong ija tingnu ma ngoüi, ilaxle chix dabue chix tong shwomüi.

EZEKEL 47:5

Chixe tamchatle fak 560 thüt, ikoxle ikhato ti a müimamale zule chang koxle ku fole ju ang chitho. Ikhato ti a akhaile lüwüi chichangba ahamle tang chimüile zule bang.