MIKNGÜN-OHÜN 7:2 - OTSAO BAIBEL (BSI)

² Khüzün Zang shintop füikya handünchi tokya mama kaxtaimix laikya kue ngün. Zange chaxwannu hia Molo-Tinu amüt angkya tsakzong koxlaxle tüikya kaxtaimix hwom ali nyakle chix tüle akhong.

MIKNGÜN-OHÜN 7:2 ပူးပေါင်းရင်းမြစ်များ

EFISIA 4:30

Üntoxle Zang Otsao Chasa mongtsik ang taxtom; chemthüikoxle Otsao Chasa a khosün nyix hanpakmale Zange nang to hopunu münwan chix shintop le thomkya changle.

2 KORIN 1:22

chix kem zongto hopunu changpu le aho ang, tamchu chixe kem hanpak ang athünle thomkya pangnu kox angkya münwan ang, chix Otsao Chasa kem mongto kox.

MIKNGÜN-OHÜN 9:4

Fumsa suisa chichangba pünnu zuanu tüta ziachu chiama angkya hwom füi akax. Hwome khangpongma Zang shintop chitüikyabu zia tata ama ang tho.

2 TIMOTHI 2:19

Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

MIKNGÜN-OHÜN 5:2

Üntoxle tüle tsakzongkya kaxtaimix tuita kue ngün. Chixe ija kax tsingang tom: “Shin topkyabu ama üntoxle laitün dap angkya mix owa tüi?”

JUHAN 6:27

Male paoün angkya süt hanpakma mwot taxmok, ikoxle oshuk chitüikya tsün füi tomwüi ngo angkya süt hanpakma moklax. Ija süt a Khünak Hosae tix hünzom ang koxüi; chemthüikoxle Hopa Zange chix ma münwan shin tople fadaoa.”

MIKNGÜN-OHÜN 1:3

Ija laipex ekyabu mohiman, ilaxle ija jekax to apakyabu tamchu ija laipex ma zale tüikya kax ma laxkyabu mohiman! Chemthüikoxle ibu pangwüi changle ngai angkya hanpak chwonle hüiüna.

MIKNGÜN-OHÜN 10:4

Ibu zangdung anüte ozing alaikya füima kue laiza ang achwonle tüikya. Ikoxchu zangkangting tokya kax zing kue ile atat, “Zangdung anüte akaxkya pyenle naxngokox; ija zale taxkop!”

MIKNGÜN-OHÜN 10:1

Ifüima otsak ozong füikya kaxtaimix mama zangkangting tokya jukya kue ngün. Chix zangfwome lwop üntoxle nomlong füi khangngüi daole tüikya. Chix thünza a zanghan ningle tüikya. Chix chabu a wün thong lailaile tüikya.

MIKNGÜN-OHÜN 8:3

Ongan müikya so zokkya pe oja hun füi zingkyahex, ija koplaxle tüikya kaxtaimix mama ngün üntoxle chix zomtong ma ajong. Chongwang tüntong thüntho ma tüikya hun zomtong ma tö kox ang tamchu Zang khünaknu pangnu zangjop to bole chix ang ongan müikya so tüle kox.

TSAITAX-NGAONÜI 8:6

Ku mongkün zongto wüi chichangba mama zongto nang mongka hakdao; Ku boboma nang ahuijak füi owa to chu taxkün. Mongkün a zikmüt-mangkho büta janzüi füikya changle; zao-hi-sungkya zikmüt-mangkho füi tomwüile tsak-zongle tüipu. Ija ma wünnu dong lüjao wünchua laile ilaxle tsanwün lailaile zokle ashunle.

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

1 THESALONIKA 1:9

Kwome hünzom wai pongma hünzome kwom wün chemle pwonle pongkop, chapa shwomle ngokya zangshwom ha tokya ozün ma ngokya Zang thotha ang hünzom chemle chat, ibu pangnu bama khünak noke wüi wünle.

MATHI 26:63

Ikoxlechu Jisu dangle ngo. Anaolechu Nguakhoe chix ang thüi: “Ozün ma tüikya Zang mün ma kue tsao sax le thüipu: Nang a Messaiah, Zang Hosa jangchangba kwom hama apua hüi.”

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

2 WANGHOMBU 19:4

Asiria nok chongwangpae ozün ma tüikya Zang tha ajao ang chix nguakax-wangkho khama akhokya ahüile. Jowan Zang, nange ibu thajao wünhai kax nax atat ilaxle ibu akaxkyabu to sikngün koxle naxchang. Ikhoma kem khünaknu ozün ma tüile ngokyabu hanpakma zangjople changkox.”

1 SAMUEL 17:36

Kue chaxnu hia chepnubu obibihex langdaoa, ilaxle kue ija songsari Filistia sün tochu ile wüi moküi. Chixe ozün ma tüikya Zang süpahi ang ngokyabu adix-adale changkya münmüi.

1 SAMUEL 17:26

Dawid-e chix zui angkya khünak ma atüi: “Chuja Filistia mixsün langlaxle Israel nok thajao-wünhai khangkho angaile jangfa thüiningle ija khünak ang chemfaüile tong? Ikoxle Khüzün Zang mün ama angkya ija Filistia songsari mixsün a owale-o?”

TSAITONG-KAXTONG 5:26

Khüzün Zang-e wünkha tokhange akaxkya kax atatkya füima ozün ma ngokya khünak tütüichami?

MALAKI 3:1

Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

ISAIA 41:2

“Handünchi tokhange anaole hüikya ija a owa, chix alele chito chixe wüi anaokya a? Wanghom-wanghombu hia onok onokbu to lüt angkya chix ang janzüi owae kox? Ibu a haxkhix-labu tukuxle chix changlo fang ma nguak. Chix sanhap tuntho to hwom a tsaxsabu ningle pikle pao.

EZEKEL 9:4

“Jerusalem tingnu apatle lekox ilaxle tingnu ma mokle tüikya ochaxbu khoma fuxtsüile sikngün apongle ngokya pangnusa khangpong ma manwan tople laxkox.”

MATHI 16:16

Simon Pitar-e lan: “Nang a ozün ma tüikya Zang Hosa Messaiah changle.”

MIKNGÜN-OHÜN 9:14

Ija kaxzinge kaxtaimix azok lükya füi akax: “Eufrat shuanu ma kople thomkya kaxtaimix ali dandao!”

MIKNGÜN-OHÜN 16:12

Ifüima azok lükya kaxtaimixe chix khong Eufrat shuanu ma thok. Handünchi tokya wanghombu nguikya lomzang ang ija shua zople zan.