MIKNGÜN-OHÜN 7:16 - OTSAO BAIBEL (BSI)

¹⁶ Hwom ang tamchatle wok münano, chichangba ti münalan; zanghanechu chichangba okham chemechu, hwom to münhuaküi,

MIKNGÜN-OHÜN 7:16 ပူးပေါင်းရင်းမြစ်များ

ISAIA 49:10

Hwom a wokno-tilanle müntüiüi. Zanghan hia sak-haxe huakkyae hwom to mak münkoxüi, chemthüikoxle hwom a hwom to mongkünkyabue azuiüi. Chixe hwom a ti fuakle jen ngokya shuasa hato paoüi.

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

MIKNGÜN-OHÜN 21:4

Chixe hwom mik angkya mikfi, pangwüi fwotle faüi. Ikhato zikya, mongmakya, sop-juakya, okak-olak chemchu müntüiüi. Hozang lili komle maxdaoa.”

MATHI 5:6

“Zang mongtex mwot mokse tsukyabu mohiman; Zange hwom to chingchaüi!

MÜNCHUAK-TSAI 121:6

Anyixningle zanghane nang to sik-mün-angün, zangnak ma lyetnue nang to chem münthüi.

KAXHO MÜIKYA LUK 6:21

“Hünzom, athax woknuak ma ngokyabu mohiman; hünzom wokfwot tilan müiüi! “Hünzom, athax sople ngokyabu mohiman; hünzom nyi ang ataküi!

KAXHO MÜIKYA LUK 1:53

Woknuak mix chixe, müikya osüt-ling füi, wok afwot le kox; hakpa luapabu chak-hua ma apao.

ISAIA 41:17

“Chemtue ku khünakbue mwot tüipongma ti lomle changüihex, chemtue tilane hwom dingdua zanle changüihex, ipongma ku, Jowanpae, hwom zangjop to lanüi; Ku, Israel nok Zang-e hwom otuechu danle müntox.

ISAIA 25:4

Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi

ISAIA 65:13

Idaile kue hünzom ang thüipu, opange ku to shwompuix tamchu ku kax ma laxle tüipuix, ibu ang sax angkya hia ling angkya okhonguile tüiüi, ikoxlechu hünzom a wokno tilanle wüi ngoüi. Hwom ang mongmüile tüiüi, ikoxlechu nang a chilaxle ahaiüi.

MATHI 13:6

Ikoxlechu zanghane huakkya zuma, hwom khangtan tamchu otsing mongtang hax chitüi koxle ibu zanle zi.

TSAITAX-NGAONÜI 1:6

Ku tsawan nakündaile wünhaile taxhu, ija a zanghan-huak to tsangtsa khwon nakwüi. Kutüi kunao hwom a ku füi mongtsik ilaxle ku ang grep haxtok ma manzai ang tom. Ku a ma tsawan mo wün ang chakba tamchitüi.

MÜNCHUAK-TSAI 42:2

Ozün ma tüikya Zang, nang sungkya tilan kuma tüile. Kue nang ngwotnui to nguilaxle chemtue nang shwom ang thoüi?

JAKOP 1:11

Zanghan khamle huakle dong üntoxle opün zokle ashun; ija opua dütle pao, üntoxle ija osün amale awüt. Ilailaile hwom thalex juatai mwot to sütngo pongma ahak-aluakyabu max ang tomüi.

MARK 4:17

Ikoxle hwom ma otsing zule ju angkya onui tam chitüi, ikhoma azang koxlechu otsün chilo; ija kax khoma sikngün hia zothup apongkya zuma hwome ochwon ma ija danle tox.

MARK 4:6

Ofüima zanghankya zuma ija khang tankya tsax nyemsabu to tüle huak, üntoxle zule otsing jukya chitüi koxle ochwon ma zilaxle ijabu zanle max.

MATHI 13:21

Chemthüikoxle ija kaxho khoma aduk-athangkya apongkya zuma hwome ija kaxho ochwon ma danle tox.

JONA 4:8

Zanghan dongle changkya füi Zang-e handünchi zangwin okham ahüi, ilaxle ija zanghane chix khang ma chietkya ningle huakkya khoma Jona a zaktho-lehale max. Ikhoma chixe chix zikoxwüi müisele sung. Chixe thüi: “Ku ozün ma ngokya füi zikya wüi sümüi.”

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

MÜNCHUAK-TSAI 143:6

Zangjople kue ku chak nang hato nwonpu; hax zuakya lailaile nang sungkya tilane ku mongkha zanle zile. Selah

MÜNCHUAK-TSAI 63:1

O Zang, nang a ku Zang changpu, ilaxle kue nang sungpu. Ku khüzün pangnue nang zaopu; zuazoxkya, shanle tamchu tizanle paoünkya haxtok lailaile, ku chasa nang zaoe dingdua zanle.

MÜNCHUAK-TSAI 121:5

Jowanpa nang to nyele ngoüi; nang kho-awa angkya hanpakma chix a nang zui ma ngole.