MIKNGÜN-OHÜN 7:14 - OTSAO BAIBEL (BSI)

¹⁴ “Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

MIKNGÜN-OHÜN 7:14 ပူးပေါင်းရင်းမြစ်များ

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

IBRI 13:12

Ija khoma Jisu chuwüi, chix aji jao makhange ochax tokya khünaknu atsao ang tingnu pankai to zile.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

MIKNGÜN-OHÜN 12:11

Chun Hosa aji ibomachu, hwome apukkya otsingtsing füi, kemtüi kemnao hwome, chix to anaodaoa; üntoxle zi angkya kople hwome, ma tsün to aküile chitüi.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

ISAIA 1:18

Jowanpae thüi: “Athaxpi zangwün tsuakle kop-hax. Nang a ochax füi lyetle akhik thomle, ikoxlechu kue nang paiput ningle sole atsyetüi.

1 PITAR 1:19

Ija a ofwot chizaikya hia münwan chitüikya Chun Hosa Jisu Khrista thalix aji changle.

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

MATHI 24:21

Chemthüikoxle chaxwannu zingpong tokhange anyix kopkya bama ituk angkya sikngün ma akhole changüi; ija ningle chatle otuechu münchang toxüi.

ZEKARIA 13:1

“Jowanpa Khüthak Zang-e thüi: ‘Chemtue hanpak nguile hüiüihex, Dawid sixli hia Jerusalem angkya khünaknu, hwom ochaxbu hia chapa shwomkyabu tokya atsao angkya hanpakma shuasa tuita fuakle lai angkya changle.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

ROM NOK HATO ZAKYA POL LAIZA 5:3

Ilaxle sikngün pongmachu kwom mongmüipu, chemthüikoxle sikngünkyae adu angkya olom sümüile awan ang tsuakpu;

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

MIKNGÜN-OHÜN 15:2

Ifüima wün füi awon zawan tinu tuita ningle kue ngün. Müi hia ija chapa owa mün lüix to huake twonle tüipuix, ibu to lütdaokyabuchu kue ngün. Hwom a ija zawan tinu kax ma ajongle tüikya; hwom a hwome Zang ang fakya thuaput waxmaibu füi tüikya.

MIKNGÜN-OHÜN 2:9

Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

2 THESALONIKA 1:4

Ikhoma kwom jao Zang müimüithom khato hünzom bama tsaichong-kaxbongpu.

LAIPAO 37:3

Nwonle aham ang chixe hun makhange wüi oka ali zinglaxle, ibu a kaopong ma anyinyi atale ocha ali füi asop-apongle zing.

DANEL 7:16

Ikha ajongle ngokyabu kha angkya tuita hato ku dong ilaxle ija chem hanpak-hexle atüi. Chixe ija chem hanpak-hex ija ku hama wünle fa.

DANEL 11:35

Hwom kha angkya jetüi-hwonzaile tüikya lompabu züizüi a langle awütüi, ikoxlechu ija a khünaknu atsaokya ang changüi. Ija a, Zang-e tyale thomkya hanpak ashukle machang tanto chizakle ile wüi ngoüi.

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

MARK 13:19

Chemthüikoxle ija tuke apongkya thangshix, Zange chaxwannu zingpong tokhange athax kopkya mong ma iningle jao machangle tüiüi tamchu ile otuechu münchang toxüi.

MIKNGÜN-OHÜN 7:9

Ifüima kue hukoxle: owaechu akiak ang chitho le tüle tülekya khünaknu tusox tüikya! Hwom a pangnu jat-li, saxthom homjen, chaxwan longkho, kax-ngao tokyabu changkya. Hwom a chak ma pam pünkangbu twontwon le nyi tsekyabu awunlaxle, chongwang tüntong hia Chun Hosa thüntho ma ajong.

JOB LAIPEX 11:16

Ifüima nange chialak tsuakse sikngün pangnu alaküi, ija a lekya füima alakle asamkya tichen lailaile changüi.