MIKNGÜN-OHÜN 7:12 - OTSAO BAIBEL (BSI)

¹² hwome thüi: Amen! Achuak achenkya, fuazang, je-hwon, münchong fakya, chathua zakya, tsakzong üntoxle tholünkya, jento kem Zang kux wüi naxchang! Amen!

MIKNGÜN-OHÜN 7:12 ပူးပေါင်းရင်းမြစ်များ

JUD LAIZA 1:25

thüikoxle Zang tuita kem khosünpa ang, kem Jowanpa Jisu Khrista makhange, fuazangkya, achuak achenkya, tsakzong üntoxle apün-adakya, ami kaitokhange, athaxchu üntoxlechu oshuk tamchitüitox le naxchang! Amen.

MIKNGÜN-OHÜN 19:4

Chongwang tüntong ma thungle ngokya Zang shwomle tsa ali tüikya tüichong mixmüi hwom üntoxle ozün ma tüikya müi ali akhux. Hwome thüi: “Amen! Zang achuakkox!”

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

MÜNCHUAK-TSAI 100:4

Zangshwom-Hom fülom to münchong fale dongkox, ija nüibu to Zang achuakle nopkox. Chix ang münchong fakox üntoxle chix achuak kox.

JONA 2:9

Ikoxlechu kue nang achuakle tsai ngaiüi; kue nang ang tö tuita koxüi ilaxle kue chem tsaodaopuix ija moküi. Khosün a Jowanpa tokhange hüipu!”

MÜNCHUAK-TSAI 147:7

Jowanpa achuak-achenle tsai ngaokox; kem Zang achuakle thuaput-waxmai mütkox.

MÜNCHUAK-TSAI 107:22

Töbu koxkya füi hwome chix ang münchong fa angkya wüi, ilaxle mongmüi tsaibu füi chixe hwom hanpakma mokdaokyabu mo wün angkya wüi changle.

MÜNCHUAK-TSAI 89:52

Othuithuima Jowanpa achuak kox! Amen! Amen!

MÜNCHUAK-TSAI 72:19

Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!

MÜNCHUAK-TSAI 41:13

Jowanpa, Israel nok Zang achuak-achenle changkox! Athax üntoxle othuithuima chix achuakkox! Amen! Amen!

JEREMIA 33:11

mongmüile akhongkya hia tuiju-nasomle puakya ozingbu a. Khünaknue Zangshwom-Hom to töbu apüile changpongma tsai ngole changkya zing hünzome atat ang kopüi; Hwome thüile: ‘Khüthak Jowanpa Zang ang münchong fakox, chemthüikoxle chix a müile ilaxle chix mongkün ma oshuk müntüi.’ Kue ija haxtok a amipongkya lailaile ahak-aluale chang ang tomüi. Ku, Jowanpae ija akaxdaoa.”

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

KOLOSI 2:7

Chix ma hünzom otsing mongle julax, chix ma hünzom khüzün tsün zinglax, ilaxle hünzom hama anwot-ano daokya ningle mongong ma zong südong-südong donglax. Ilaxle münchong fakyae awangle ngolax.

2 KORIN 4:15

Ibu pangnu wüi hünzom kuxma changle; ilaxle Zang chingchae otukux ziatamle khünaknu ha aloppuix, hwome fuazangkya Zang ang münchong fale sisile jopüi.

MÜNCHUAK-TSAI 116:17

Kue nang ang münchong fakya tö tuita koxüi ilaxle ku zangjop tö nang ang koxüi.

MÜNCHUAK-TSAI 106:48

Israel nok Zang, Jowanpa achuakkya tüikox; athax üntoxle othuithuima chix achuak-achenle changkox! Pangnusae wüi “Amen!”, le thüikox! Jowanpa achuak-achen kox!

MÜNCHUAK-TSAI 95:2

Chix tuntho to münchong fale hüihax ilaxle mongmüi tsai chix achuakle ngaohax.

MATHI 6:13

Chongkya thwongtsing to kwom taxahüi; Ikoxle omalom tokya kwom sünle thom hüi.’

JEREMIA 33:9

Jerusalem a ku hanpakma mongmüi, achuak-achenkya hia mongngam otong ang changüi; Jerusalem angkya khünaknu to kue mwotmüi mokle koxkya hia ija tingnu hato ahak-aluakya apüile fakya atatkya zuma zangfang angkya onok pangwüi zaüi ilaxle chikux ahongle changüi.”

MÜNCHUAK-TSAI 50:14

Nang ang münchong fakya a Zang tökya ang naxchang kox, üntoxle nange tsaosaxdaokya oli pangwüi Khüthak Zang ang laxkox.

NEHEMIA 12:46

Wanghompa Dawid hia tsaipa Asaf hokhi tsün tokhange wüi, tsaipabue Zang achuakle ngaokya tsailom zunle hüi.

NEHEMIA 12:8

Liwi hwom Ibibi a münchuak tsai ngaokya tsailom zunkyabu changkya: Jeshua, Binnui, Kadmiel, Sherebiah, Judah, ilaxle Mattaniah hwom bibi.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

ROM NOK HATO ZAKYA POL LAIZA 11:36

Chemthüikoxle pangnu li chixe tix zingpu, ilaxle pangnu li chix ma tamchu chix hanpakma tix chimax homle ngopu. Fuazangkya a othuithuima Zang kux wüi naxchang! Amen.

1 KORIN 14:16

Nange chasa tata ma Zang achuak koxle, tusox ma hakle asukya, hingho chitüikya zangjang khünak tuitae, nange Zang achuakkya to “Amen”, le chemle lanmanüi? Nang kaxzex tsingle lax angkya chix ma olom jao chitüi.