MIKNGÜN-OHÜN 6:2 - OTSAO BAIBEL (BSI)

² Kue hukoxle man-tho tuita ngün. Ija man khoma ngale tüikya mixsün chak ma hapnu tuita tüikya, ilaxle chix ang khohom asünle kox. Chix zankat naomüi ningle zan to ka ang lai.

MIKNGÜN-OHÜN 6:2 ပူးပေါင်းရင်းမြစ်များ

ZEKARIA 1:8

Kue mankhi tuita ma ngakya khünak tuita ngün. Chix a haxnucha angkya martul fumsaham khama chix zak. Chix tokfüi ma chuwüi mama manbu--mankhi, mannak, üntoxle mantho, ibu tüikya.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

MIKNGÜN-OHÜN 14:14

Ifüima kue hukoxle zangfwom fwomtho ngün. Khünak lailaikya ija dingma thungle tüikya. Chixe hun khohom asün üntoxle chak ma tüle anaxkya changkuix tuita twonlaxle tüikya.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

ISAIA 25:8

Jowanpa Khüthak Zang-e othuithui hanpak ang zikmüt-mangkho amütüi! Pangnusa mik angkya mikfi ti chixe fwotle awüt koxüi ilaxle zangfang pangnu khato chix khünaknue sikngün apongle hüikya thajao-wünhai chixe fwotle awütüi. Jowanpa chix jaoe akaxdaoa!

MÜNCHUAK-TSAI 110:2

Zaion makhange Jowanpa nange apün angkya zong achenle koxüi. Chixe thüi: “Nange nang zanpabu thakma apünlax.”

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

MIKNGÜN-OHÜN 15:2

Ifüima wün füi awon zawan tinu tuita ningle kue ngün. Müi hia ija chapa owa mün lüix to huake twonle tüipuix, ibu to lütdaokyabuchu kue ngün. Hwom a ija zawan tinu kax ma ajongle tüikya; hwom a hwome Zang ang fakya thuaput waxmaibu füi tüikya.

MIKNGÜN-OHÜN 11:18

Chaxwannu khünak ang, tüle mongtsike awang; nang mongtsik hanpak tamchu, omangbu kaxfün hanpak, nguile hüiünkoxle; nang thothakya ajebu, nang khünaknu pangnu; nang chathua zale tüikyabu, hixkya, chongkya pangwüi to, nang mohiman hanpak nguile hüile. Chaxwannu amütkyabu amüt angkya, hanpak nguile hüile.

1 KORIN 15:25

Chemthüikoxle Zange zan pangnu to anaolaxle chix chifa fangma mathom tanto Khrista-e apün angkya changle.

MÜNCHUAK-TSAI 98:1

Jowanpa ang tsaizün tuita ngaokox; chixe ohünotün mwotbu mokdaoa! Chix tsak-zong hia otsao janzüi makhange chixe zan lüt ang thodaoa.

MIKNGÜN-OHÜN 19:14

Man athokyabu khoma nga üntoxle jaknyidax tsaothakyabu awunlaxle zangkangting süpahibu chix füito azui.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

MÜNCHUAK-TSAI 76:7

Ikoxle Jowanpa, nang thua a pangnusa wüi zale. Nang ngwotnui ma owachu ajong ang chitho, nang mongtsikle changpongma a.

MIKNGÜN-OHÜN 9:7

Kuknu sünjo a azan ang achwonle tüikya man lailaile tüikya; hwom khang ma hun khohom ningkyabu tüikya, üntoxle hwom thün-le khünak thün-le lailaile tüikya.