MIKNGÜN-OHÜN 5:5 - OTSAO BAIBEL (BSI)

⁵ Ipongma tüichong mixmüi tuitae ku ang thüi: “Taxsop, hulax! Juda homjen angkya mailang tuita, owa Dawid sixli akhokya changpuix, chixe zan to anao daoa, ilaxle chixe shin anüt topkyabu dalaxle ija laitün sha ang thoüi.”

MIKNGÜN-OHÜN 5:5 ပူးပေါင်းရင်းမြစ်များ

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

MIKNGÜN-OHÜN 22:16

“Jisu, kue hünzom ang ibu tsingang tom angkya hanpakma kaxtaimix apaodaoa. Ku a Dawid sixli tokhange hüikya changle; ku a tüle nyankya swomsa lyettsi changle.”

IBRI 7:14

Chix a Jehudi jat-li homkha ma puxkya changpu le awan ngopu; üntoxle zommix-zangmixbu mo wünkya zuma Mosa-e ija jat-li mo bwomle chiwün.

ROM NOK HATO ZAKYA POL LAIZA 15:12

Anaolechu Isaia-e thüi: “Jesse sixli nguiüi; mixnokbu apün ang chix nwonüi; hwome hwom monghom chix ma thomüi.”

ROM NOK HATO ZAKYA POL LAIZA 1:3

Ija a chix Hosa, kem Jowanpa Jisu Khrista bama changle: Khünak chifün ma chix a Dawid sasün tuita ang pux;

ISAIA 11:10

Jat-libu hato mowan tuita ang Dawid sixli kha angkya wanghom hozün tuita ngai angkya hanpak hüile ngole. Chix chongwang tingnu ma hwom nguiüi ilaxle chix achuak-achenle changüi.

MIKNGÜN-OHÜN 6:1

Ifüima Chun Hosae shin tople tüikya anüt kha angkya pongwang angkya shintop dapkya kue ngün, ilaxle ozün ma tüikya müi alie “Oman!”, le zangdung büta ozing alaile akaxkya kue atat.

MIKNGÜN-OHÜN 4:4

Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

JEREMIA 31:16

Sopngokya zaklax ilaxle hünzom mikfi fwotlax. Hünzome naosombu hanpakma mokkya mwot olüi chikop homtoxle münlepu; hwom a zan nok chaxwan tokya chat angkya changle.

MIKNGÜN-OHÜN 7:13

Tüichong mixmüi tuitae ku ma atüi: “Nyitse laxlaxle tüikyabu opang üntoxle hwom ojong tokya nguikyabu hex?”

MIKNGÜN-OHÜN 4:10

ipongma mixmüi tüichong hwom tsa ali chongwang tüntong ma thungle tüikya mix thüntho ma chikux athongle ilaxle owa oshuk tamchitüitox le ngopuix chix shwom; hwome chongwang tüntong thüntho ma hwom khohombu suk üntoxle tsai ngao:

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

JUHAN 20:13

Okhie she ang thüi: “Mixcha, nang büthüikoxle sople ngopu?” she-e hokhi ang hüi: “Hwome ku Jowanpa paodaoa ilaxle hwome chix ojong to thom daopuix kue münawan!”

KAXHO MÜIKYA LUK 7:13

Otue Jowanpa-e she ngünpuix, chix mong ma she to chingchakyae awang, ilaxle chixe she ang thüi: “Taxsop.”

HUAKE LAIPEX 24:9

Ija jat a chax shix tuita ningle; Ija jiple ngopongma azwot angkya owa angchu mong chichong. Israel nok to mohimankya mix mohiman changüi, Israel nok to thuakzomle changkya mix thuakzom changüi.”

KAXHO MÜIKYA LUK 23:28

Ikoxlechu Jisu-e hwom chito hulaxle thüi: “Jerusalem angkya shekobu! Ku hanpakma taxsopngo, ikoxle ma hanpakma ilaxle masu masabu hanpakma soplax.

KAXHO MÜIKYA LUK 8:52

Ikhama tüikyabu pangnu wüi naosa hanpakma mangsople ngokya. Jisu-e thüi: “Taxsop, naosa zikya münchang, she jip ngowüi!”

DANEL 7:16

Ikha ajongle ngokyabu kha angkya tuita hato ku dong ilaxle ija chem hanpak-hexle atüi. Chixe ija chem hanpak-hex ija ku hama wünle fa.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

MIKNGÜN-OHÜN 5:4

Ija laitün sha laxle omong ma chem tüipuix ija to hu angkya mix owachu chitüikya ngünlaxle ku tüle mongmaxle sop.

2 PUKAX-PANGAO 9:18

Ija tüntong a chifün azok donglaxle zaile tüikya. Ochabu ma tiale hun füi chwoplaxle ochifabu tüikya; ilaxle atale chaklwotnui tüikya ilaxle pangnyichi ma mailang zinglaxle tüikya.

JOB LAIPEX 41:15

Chix tokfüi a dibu füi tsyenthuile zinglaxle tüile. Ilaxle ibu a tomwüi khakle amongle üntoxle long lailaile tsakle tüile.