MIKNGÜN-OHÜN 4:4 - OTSAO BAIBEL (BSI)

⁴ Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

MIKNGÜN-OHÜN 4:4 ပူးပေါင်းရင်းမြစ်များ

MIKNGÜN-OHÜN 11:16

Ifüima tsa ali tüichong mixmüi hwom opang Zang akhople hwom tüntongbu ma thungle tüipuix, hwome haxchi to thüne hule akhux üntoxle Zang to shwomle akax,

MATHI 19:28

Jisu-e lan: “Kue ija hünzom ang thüipu: Ongai Khünak Hosa Tsün Hozün ma, chix fuazangkya tüntong ma thungüi hex, Israel homjen bün anyi kaxfün ang hünzom ku wangshembu bün anyichu wüi ma tüntongtong ma thung angkya changle.

MIKNGÜN-OHÜN 4:10

ipongma mixmüi tüichong hwom tsa ali chongwang tüntong ma thungle tüikya mix thüntho ma chikux athongle ilaxle owa oshuk tamchitüitox le ngopuix chix shwom; hwome chongwang tüntong thüntho ma hwom khohombu suk üntoxle tsai ngao:

MIKNGÜN-OHÜN 7:11

Kaxtaimixbu pangwüi, ozün ma tüikya müi ali hia tüichong mixmüibuchu wüi, chongwang tüntong akhople ajong. Ifüima chongwang tüntong thüntho ma haxchi to hule hwom akhux ilaxle Zang shwomle,

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

MIKNGÜN-OHÜN 5:14

Ozün ma tüikya müi alie lan: “Amen!” Üntoxle tüichong mixmüibue akhuxlaxle shwom.

MIKNGÜN-OHÜN 5:8

Ile chang pongma ozün ma tüikya müi ali üntoxle tsa ali tüichong mixmüi hwom Chun Hosa chitong ma akhux. Hwom pangwüi ma waxmai tupong üntoxle ongan müikya soe amünkya hun pe le tüikya. Ibu a otsao khünakbu zangjop changkya.

KAXHO MÜIKYA LUK 22:30

Ku Wangting ma hünzome ku tsap ma sax-lingüi, ilaxle Israel homjen bün anyi thakma apün-awang ang hünzom chongwang ngwotnui ma thungüi.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

MIKNGÜN-OHÜN 19:4

Chongwang tüntong ma thungle ngokya Zang shwomle tsa ali tüikya tüichong mixmüi hwom üntoxle ozün ma tüikya müi ali akhux. Hwome thüi: “Amen! Zang achuakkox!”

MIKNGÜN-OHÜN 7:9

Ifüima kue hukoxle: owaechu akiak ang chitho le tüle tülekya khünaknu tusox tüikya! Hwom a pangnu jat-li, saxthom homjen, chaxwan longkho, kax-ngao tokyabu changkya. Hwom a chak ma pam pünkangbu twontwon le nyi tsekyabu awunlaxle, chongwang tüntong hia Chun Hosa thüntho ma ajong.

MÜNCHUAK-TSAI 21:3

Nang chix hato chongkya mohiman füi nguipu ilaxle chix khang ma hun khohom sünle koxpu.

MIKNGÜN-OHÜN 19:14

Man athokyabu khoma nga üntoxle jaknyidax tsaothakyabu awunlaxle zangkangting süpahibu chix füito azui.

MIKNGÜN-OHÜN 6:11

Hwom pangnu ang wüi tsekya nyiza tupong kox, üntoxle zuikhui thothat mixbu üntoxlechu hwom tüinaohom hwom ningle lang angkya hwom mixhuak akiak angkya okho mangui-manguile noxtasa dangjajale ngo angkya hwom füi akax.

MIKNGÜN-OHÜN 9:7

Kuknu sünjo a azan ang achwonle tüikya man lailaile tüikya; hwom khang ma hun khohom ningkyabu tüikya, üntoxle hwom thün-le khünak thün-le lailaile tüikya.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

ESTAR 8:15

Mordekai wanghomkha angkya laile pao. Chixe hingkya hia tsekya wanghom za-pua laxlaxle tamchu baxnat nyinu hia osün müikya hun khohom laxlaxle tüikya. Susa tingnu angkya tingjang lomnu mongmüi-pwonla tungle akhongkyae awang.

MIKNGÜN-OHÜN 3:18

Idaile ahak-aluale tüi angkya hanpakma nange ku angkya hun, huntsaotsao shaklax le kue anopu. Nang thünzak hia ohua ma ngokya to chwop ang nyi tsekyachu shaklax. Nange ngün angkya kuxma nang mik to pa ang hinghaichu shaklax.

MIKNGÜN-OHÜN 4:6

Tamchu ija tüntong thüntho ma zawan tinu ningle tsaothakya tuita tüikya. Chongwang tüntong akhople, üntoxle tüntong pangnu chikao ma, thüntho hia tokfüi pangnyichi mike awang laxle tüikya müibu tüikya.

MIKNGÜN-OHÜN 5:6

Ifüima ozün ma tüikya müi ali hia tüichong mixmüibue akhop laxle chongwang tüntong osung wama Chun Hosa ajongkya kue ngün. Chun Hosa a langdaokya ningle ngün. Ija ma ozong anüt üntoxle omik anüt le tüikya. Ibu a chaxwannu pangkha towüi pao ang tomkya Zang Chasa anüt changle.

MIKNGÜN-OHÜN 5:11

Anaolechu kue hu, üntoxle hajat-hajat kaxtaimixbu zing kue atat! Hwom chongwang tüntong akhople ajong; ozün ma tüikya müi ali hia tüichong mixmüi hwomchu wüi womle,

MIKNGÜN-OHÜN 14:3

Chongwang tüntong hia ozün ma tüikya müi ali tamchu tüichong mixmüibu, ibu thüntho ma 144, 000 khünaknu ajongle tüikya; ibue hwom tatae awan ang thokya tsaizün tuita ngao. Khünaknüsa khama shakle kopkya hwom tata wüi.